للـ كاتبة نور العبودي .
رصاص الايام .
مشهد .
مشهـد ( 1 )
ام فرات : " يمة سينة ما جاوبج فرات "
اسين : " يا يمة شبيدي مو اراسل واخابر ما يجاوب يعني هوة ما يفكر بينة ما يكول يجوز صاير شي مايفكر بيج انت امة ما يكول يمكن صاير بيها شي حتى من تموتين هم ما يهتم هذا ما يهمة غير روحة "
حجيت بـ كل عصبية و طلعت ضربت الباب برجلي
والله يربي مو سينة كلشي واكع على راسي احس راسي يريد ينفجر مو بس هوة الي متاذي كلنا متاذين من الي صار
بس الي يمر بـ شي يواجهة مو يهرب من عندة
هاي الحقيقة الي الكل مدا يشوفهاا
ما شايفة هيج شخص عديم مسؤولية احس كلبي احترك
طلعت تلفوني من جيب التراك وكتبت اله رسالة
" شوف فرات من اليوم اعتبرنة متنة ولا تسال ولا تخابر ولا تسال عنة اعتبر اهلك ماتوا ولا تجي ولا تخابر رقمي راح احركة وكلشي راح اكطع طرق الوصل بيناتنة مو بس انت الي حزين كلنا حزنانين على الي صار بس محد سوة مثلك
اذا حاولت تتواصل ويانة بعد اجي احركك واحرك الاردن الي ملفية شكولاتك "
ضغطت ارسال و انطيتة حظر " بلوك " هاهية فرات راح اشوفك شنو تسوي سينة اذا ما خليت شوفت امك حسرة عليك .
⇠────⋆⋆────⇢
مشهـد 2 .
فدوة بابا كافي ما اعيدها بعد فدوة كافي
احس بالدم يمشي على بشرتي طك خشمي دم
وابوية يضرب ييه بالاحزام ..
بابا والله بعد ما اعيدهاا اسفة والله اسف
"لج بنت الكلبببب تاخذين وتبوكين "
" تربيتي الج هيج تصير تمدين ايدج على اشياء غيرج "
بابه اسفه جنت اصرخ واكله والله ما اعيدها فدوة كافي بابه اذيتني جنت اصرخ وابجي بـ كل صوتي بس مع الاسف محد كدر ينقذني من الوحش الي كدامي ..
استمر يضربني كل نص ساعه ويكعد يستريح
لو عندي ام يضربني هيج لو عندي اخ يضربني هيج
لو عندي سند راح يصير بيه هيج
جانت امنيتي ارتاح ..
شوية واجه وجايب السجينة جمرة صايرة حارة ب ايدة ...
صرختتتت بابه لا فدوة بابه والله اخاف
والله ما اعيدهااا ما اخذ منك بابه والله ما اخذ
فدوة لا تاذيني بابه صرخاتي جانت بـ كل علوو صوتي
اخر صرخة صرختتت اخخخخخ يمه الحكيني
طـبع الجمرة على ايدي احس خيلي باد ونزلت على
الكاع الكاشي بارد ثلج
ودموعي تنزل بهدوء ماعندي
قوة اصرخ لو ادافع عن نفسي
جنت ابجي بهدوء واحس الحم
انشلع بـ السجينة
"حتى توبين تمدين ايدج على فلوس غيرج ما اربي بيج اني علمود تصيرين بواكة وحرامية "
جنت اباوعلة ماكدر احجي ولا عندي حيل ما احس
الى دموعي نزلت دافية على خدي وعيوني غمضتهن بـ هدوء ..
⇠────⋆⋆────⇢
نـور العبودي
