جا وقت الملكه وكل واحد مشغول بنفسه
ام نايف: ابك وينكم اختفيتو
ابو نايف: طبيعي بيختفون ي ام نايف يوم عرس و الكل مشغول بنفسه
( في بيت ابو طلال)
طلال: يمه شرايك با روان؟
ام طلال: يازينها حلوه
طلال: طبعا يمه اختياري
ام طلال: قم قم تجهز
طلال: انا مو زيكم يمه بلبس ثوبي وشماغي وانتهى
ام طلال: زين اجل بروح اتجهز
لمى:(اخت طلال عمرها ١٧)
يمه وينها الكوفير باقي م جت
ام طلال: وانا ايش عرفني بابنتي دقي عليها شوفيها
لمى: ادق عليها م ترد وش ذا ليكون سحبت علينا
ام طلال: لالا معليك شوي كذا ودقي يمكن في الطريق وزحمه
لمى: اجل بدق على روان بشوفها
( لمى دقت على روان)
لمى: روان تجهزتو ولا باقي
روان: هلا حبيبتي لا باقي , وانتو؟
لمى: والله منتظرين الكوفيره وشكلها سحبت علينا
روان: ما اتوقع
لمى: يلا اخليك
روان: زين حبيبي انتبهي لك
( نايف سادح على سيارته ويناظر في السماء ويفكر با الهاف)
نايف : اهخ يا الهاف لو اليوم زواجنا
( ابو نايف يقاطعه)
ابك نايف وش تسوي هنا الناس مشغوله وانت سادح
نايف: والله اتوقع خلصت كل اشغالي ومامعي شي اسويه
ابو نايف: اجل قم شف امك وش تبي ووش ناقصها
( نايف قام بسرعه عشان يروح يشوف الهاف )
نايف: يمه يمه
ساره: هلا نايف وش بغيت
نايف: وين امي اسأليها لو تبي شي او تحتاج شي
ساره: تمام صبر اسالها , خالتي نايف يقول تحتاجين شي؟.
ام نايف: لا حبيبتي مابي شي قولي له
ام الهاف: ساره تعالي شوفي شعري حلو كذا؟
ساره: الهاف روحي قولي لنايف ان خالتي م تبي شي
الهاف: اووف م تخلو الواحد يرتاح
ام الهاف: الهاف قومي ولا تتأففين
الهاف: زين زين قايمه
( راحت الهاف لنايف ونايف منتظر ساره تجي)
الهاف: نايف انت هنا؟
( نايف فز اول م سمع صوتها)
اهلين اي هنا
الهاف: خالتي تقول م تحتاج شي
نايف: انتي تحتاجين شي امريني؟
الهاف: لا سلامتك
( نايف راح وهو مبسوط و الابتسامه شاقه وجهه)
وقت الملكه
ام نايف: روان جاهزه انتي؟
روان: اي اي جاهزه
ام نايف: طلال يبي يتكلم معك
روان وهي خايفه ومرتبكه زين خليه يخش
طلال: ما شاء الله تبارك الله وش ذا الجمال رواني
روان: ( وهي مستحيه) لا تحرجني طلال
طلال: اهخ ياحظي ياحظي
(بعد م ملكو)
طلال: واخير صرتي حلالي روان
روان: اخيرا
طلال يقرب من روان ويحضنها وبيقبلها فجاه يدق الباب
طلال: يا الله منكم حتى م زوجتي م تخلوني ارتاح لحول الله
روان: ( وهي تضحك) اصبر شوف مين
طلال: ميننننننن!!
ريان: انا انا ابيك شوي ي طلال
طلال: زين جاي انتظرني
روان: يلا قم بروح انادي البنات يجلسون معي شوي
طلال: يويلك بجيك شوي
روان: زين لا تتأخر
طلال: اهلين ريان امرني
ريان: ما يأمر عليك ضالم, بس بقولك انو لا تزعل اختي ولا تخلي شس بخاطرها ولا تزعلها امانه عندك وصارت امانه برقبتك
طلال: م طلبت شي اساسا بدون م تقول
ريان: يلا هذ راحتك
طلال فتح الباب وروان تسوي فستانها من ورا وما سمعت الباب وهو ينفتح قرب طلال منها وحضنها من ورا وباسها على رقبتها
روان: يمه منك طلال فجعتني
طلال: مين بيكون غيري بيحضنك من ورا!
روان: شعرفني انا
طلال : تعالي اجلسي ابيك
روان: زين شف لي وش اللي ورا مضايقني
طلال: مافيه شي حياتي انتي
روان: اجل وش ذا اوف
في الصاله جالسين العيله كلهم..
