في بحر عينيك

Part 2

-في بحر عينيك

بقلم/غدير العلي
__________________________

دخلــت واشوف خالد بوجهي بسرعة ردت اعبره
بس وكف ڪدامي باوعتله

لمار: خ خالد بس شوي اريد افوت جوة

_ليش

_شنو ليش اريد افوت وخرر

_اعصابك يا حلو هاي شبيج جاي نحجي

_بس اني ما اريد احجي وياك فدوة بس وخر من طريقي

_ واني معاجبني اوخر

_لزم ايدي لو اني حسيت روحي حتطلع دفعته و دخلت ركض جوة سلمت بس الوجوة متبشر بالخير و نضراتهم لعبت نفسي خليت و رحت كعدت يم ماما

لمار: شوي و حاجتني مرة خالو محمد

_ماما لمار روحي ويه البنات ليش كاعدة هنا

_لا خالة خليني هنا
_براحتج بعد كلبي

خليني احجيلكم شوي عن خوالي عندي 3 خوال و خالة وحدة
خوالي امجد
و قاسم
و محمد
خالو امجد عندة خالد و بنين و ظافر

و خالو قاسم عندة عباس و امير و سارة و قمر

خوالي امجد و قاسم مختلفين تماماً عن خالو محمد
احسهم ميحبوني و زوجاتهم يكرهني و ميحاجني اصلا

عكس خالو محمد و زوجته

نسيت اكلكم عن خالتي امينه الي منشوفهة الا نادراً
عدهة بس ثنين بنات اسيل و رسل

خالو محمد عندة اياد و حبيب و زين و واحد من ولدة اليوم يرجع من السفر و عندة بنيه وحدة صبا حبابه كلش

خالد علتي من الصغر من بديت اكبر و هو نضراته كلهة قذارة

صارت الساعة ب8ونص بدو يصبون العشا الظاهر الاستاذ الفجر يلا يشرف
تقربت مني ماما و شاورتني

_ماما لمار كومي ساعدي البنات عيب

_كايمه

دخلت للمطبخ جانن يضحكن بس باوعلي الوجوه انكلبت
اجتني صبا جرتني من ايدي

صبا: تعاي لمار خلي نصب اني وياج
_رحت وياهة و طبعا لازم يسمعوني حجي

صبينه و خليناهن لان المواعين ثكال يجون الولد ياخذوهن

صبا: اي لمار شلونج اخبارج صارلنه هواي محاجين

_يعني زينه بس من اجي هنا ينكلب مودي شوي

_يلا حبيبتي تحمليهم بعد هذا طبعهم هو اني و عايشه وياهم و دائما يسمعني كلام

_اكلج امشي نشوف مكان برة نكعد ما اتحمل هنا

_يلا امشي

رحنا اني و صبا كعدنا يم ماما و ماما تسولف ويه مرة خالو امجد
_عيني ام باسل شوكت ناوين تزوجون لمار

_حبيبه لمار وينهة وين الزواج بعدهة زغيرة

_ليش شابه بنين زوجت وهيه بعمرهة واني خوب اخذني ابو خالد واني عمري 13 سنه

_زمنه غير عن زمنهم و غير هاي ابوهة يريدهة تكمل دراسه

_هيه الدراسه شتفيد بالنهايه البنيه بيت زوجهة لا تفيدهة دراسه و لا شي

لمار: كل هل حجي واني ساكته واباوعلهم لحد ما كرصتني صبا

صبا:لج لمار احجي شي شو ساكته
هزيتلهة راسي و رجعت نضري على ام خالد

لمار: لا خالة غلطانه البنيه مو نهايتهة بيت زوجهة البنيه نهايتهة شهادة و وظيفة بس المستعجلات و الكاتلات روحهن مثل بنتج بنين نهايتهن بيت زوجهن بله اسئلج سؤال بنتج شنو استفادت من هسه عمرهة 20 وعدهة اربع جهال و الي يشوفهة يكول عمرهة 50 سنه و كل متحجي و اشتكت من زوجهة صحيح اكو بنات مرات ينجبرن و الظروف تجبرهن يزوجن بعمر زغير بس الحمدلله اني ظروفي زينه ف ماكو داعي لهل حجي

_على كيفج يمه ما كلنه شي

بعد مجاوبتهة صبوا الاكل و كملت اكل وكمت غسلت وصعدت بغرفة صبا انام يمهة احسن شوي وصعدت هيه

صبا:والله برافو عجبني كلامج

لمار:يمعودة تغث هسه انتي رجلج بالكبر بدال ما تدعين ربج و تصلين باقية تذبين سمج ليش

_هههه ديلا اعصابج

_اكول صدك عود اخوج شوكت يجي

_على اساس اليوم الفجر

_مم زين

_اي اكول اخوج باسل شلونه

لمار:زين بس اليوم عندة شغل مشفته ابد

_هاا باجر يجي مو

_اي اكيد يجي هو و اخوج صحبه بعد غمزتلهة بس انتي شكو تسألين عن اخويه

_وسم شبيج ابن عمتي وسألت عنه

لمار:اها هييج

صبا:اي هيج ويلا وخري خلي انام
نامت صبا واني بعدني بقيت اكلب بالموبايل عطشت باوعت للساعة ب3ونص حييل شبسرعة
نزلت على اطراف اصابعي حتى محد يسمعني

دخلت للمطبخ شربت مي جاي اطلع ونظربت بشخص ردت اعيط بس خلة ايدة على حلكي اختنكت بقيت ارافس همس بأذني

ﺑــــحر:اشش شبيج هذا اني

يتبع...