شباك الحب

البارت الاول

شباك الحب ''

البارت الأول

للكاتبه زهراء المياحي

*_، _، _، _، _، _، _، _، _، _*

_البعض من يمر بمرحله مراهقه يتجاهل هل المرحله يعتبرها مرحله عاديه مرحله طفوليه مرحله الكل يخطأ بيها وهل المرحله ما تحدد أي شيء مجرد عمر توصل اله ويمر الكل متناسي هل المرحله هي الي تحدد مستقبلك هي الي تحدد شخصيتك هي الي تحدد أنت راح تبقىٰ بهاي الحاله من تكبر لو تتغير؟

_اغلبنا مر بمراهقه يا اجتازها وهو محافظ على نفسه من ذئاب العالم ومتمسك بمبادئه الي تربه عليها ومن كبر اصبح انسان واعي ومثقف
يا وگع بشباك التخلف والطفوله وعدم النضج الصحيح ومن كبر وعى على
الدمار والاخطاء الي رتكبها

_واني من دخلت مرحله المراهقه ما اجتازيتها واني محافظه على نفسي
بالعكس اجتازيتها واني مرتكبه كل الاخطاء المتغتفر اخطاء وذنوب
لاتعد ولا تحصى لذالك اليوم اني مريم اقصلكم جزء من قصتي لعل تتعضون ومتوكعون باخطاء مراهقتكم الي ميتعدى سنواتها الثلاثه او الاربعه.... بس من تكبرون تتندمون باقي العمر عليها...

مريم؛ اهوايه ناس نصحتني بس سويت نفسي انسانه متحتاج النصيحه انسانه جبيره واخذ قراراتي بنفسي لذالك اي شخص كان ينصحني سابقاً ما اخذ نصيحته على محمل الجد ولا اسمعلها اصلاً

مريم؛ واني مريم مو البطله تصلي وملتزمه وتمشي البطل على سراط المستقيم بالعكس حتكون حياتي البطل هو الي يمشيني ويغيرني واني البطله الطفوليه القرارتها كلها غلط
متقبله كل تعليق وانتقاد منكم على حياتي السابقه وعلى مراهقتي لان صدكو من كبرت تغيرت اهوايه وتفكير وطموحي تغير عن الي مريم سابقاً!
وبنفس الوقت تذكرو
" حياتنا السابقه الي نخجل نتذكرها بذاكرتنا هي البنت شخصيتك الحاليه وخلتك توصل لهل المواصيل من الانجازات ومن هل الشخصيه المستقله وتذكرو زين ماكو بشر يبقه على حاله كلنا نتغير "

*~*~*~*~*~*~*~

مريم؛ فزيت الصبح على صياح " اهووووو بلشت رحمه الله من الصباحيات منووو عاف الباب مفتوح ماتكولون اكو بشر نايممم؟ "
اسمع صوت العياط حطيت المخده على راسي استغفر
" شوف بيمن العالم تصبح وشوفو انتو بيمن تصبحون! "

_گمت من فراشي رگعت الباب وراي ورجعت نمت
واني داغفي نفتح الباب واحد ركض صعد بصفي جر البطانيه وتغطه رفعت المخده عن راسي واشوف فرح وجها مخطوف؛ حجت بهمس

فرح: مريم بابا وماما يتعاركون

مريم: قربتها مني؛ تعالي حبيبتي ولايهمج اصلا كل يوم هما هيج شنو التغير؟

فرح: يعني يطلكون

مريم: اهووو مو كتلج معليج انتي صغيره شلج بهل الحجي عمرج كله خمس ست سنوات طبعاا اذا تصبحين على اهلج شتترجين غير تتعلمين كلمه طلاك وغيرها اني منا روحي طاكه هي حشرت نفسها بالبطانيه