هاي 🥥💓 نتمنى تكونو لباس ☺🍫... قراءة ممتعة🌙💓
End flash back ...
قعدت ثيزيري تشوف فالنجوم و اياد حاير كيفاه تبدلت 360°... يعني هادي لي كانت سيريو من صباح و تضحك ... كملو فطريقهم حتى لحقو للدار... دار لعندها باش يقوللها تهبط لقاها راقدة كي الملايكة ...
اياد: ثيزيري!ثيزيري! نوضي رانا لحقنا
ثزيري: .... لا...امين...خدعتني...
اياد: شبيها هادي؟وشكون امين هادا ؟
تنهد و هبط ... حل الباب ... رفدها و دخلها للدار... داها لشومبرتها و حطها ... راح جاب لبسة و لبسهالها و هو غالق عينيه ... و نحالها الطالون ... و زاد جاب لانجات و كسحلها الطابلو لي كانت راسماتو ... و غطاها و راح ... راح دوش و بدل قشو و مزال سؤال فمخو ...شكون هادا امين؟ راجلها؟حبيبها؟امي تاعها؟ بصح كون كان واحد من خادو كون راه ظهر ! ... فاق من تخمامو ... لبس غير شورط و من الفوق معري ... هبط للكوزينة و شرب شوية ما و عاود رجع لشومبرتو ... و رقد
في الصباح الباكر:
ناضت ثيزيري صباح على صوت تيليفونها
ثيزيري: الو !
المدير تاعها: ثيزيري ! تخدمي اليوم؟(بلونجلي )
ثيزيري: اليوم؟ راني عيانة بعد لي صرا البارح ... مي نجي
المدير :لا ماتجيش...
ثيزيري: علاه؟
المدير: صرا انفجار فالبيرو تاعنا...
عيطت ثيزيري وحدة
ثيزيري:ااااهه!!
المدير:ماكانش اصابات ... على خاطر فقنا بيها... و راهم يحوسو على الفاعل
ثيزيري: اكي ... وش من النوع البومبا
المدير : من النوع *******( مانعرفش هاد الصوالح😅)
ثيزيري : ماشي تاعنا هادي؟! هادي تاع....خلاص دك ندير تحقيق و نرجعلك بالخبر ...
المدير: اك تشاو
كوبات و ناضت تنهدت ... شافت روحها فالمراية تفكرت وعرفت بلي هو و رفدها ... حتى شافت لبستها ! زعما شافها؟ مانعرف ... خرجت و هبطت للكوزينة و طيبت حاجة تاكلها... و في نفس الوقت طيبت لإياد... شوي هك سمعت صوت واحد هابط من الدروج ...
اياد: صباح الخير
ثيزيري:صباح النور( وجات تدور ليه )
ثيزيري:اااا البس كاش حاجة من الفوق !!
اياد: وش ؟ لا مانحبش
تنهدت و دارت كملت طيبت ... حطتلو ياكل حتى نطق
اياد: علاش عيطتي مقبيل ... طيحتيني من السرير😒
ثيزيري: فجرو البيرو تاعنا ( وشربت رشفة من حليبها)
اياد: انتقام صغير من عندهم😏
ثيزيري: اهههمممم ...
اياد: وش تديري
ثيزيري :هههه تسقسي فيا ؟ ماعلاباليش ...
اياد: اممم.... اك
كملو ماكلتهم ... لمت ثيزيري الطابلة و غسلت ماعنها ... راحت لبست باش تدير سبور ... بعد ساعة رجعت و راحت دوشت و نشفت شعرها... دارتو طوماطيشة ... و حلت البيسي تاعها باش تبدا الخدمة... كانت تحوس على معلومات ... حتى تعيطلها يماها ...
ثيزيري: الو ماما!
وردة(الام): بنتي كي راكي؟
ثيزيري: لباس حمدالله ونتي ؟
الام: كيفاه هادي لباس راكي شينتي و شوفي ليسارن تقول باندا ! هلكاتك الخدمة شفتي قتلك ديري طبيبة يكونو هندك دراهم و نتي تبعتي هاد الخدمة راني نشد قلبي كون يصالك حاجة !
ثيزيري:ههههه و نتي لباس؟
الام: حمدالله ! مانعطلكش بنتي ... بغيت نقولك بما انو عك اشحالو نتي لتم و ماشفتيش لروحك عريس ! راهم جاوني خطابة و انا قبلت ... السمانة الجاية نلقاك حدا عينيا!
ثيزيري:كيفاه!!! كيفاه!!! نتوما لي راح تتزوجو و لا انا!! مانتزوجش ! نتوما جبتوه اتزوجوه !مليحة هادي ...
الام: علاه ابنتي علاه!؟😰 ياك كبرتك و ربيتك و مديتلك لي عندي ... راكي حابة تحرميني من احفادي😩 ... شوفي راكي وليتي عجوزة و نتي ماعندك راجل يحميك و تولي باسمو علاه ابنتي ... نغضب والله😫(وبدات تبكي )
ثيزيري: خلاص ماما خلاص ني قابلة ماتبكيش ... قوليلي الدار كي راهم؟
الام: يويويويويويوويويوو😋... راهم لباس ...
ثزيري:بابا ؟ اسمهان؟ كريم؟
الام: حمدالله و راهم يسلمو عليك 😚
ثيزيري:الحمدالله ... انا نخليك بباي
الام: ربي يعاونك ابنتي ...
و كوبات
ثيزيري: اربي !!كيفاش راح ندير ... نتزوج مع واحد مامعرفش جدو!!!
عند اياد لي كان الزعاف يخرج من نيفه ....
To be continued 🍥🥐
Etfa3lou ya lbnat bach nqdr nkmlha🙏🙏🙏🙏🙏🙏🙏🙏🙏🙏🙏🙏🙏
ESTÁS LEYENDO
•وقعتُ في الفخ• (باللهجة الجزائرية)
Acciónحكاية فيها ابطالنا ثيزيري و اياد لي مختلفين فالمجال ... واحد هو لي يطبق القانون و ينشر العدالة و الامن ... واللوخر هو من رؤساء العصابة ...كيفاه راح يتقابلو؟ ادا يحبو بعضهم ولا نن؟كيفاه يقدرو يفوتو الصعاب قدامهم؟ و كيفاه راح تكون نهاية القصة؟💕 اقراو...
