𝚂𝚊𝚏𝚎 𝚉𝚘𝚗𝚎

Affection

နာရီဝက်​လောက်​စောင့်ပြီးသည့်​နောက်မှာ​​တော့ အတွင်း​ရေးမှူး​ဆော​က ဖုန်းဆက်ကာ ပြောလာသည့် အ​ကြောင်းအရာတချို့က ဟီဆွန်းအား စိတ်ရှုပ်​ထွေး​စေသည်

အတွင်း​​​ရေးမှူး​ဆော၏တင်ပြချက်က သိပ်ချစ်ကြသည့် ချစ်သူနှစ်ဦးဖြင့် စသည့်ဇာတ်လမ်း ​
နောက်ဆုံးမှာ အိမ်​ထောင်ကိုယ်စီနှင့်ဖြစ်ကာ သူတို့ကြားက ​​နှောင်ကြိုးဖြစ်သည့် က​လေးငယ်ကို တစ်​ယောက်ကို အိမ်​​တော်ထိန်းဖြင့်ထား၍ စွန့်ပစ်ခြင်းဖြင့်အဆုံးသတ်သည်
​
မိဘသ​ဘောမတူတဲ့ကြားက ရ​အောင်လက်ထပ်ခဲ့ကြသည့် သိပ်ချစ်ကြတဲ့ အမျိုးသားနဲ့အမျိုးသမီးတစ်​ယောက်

​နောက်ပိုင်းမှာ ဘယ်လိုက​တောက်ကဆ​တွေ ဖြစ်ရတယ်မသိ ကြားထဲက ​မြေစာပင်က​တော့ သူတို့ရဲ့မျိုးဆက်ဖြစ်ခဲ့ပုံရသည်

၁၁နှစ်အရွယ် က​လေးငယ်တစ်​​ယောက်လုံးအတွက် ပိုင်ဆိုင်မှုတစ်ချို့နှင့် ​အိမ်​တော်ထိန်းတစ်​ယောက်ထားခဲ့ကာ စွန့်ပစ်နိုင်ခဲ့သည်က ဘယ်လို အသည်းမာသည့်မိဘမျိုးလို့ ​ခေါင်းစဥ်တပ်ရမယ်မှန်း ဟီဆွန်းမသိခဲ့

​သွေးမ​တော်သားမစပ်သည့် ​ဘေးအိမ်က ​ကောင်ငယ်​လေး​အ​ကြောင်းနား​ထောင်ရင်း ဟီဆွန်း​မှာ​​တော့ သက်ပြင်းတချချ

​ထိုညက​တော့ ဟီဆွန်းအ​တွေးများခဲ့ရသည့် ညတစ်ညပင်

~

ထိပ်တန်း​ကျောင်းသား ဟီဆွန်းအတွက် ယ​နေ့က​တော့ ထူးခြားသည့်​နေ့

၁၅နှစ်အရွယ်တည်းက companyနဲ့​ကျောင်း ၂ဖက်ခွပြီး လုပ်ခဲ့ရတာ​တောင် တစ်ခါမှ​ကျောင်းမပျက်ခဲ့ဖူးသည့် ဟီဆွန်းက ယ​နေ့​​တော့ မိုး​ထဲ​လေထဲက​နေ ​ခေါ်လာတဲ့ ​ဘေးအိမ်က ​က​လေးတစ်​ယောက်ကို ​စောင့်ကြည့်ဖို့ဆိုတဲ့အ​ကြောင်းပြချက်နဲ့​တွေ​ဝေမှုမရှိဘဲ ​ကျောင်းကို ပျက်ပစ်ခဲ့တယ်

ညက အဖျားရှိန်နဲ့အိပ်​ပျော်​နေသည့် က​လေးငယ်က မနက်၈နာရီအထိ နိုးမလာ​သေး

ဟီဆွန်းက​​တော့ အိပ်ရာ​ဘေးကခုံမှာ အိပ်​ပျော်​နေသည့် ထိုက​လေးနိုးလာမည့် အချိန်ကိုသာ ထိုင်​စောင့်​ကောင်း​နေတုန်း