#جعلني_انثى

#جعلني_انثى25

#جلعني_انثى 25
الكاتبة: ميشوو محمد
.
.
.
.
.
.
.
.
.
.
.
.
.
.
.
هشام قعمز جنبها شد ايدها ضغط علها: خيرك
اينور شافتله سحبت ايدها وقف بعدت: بعد بعدد
هشام رمش عيونه: ليش ردت الفعل هادي مضايقك، عشان السيارة؟! نكلم فيك خيرك؟!
اينور متعصبه: سيارة؟!  هدا لتفكر فيه... بتطلع من الدار شدها من مرفقها
هشام تعصب شدها من مرفقها: ادوي
اينور متعصبه
هشام تنهد: مع كل النكد والهم والحركات التافهه مش عارف شن عجبني فيك
اينور دفاته: قبل تحبني وتوا بديت شاكك ف حبك ليا لانك تكلم ف وحده حيوانه صح واضح اصلا 24 ساعه وجهك ع الهاتف وتضحك وع وجهك علامات ردت فعل كل ماتوصلك رساله
هشام رن هاتفه شاف الرقم وطلع لانه كان رقم المطعم
اينور قعمزت ع السرير: السكوت علامة الرضا (بدت تبكي حضنه روحها)
هشام ركب ومعاه كياس من المطعم حطهم ف المطبخ ومشي للصاله لقي يوسف راقد والتلفزيون والع
اينور تبكي ومنزله راسه ع رجليها: مش رح نقوله شن قالت الممرضة ع التحليل لانه ميستاهلش، لاني محملتش هو تكلم مع غيري.. قامت راسها حدفت الوساده لجنبها وشاف هشام فوق راسها
هشام تعصب: انتي هكي تشوفي فيا؟!  قعدت معاكم ف الغابه شفتي مني حركه مش تمام معاك او مع غيرك
اينور وقفت متعصبه: اي انت تستغل  ف الوقت لـ نكون فيه عند عمتي لطفيه وتجي قول انك ماعمرك خشيت عليا غادي
هشام: البسي نص كم وبلا وشاح وقعمزي ف وسط الجنان وقولي ليش تخش عليا
اينور: انت من يومها واضح صايع لانك حبيتني
هشام تعصب: انا لا حبيتك ولاطقتك بطلي وهم حبيتك من لم خطبتك
اينور مسحت دموعها: كرهتك انا الله ياخدني باهي.. وطلعت من الدار مش لصاله تفيق ف يوسف
اينور: وسيفا نوض لدارك يامامي
هشام لحقها: انتي متعصبه مني ليش قلتي الله ياخدك
اينور قامت يوسف الراقد: انت عندك ولد مانبيش ندعي عليك
هشام: شن قصة اتصال الممرضه
اينور مش ويوسف ف حضنها: قول لحبيبتك تقولك
هشام قرب خدي منها يوسف بعنف حطه ف سريره وطفىء الضي وطلع
اينور شدت الهاتف ف الصاله
هشام: اسمعيني وحولي الهاتف من ايدك
اينور متجاهلاته وفاتحه نت
هشام تعصب: انا خطبتك اتفاقيه بينا وانتي تعرفي صح يعني ماكنتش ناوي نجرب الزوجة التانيه
اينور خافت انه رح يقوللها حابب وحده لكن متجاهلاته وعيونها ف الهاتف
هشام: بعد مكالمتنا عرفت انك تفكيرك طفولي كيف نتعاركو تقوليلي ياحيوان وياكلب ولو ضايقتك بحاجه ماترقديش لين تقوليلي يعني متاكتمي شي ف داخلك اجوبتك عفويه وانك تهدزي معاي بدون تفكير يعني لفي القلب ع السان هدا لزاد حبي ليك وبـ انك تعلمي ف ولدي لم كان عندك (ضحك) كنت عارف انك مش طايقتيني ف البداية
اينور تعصبت: بطل دوه فاضيه هشام انا مش اول مره نتكلم هكي ومش من قبل نقولك ياحيوان توا طلعو عاجبينك شفت انك تخفي ف شي
هشام ضحك: شن قال الممرضة باه اي صح تحليل شنو درتي انتي يومها؟
اينور متعصبه: تحليل سرطان
هشام ضحك: صار نحب ف وحده تانيه توا بلله عليك وين بنلاقها الوحده التانيه ف المركز؟
اينور متجاهلاته وع الهاتف
سكوت دقايق
هشام يشوفله تتكلم ع الهاتف: انا من قبل كنت حتى الضحك مانقدرش نضحك صدقيني نمشي ف الشارع واليوم عليا وتوشويشهم ف وداني حتى خالاتي لم يشوفوني بيديرو وجهم حزين ع اساس حزنين عليا
طلعو عليا دوه اشكال والوان لـ يقولو انه كلب مرته ولـ يقولو مش راجل ولـ يقولو انه يشوف ف مرته تطلع وتخش وهو ساكت لانه مش قد عيت التجار ولـ يقولو انه كل لصار بعلمي
اينور شافتله واخيرا سمعت بقصته
هشام: مليهاش علاقه بموضوعنا بس بمجرد انه متت والكل سمع بقصتها وقتها بس بديت رعب لناس بـ ليدرته لـ ولد التجار خو زياد التجار (سكت تواني) مش عارف ليش نحكي ف دوه ليها اكتر من سته سنين بس الزبده من هدا... قطعاته
اينور: لحظه انت تقارن فيا بـ مرتك؟
هشام شافلها: كل يوم ف كل ساعه ف كل شبحه نشبحه فيك متزعليش من كلامي بس انا نصارح فيك
اينور تعصبت وقفت حدفت الهاتف ع الارض: طول يوم محبوسه ف الحوش ولو طلعت يكون معاك حتى بسيارتي ماعمري طلعت بروحي حتى ف المحكمه تكون معاي ومع هدا كله ماتوتقش فيا؟
متزوجين عام وتلاته شهور وقاعد متوتقش فيا
هشام وقف: مانكدبوش ع بعض انا منوتقش بحاجه اسمها ثقه مافيش حاجه اسمها ثقه ف قاموسي
اينور تعصبت: تشوف فيا قليله شرف ز مرتك وين كنت داس هدا كله انت طلعت بوجهين... قاطعها
هشام بعصبيه شد مرفقه بقوة: عمرك شفتي امي طالعه بروحها او اختي انا حتى بـ امي معاش نوتق سامعه لانه امي هي لـ اختارتها وهي لجابتها يعني يامدام التقه معدومه مع الكل وانا ماعمري كنت بوجهين طول عمري حارمك تطلعي بدوني
اينور نفضت ايدها منه: بسبب وحده قليله تربايه  هكي ادير فيك
هشام سكت ومتعصب
اينور تعصبت: انا والله نبيك تسامحني لكن مافيش ولا مخلوق يرضا انه يعيش مع شخص مايوتقش فيه انا وجودي هني مش موتوق فيه
هشام شافلها
اينور: ليش نظرت الخوف؟ مانقدرش نعيش مع شخص مايوتقش فيا
هشام سكتت
اينور بتطلع
هشام: وانا مانقدرش نعيش مع شخص مش فاهمني
اينور علت صوتها: شن بنفهم
هشام علا صوته اكثر: لو مانوتقش فيك مانحطش ولدي بين ايديك بس انتي حره بطريقة فهمك
اينور: انت من توترك معاش عرفت شن تدوي
هشام تعصب: عندك حق تدوي هكي لانك ماشفتي شي
طق طق طق
هشام مشي فتح الباب وطلع
عفاف خشت: خيرك خيره يعيط عليك
اينور قعمزت متعصبه
يوسف ناض خش لصاله قرب لـ اينور
عفاف قعمزت: خيركم ليش يعيط عليك
اينور تنهدت: انتي تقدري تعيشي مع شخص مش واتق فيك
عفاف سكتت
اينور: قالي انه يشوف فيا ز رتاج مش واتق فيا
عفاف: كيف؟
اينور بعدت يويف من جنبها وناضت خشت المطبخ
يوسف لحقها خش المطبخ:عطشان
اينور شافتله سرحت فيه تنفست عطاته يشرب
رجعت للصاله
اينور: سامحيني بس انا مانقدرش نعيش مع شخص يشوف فيا شخص تاني
هشام خش وعنده ملفات متعصب:لم تشوفي هادم بتقوليلي كيف قاعد تتنفس
عفاف سحبت منه الملفات
اينور شافتلها
هشام: ز ماانتي ماتقدريش تعيشي مع شخص مايوتقش فيك وانا مانقدرش نعيش مع شخص ميفهمنيش
اينور شافت عفاف: ماتبينيش نعرف ليش الثقه معدومه
عفاف شافت هشام حطت الملفات ع الصالون وطلعت نزلت لحوشها
اينور: شن ليخلي امك تتصرف هكي
هشام: لانه لـ رح تشوفيه خلاني سته سنين مانوتقش بـ ولا شخص
اينور: بطل تقولها انت لو ماتوتقش فيا معناها ماتحبنيش
هشام خدي ملف واحد مده لـ اينور: لو فتحتيه مش رح تصكريه لعند توصلي لنهايته سامعه
اينور فتحاته ولقت صورة رتاج واسمها كانت تشبه نسرين اختها سمراء بس ملامحها جميلة نوعا ما معلومات علها مواليدها ومكان ولادتها وهكي
هشام: اقلبي الصفحه
اينور قلبت الصفحه بدت تقرا ف حاجات تقرف كيف وحده متزوجه تخون راجلها لـ واخدها بلحلال وتمشي لحبيبها بلحرام 💔
.
.
هدى راقده فاقت ع اتصال من رقم غريب
هدى فاقت فكراته حسن: ايووا
..... ضحك: الحلو راقد
هدى: مني معاي؟!
زياد: حبيبة حسونه انتي؟
هدى صكرت الخط
هدى اتصلت بـ حسن: شني انت داير برقمي زرده؟
حسن: زردة شني
هدى: اتصل بيا واحد توا قالي انتي حبيبة حسن
حسن: كيف توا اتصل ابعتي الرقم
هدى: قاعد يتصل يخش ف المشغول
حسن: ابعتي الرقم
هدى: بعته
حسن شاف الرسالة نصدم: من امتى يتصل؟
هدى: توا بس
حسن: كلمتيه؟
هدى: رديت بس
حسن: شن قلتي وشن قال
هدى: قتله من معاي قالي الحلو راقد وبعدين قالي حبيبة حسونه انتي
حسن: معاد تردي ع رقم بلا اسم
هدى: انا ماتصلتش عشان غيرتك عليا اتصلت نعرف من وين جاب رقمي
حسن تعصب: تتكلم من كل عقلك ولا من نصه انا منعطيش ارقام من هاتفي بطلي توزيع غباء هدا اكيد واحد من الكلاب
هدى: اي ربي كلابك خير من نومك .. وصكر الخط
حسن حط الهاتف ف جيبه وخش هجم ع زياد: انت لوين بتوصل
زياد دفه بقوه: البنت ماتبيكش خلاص مش بلغصب
حسن: اها يعني تبيك انت ع اساس
زياد: البنت نبها
حسن: مش ع اساس بنبدو مع بعض وبنشتغلو ليش حاط عينك ع شي ملكي
زياد: انا محتاجك ف خدمتي لكن البنت مليهاش علاقه انا وانت بنرجعو صحاب ز قبل وبنشتغلو لكن البنت مش ملكك
حسن سكت
زياد: ملفته
حسن عارف روح ف مهمه مقدرش يتصرف: بس البنت نظيفه مش ز الباقي
زياد: وهدا الشي الملفت فها البنت متحبش لفت النظر ز غيرها ف حالها وانا عجبتني
حسن: من وين جبت رقمها
زياد شاف كمال: شغل كمالو
حسن ضحك ومشي لغرفته صكرها بس تعصب قعمز ويفرك ف ايديه بعصبيه وكان بيتصل بـ هشام وقف: انا مش صغير ولازم اي شي يفكره زياد نقطة ضعفي لازم نتعامل مع الموضوع ببرود عشان عشان عشانها(تنهد) مش مهم مش رح يصير شي تتعامل ببرود رح يفوتها لو كبرت راسك بدمرها برودد
.
.
اينور تقرا صكرت الملف
هشام تعصب ناض خدي الملف فتحه: كمليه انا قلت من الاول تقريه من البداية لنهايه افتحيه
اينور بدت ترجف سحبت ايدها دارتعم وراها برعب: مانبيش مانبيش
هشام بعنف مد ايدها من الخلف وحط الملف ف ايدعا شافلها بعصبيه بتقريه كله
اينور بدت تبكي وتسحب ف ايدها منه وتبكي: مانبيش لاا
يوسف خش الصاله وقف جنب الباب يشوفلهم
هشام بعصبيه خبط الملف ع الارض: تي انتي قريتي تلاته صفحات بس وباقي الملفات مني بيقراهم
اينور تبكي شافت يوسف ع الباب مشتله حضناته وتبكي
يوسف حضنها ببراءه: اششش خلاص
هشام قام الملفات: تشوفي فيهم هادم قاعدين عندي عشان يكبر ولدها ويشوف امه شن دارت وشن خنبت ومع مني تعاونة وف صف مني وقفت ومع مني هربت وع مني كدبت ومع مني خانتني وصورها وهي ف المركز وصورها ف التحقيق وصورها الشرطيات يضربو فها وصور جسمها لضاربه الوسخ لحباته وصورها وهي محروقه معاه ف نفس السياره
اينور حاضنه يوسف وايدها ع ودانه وتبكي
هشام تعصب سحبها: ليش تبكي وجعاتك ولا وجعتك
اينور بعصبيه دموعها ينزلو شدت يوسف: هدا لـ واجعني
هشام: عشان تجربي وتشكي فيا مره تانيه
اينور سيبتهم رجلها بدو تقال مش لدارها قعمزت ع الارض وسانده ظهرها ع السرير تبكي من لقارته وكل شوية تتخايل سطرين
يوسف: ليش امي تبكي
هشام تعصب شافله بعد شعره للخلف بعصبيه
يوسف قرب لـ بوه: ليش عيطت علها
هشام يشوفله: يوسف انزل لـ هدى
يوسف بيتكلم
هشام بصوت عالي: قلت انزل لـ عمتكك
اينور نخلعت من عيطت من الدار ناضت شافت يوسف يبكي مقرب للباب بيطلع شداته: استنى
هشام وقف: خليه ينزل
يوسف وراى اينور مايبيش يوري دموعها لـ بوه
اينور شاده ايده: مانبيش حرام عليك عيل هدا
هشام قرب فك ايديهم: لانه عيل ف حاجات مفروض مايسمعهاش (فكهم شافله) انزل لـ عمتك
يوسف فتح الباب ونزل
اينور كانت بتهرب لدار بس شدها من مرفقها
هشام: تعالي جاي انتي... خشو لصاله
اينور تفك ف ايدها: حول نحي
هشام فكها
اينور مسحت دموعها: ماعدش نبي نشوف افهم خلاص انت عندك حق وكل الحق عندك انك معاش توتق بس خليني ف حالي تربح مانبيش نعرف شي تاني
هشام صكر باب الصاله خدي الملفات  حدفهم تحت الصالون بعنف: خلاص هادم ع جنب
اينور تشوف تحت الصالون
هشام قعمز بعيد علها: واخيرا ارتحت انك عرفتي كل شي مني مع انه مزال ف حاجات ازفت
توا بنخلو كل شي ع جنب وبتقوليلي شن قالت الممرضة وتحاليل شنو درتيهم
اينور وقفت بتفحت الباب: افتحلي هشام
هشام تعصب: اينور شن التحاليل لدرتيهم
اينور تحاول تفتح الباب: نبيه الولد افتح الباب انا خليته ولدي وجاي تلز فيه قدامي شن مفكرني ربية قطوس نبي الولد هشام توا
هشام ناض فتحلها الباب
اينور كانت بتنزل بس شدها
هشام: اقعدي انا تو نجيبه
اينور: رح تلقاه تتحت الدروج
هشام شافلها ونزل
هشام نزل بخطوات بطيئة ويسمع ف شهقاته تحت الدروج
هشام خش تحت الدروج قامه وقعمزه ف حجره ع الدروج: مش قلت انك كبرت ومعاش تبكي
يوسف يبكي وايدها ع عيونه
هشام مقعمزه ف حجره: انا عيطت علها لانها رقداتك بدون ماتاكل توا بنركبو ناكلو ماشي بابا
يوسف مسح دموعه وهو قاعد بعبرته
هشام: توا بتركب تاكل انت وامك
يوسف: انت كليت
هشام: انا بنطلع انت توا تركب توكل امك وتاكل اجري
يوسف ناض ركب
هشام ناض ططلع ف السيارة مع انه الوقت متاخر
يوسف خش يبيت ع اينور
اينور تلمس ف بطنها: خايف يصيرلك ز خوك لو قعد بوك مهبول هكي
يوسف خش: ف مني تكلمي
اينور: خوك
يوسف قرب تسطح جنبها: وين خوي
اينور لمست بطنها (هني)
يوسف لمس بطنها: هو جعان؟
اينور ابتسمت
يوسف: وينه باهي
اينور: قريب يجي
يوسف باس اينور: قلت لـ بابا معاش يعيط قالي باهي
اينور ردتله البوسة
يوسف يلعب بشعرها: هو عيط عليك لاني متعشيتش
اينور: اممم
يوسف: اخرر مره باهي... وناض المطبخ
اينور لحقاته شافت الكياس من المطعم فتحتهم عطت ليوسف ياكل ومشو لصالة فتحو رسوم
يوسف ياكل
اينور قربت من شباك الصاله شافت سيارة هشام مهناش
اينور تسطحت ع الصالون: وسيفا ماما لم تكمل طفي التلفزيون ومشي ارقد ف دارك باهي
يوسف قربلها جابلها مشروب: كولي بابا قالي وكلها
اينور ناضت من الصالون: شبعانه انا بنمشي نرقد
شافت هاتفها معبي مكالمات من رجاء اختها بس تجاهلتها ورقدت
.
.
هشام يسوق من شارع لـ شارع رن هاتفه برقم مصطفى تنهد ورد: وتكنه حس بدموع بنته
هشام شاف الساعه 2:30:ليش يتصل بلوقت هدا
هشام رد: ايووا عم
رجاء تبكي: هشام وين اينور
هشام وقف السيارة: خيرك رجاء ليش تبكي شن الهرجه لجنبك في شي... قاطعها
رجاء تبكي: بابا توفى ياهشام
هشام سكت بصدمه