ابي الظالم
رؤيه : اريد اكلج شي
اني خايفه بس لا تريد تعترفلي بحبه لعلي خايفه من الموقف حيل
تالين : ها شي شنو الشي كولي
رؤيه : اني صار فتره اريد اكلج وخايفه احجيليج وتزعلين
لالا هاي اكيد راح تكول
تالين : لا ما ازعل كولي
رؤيه : ما اعرف شون راح اصارحج بهاذا الموضوع باعي اني
تالين : اي كملي شنو انتي
رؤيه : اني معجبه بعلي
تالين : يا علي ليش ما كايلتلي ههههه تحبين وما تكوليلي
رؤيه : علي اخوج
شويه صارت لحضة صمت اني اعرف بل موضوع من زمان يعني شراح اكلله اكلله اعرف لو اسوي نفسي متفاجأة
تالين : اخويه اخويه
رؤيه : اي
تالين : بس ليش هسه يله كلتي لمن خطب وين جنتي قبل
رؤيه : والله جنت حيل خايفه خاف تخرب صداقتنه
تالين : ليش تخرب صداقتنه احنه صداقتنه ما تنتهي إلى الأبد ليش هيج تفكرين
رؤيه : اني ردت ما اكلج بس انتي صديقتي الوحيده واني ضامه هذه الشي بداخلي من اول ما حبيته واني بداخلي احترك ما اعرف المن اشكي المن اكول واني تعبانه كلش ومكتومه قررت اجي اعترفلج بهذه الشي حته ارتاح.
وكامت تبجي واني ابجي وياها ما اكدر اشوف دموع رؤيه لان عزيزه حيل ؏ كلبي
تالين : كافي البجي ما يسوي شي خل يولي لا تخلين بالج يمه
رؤيه : ما اكدر ما اكدر وتشهك وتبجي
تالين : كافي راح اجيج هسه حضري نفسج
رحت ركض ؏ غرفت علي حته يوديني لرؤيه سمعت اكو صوت بل غرفه صوت بابا؟!
بابا : علي لازم نحل هذه الموضوع واختك ميصير هيج تضل وهذا خوش ولد راح يسعده وهذا الزواج بي مصلحه النه والولد هواي عنده فلوس هوه كلي زوجني بتك وانطيك بيت ؏ النهر
علي : ها صدك هيه تالين صارت جبيره بعد ما عندي شي وياها وهوه الولد خوش ولد اني اعرفه كلش زين واعزه اذا وافقت الله يسعده اني موافق
بابا : عفيه صرت خوش تفكر هيه البنيه مالهة غير بيت رجله
هذولي شجاي يخربطون زواجيش معقوله معقوله هيج علي تخله عني وراح يخلي بابا يزوجني ليش هيج يسون بيه اني احلم بمستقبلي ما اريد زواج ما اريد
ورحت ركض للغرفه ابجي ما دام الشخص الجان واكف بصفي وافق ؏ زواجي بابا راح يزوجني غصب عني شسوي اشرد لالا ليش اشرد اني عندي رئي وما راح اقبل ازوج ما اقبل مستحيل واني ميته من البجي يا رب اخذني وخلصني من هذه العذاب يارب انقذني
وره نص ساعه هديت شويه وكلت خل اروح لرؤيه اشكيله وتشكيلي
رحت العلي واني عيوني انفخن من البجي
علي : هاي شبيه عيونج
تالين : عيوني؟ شبيهه
علي : شصاير وياج
تالين : ما صاير بس رؤيه مريضه واريد اروحله
علي : ها اوك يله هسه ابدل وانزل انتضريني جوه
نزلت واني كلش هلكانه من البجي امي شافتني
ام تالين : ها ماما حبيبتي وين رايحه
تالين : راح اروح لرؤيه
ام تالين : يمه شبيه عيونج حمر
تالين : ها ماما هاي رؤيه خابرتني تعبانه تريدني
علي : يله تعاي وراي
رحت ورا واني ولا حجيت ولا كلمه وصافنه معقوله هيج يسوي بيه ليش هيج تغير يعني شكي جان بمكانه صدك نساني وأستغنه عني
علي : شبيج اليوم ما عاجبتني
كلت بكلبي ؏ اساس انت شون مهتم بيه ميدري بنفسه شمسوي
تالين : ما بيه شي
علي : ما راح اجبرج براحتج
وصلنه لبيت رؤيه ونزلت
علي : لمن تخلصين دكي عليه
اشرتله بتمام
.
.
.
.
.
********************
البارحه ما كتبت بارت اليوم اعوضكم ان شاء الله
