حين عاد أبي من العذاب

بارت الـ1

البارت الـ1
حين عاد أبي من العذاب
الكاتبة:أية الجيزاني
.....................
"كل ما أعرفه هو ان بعض الناس يتغذون
على تعاسات الاخرين، و لا يحبون رؤية
أن ينخفض عدد البؤساء على وجه الارض"
.............................................
كعدت الصبح ع صوت امي وهيه تقره قران بتسمت واني اباع عليه واستمع الصوتها وهيه تقران بخشوع كملت قرايه وباعت عليه وكالت صباح الخير بنيتي رديت عليها وكلت صباح النور يوجه النور كله كمت ورحتلها وبست راسها بتسمت سمعت صوت بابا وهوه يدك ع صينيه ويضحك ويكول يلاااا كومو ريوك ريوك كمت غسلت وجهي وركضت بمرح وطفرت ع بابا مثل ابو بريص من يطفر ع شخص ضل يضحك ويفرنييي لكيت امي ناصبه الصينيه واخواني الثنين كاعدين تعالو خل اعرفكم علينه اني أيلين وعمري 16 سنه طالبه واخويه عرب اكبر مني ب سنه عمره 17 واخويه الصغير عادل الي عمره 14 سنه .....
حسام ابو أيلين عمره 59
علا ام أيلين عمرها 44
نرجع وين ما جنه.....
أيلين: يلا بابا خل نتريك نزلني
حسام ابو أيلين: نزلتها وكعدنه نتريك وگلبي مقبوض واحس رح يصير شي ضليت اباع على عرب وعادل شون يشاقون اختهم ويضحكون وهيه ضايجه
أيلين:بابا صيح بيهم حسام ابو أيلين: عوف بنيتيي بحهالها لٱ اطيح حضكم
أيلين: ضليت اعيب عليهم وهمه يضحكون اكلنه وكملنه وكمت شلت الصينيه بدال ماما وخليت الماعين بلسنك حته اغسلهم سمعت بابا يكول تأخرت حروح رحت ركض حضنته وبسته كتله لٱ تتأخر علينه مثل كل مره اضل يومين او اكثر تره ازعل
حسام ابو أيلين: بتسمت وبستها وكتله بابا هاذ شغلي شسوي يا بنتي وبستها وسلمت ع اخوانها ولغاليه الحبيبه علا بستها وحجيت ديري بالج ع روحج وع الولد وأيلين
علا ام أيلين: لٱ توصي حريص ذوله حبايب گلبي
حسام ابو ايلين:يلا ثيمالاه
علا ام ايلين :تحفضك الزهره وتردك النه بلسلامه شمرت المي وراه وراح سديت الباب ودخلت البيت وشفت أيلين تغسل اماعين
أيلين: هاا ماما راح بابا
علا ام ايلين :اي يمه راح
أيلين :احس اكو شي رح يصير اشو گلبي وجعني لهيت روحي بشغل البيت وعرب طلع الجماعته رحت كعدت اباع تلفزيون جان بادي فلم حلوو كعدت اتابعه حد ما غفيت وكعدت ع دكت مبايل ماماا اخذت المبال ورحت وديته الامي
علا أم أيلين: هلا خيتي ام علي اشونج اخبارج
ام علي :الحمدلله انتي شونج
علا ام أيلين: الحمدلله تحت رحمته
ام علي: علا حبيبتي معزومه ع عرس حسين
يوم الخميس اريدكم حاضرين
علا ام أيلين: يااااا مبروك ربي يتممها اله ع خير حبيبي فرحتله هواي
ام علي: لله يبارك بيج ياعمري اخذي راحتج
علا ام أيلين: حياتي يلا مع السلامه كطعت التصال واني اباع ع أيلين تباوع عليهه بفضول
أيلين: اكلنيي الفضولل وامي تحجي كملت اتصال وطفرت عليها مثل الكنغر يمه يمه شكو منو شصار وليش تكولين مبروك منو ازوج شصار
علا ام أيلين: على كيفج وحده وحده اكلتيني اكلل حسين ابن خالج رح يزوج
أيلين :طكيتها بهلهوله وضليت اركصص وطك اصبع اوصيح هلاا حيصير عدنه عرسس ككلللوووووششش شوكتتتت شرح البسس ماعرفف ماعدي ملابس شون
علا ام أيلين :يااا يااا ولج ياهيه ماعدها ملابس الكنتور ماتج مليان ملابس
أيلين: اوففف يمهه مو هواي واصلن كلهم شايفيني بيهن محلوات زين يمه شوكت العرس يايوم
-علا ام أيلين: يوم الخميس عدج هواي ايام تشترين ملابس ومن هسه اكلج ماكو ملابس مشلتحه وشال يضل ع راسج تمام حبيبتي
أيلين: تمام المهم اكو عرس باجر نروح تشتريليي تمام
علا ام أيلين:تمام بس فكي عني ياخه
أيلين :عفت ماما واني اضحك طبيت للغرفه ماتي ورحت طلعت ملابس علمود اسبح
طبيت سبحت ولميي يجننن بارد يرد الروح
طلعت من الحمام واخذت المشط ورحت الامي يلاا علوكي تعاي مشطيلي شعري
علا ام أيلين: علوكي بعينج ادبسززز عيب اني امج شنو تكليلي علوكي
أيلين: ديلا قابل شحجيت لو حسام يصحلج علوكي تكيفين وغمزتلها ماحس اله ركعتني بلمشط شبيج اعصابج اعصابج
علا ام أيلين: يمهه يمه من لسانج اكلتيني اكل لله يساعد الياخدج
أيلين: كولي نيالل الي ياخذني فديتني اخبل
علا ام أيلين: قصدج تخرعين يلا تعاي امشط شعرج
أيلين: كعدت ماما تمشط شعري وضفرته الي كمت من يم ماما ضليت افتر بلبيت ولله ملل شسوي اي جتني فكره رحت ركض الغرفه عادل دفرت الباب وطبيت سويت هجوم عليه
عادل: طبيت عليه أيلين سوت اقتحام الغرفه واني نايم طفرت طفره كتلهااا ياهوو الي مات احجي امي بيها شي اباع عليه فاطسه ضحك
أيلين: ضليتت اضحكك ع شكله يضحك صار هوه وكفشته وبجامته تك صاعد وثاني نازل باوعت عليه وكتله ماكو شي محد مات بس كوم اشتريلي اشو ماحس اله هاذ طكها بركضه عليه اني شفته هيجج وطكيتها بركضه مثل بيب بيب
عادل:اليوم اذا ما اطيح حضج ادبسزز الي يكعد هيجج حيوانه ام عطوبب
أيلين: يركض وراي واني اركض انجببب انتهه ابو عطوب الخايس شفت عرب وختلت وراه وكتله عسريع عادل يريد يكتلني واني ممسويه شي
عادل: عربب جذابهه ولله اصلن دفرت باب الغرفه وطبت تصرخ جنها خبله وكعت كلبي عبالي صار شي
أيلين: باوعت العرب بنضره بريئه
عرب: خزرت أيلين وجريت اذنها وكتلها متوبين من سوالفج
أيلين: باوعت واني اضحك بلا حساس وضمير وكتله اشاقه ويا وبعد ماعيدها
عرب:متئكده متعيديها
أيلين :اي ماعيدها اتوبه باععع باع عادل يضحك عليه شوفه
عرب:خزرت عادل وهديت أذن أيلين
أيلين: بتعدت عن عرب شويه وكتله عسريع لٱ مرح اتوب من سوالفي وطكيتها بركضهه للغرفه وسديت الباب وجريت مبايلي من الشحن وكعدت العب بلمبايل سمعت امي صيحلي طلعت من الغرفه ورحتلها هاااا ماما
علا ام أيلين:يلا غده يلا تعاي اگلي
أيلين: لكيت نبع الحنان مسويه دولمه افيششششش تخبل انوب حامضه وحلوه اجنن
نزلت بلخمسه شفطت الاكل شفط
عادل: حبيت اضوج أيلين..
لج أيلين شكدد تاكلين انتي ادري معده لو جاروبه بس تاكلين وترجعين ليوره
أيلين: انتهه شعليك قابل ماكله من جيب ابوك
أيلين: رفعت راسي وشفتهم كلهم صفتو عليه عرفت بشنو جفصت خزرني عرب كمت ابلع ريكي
علا ام أيلين: ضليت اضحك ع جفصتها وكتلها عافيات ماما اكلي مالج دخل بعادل العوده
عادل :هااا اشووو درتي عليه
عرب: كافيي اكل عادل كدامك نعمه حرام بويه
عادل: سكتتت
أيلين: كملنه اكل وشلت الاكل وسويت جاي وديت الهم وحجيت ولله ضايجه اربعه وعشرين ساعه محبوسه بلبيت خل نطلع حبابين باعوت العرب برائه وكتله ابو العرب حباب طلعنيييي حباببب
عرب :بتسمت وكتلها اكمل جاي واطلعج يمه تجين ويانه
ام أيلين : لٱ ولله مابيه حيل
عرب: جا شني اضلين بحيدج يمه
ام أيلين: اي يمه روحو تونسو
عرب : لٱ يمه تجين ويانه متبقين بحيدج
يلا كومو بدلو عسريع
أيلين : طيكتهاا بركضه وبدلت ع سريع ولبست شالي خليت مرطب الشفتي وكرصت خدودي حته اصير حمرر صعدنه بلسياره فترينه وضحكنه وطبك عرب يم مرطبات الـ***
ونزلنه اشترالي موطه وماما اخذت عصير وعادل وعرب قهوه تونست حيل
عرب: رحت جبت الـ أيلين حلويات وجباسه ع كولتها حبشكلات خليتهن بلسياره ورجعت لهم هااا ام لول تونستي
أيلين: ايي كلش احبكك يااا احلى اخ
عادل:اشتغلت الواكه مالتها
أيلين :نجب
عادل: نجبي
أيلين: كلبت عيونيي عاط بيه عادل
عادل:حفكسس عيونج اذا عدتيها تعرفين هاي الحركه تنرفز
عرب: يلااا كافييي عرك شبيكم جهال يلا امشي نتعشه
أيلين: اخذنه عرب المطعم اسمه الـ** المهم عرب :يلا شتاكلون؟
-أيلين : بيتزا
-عادل :كباب اريد
-ام أيلين : اني هم اريد كباب
-عرب: طلبت 3 نفرات كباب وبيتزا عائلية
-أيلين :اكلنه وكملنه رجعنه للبيت تعبانينن بدلت وكملت رئستن نمت من التعب
كعدت ع صلات الصبح صليت وكملت رجعت نمت كعدت وغسلت وسبحت طلعت من الحمام مشطت شعري وطلعت صبحت على امي وعلى اخواني
حضرت الريوك ويه امي نصبت الصينيه وكعدنه اكلنه بهدوء شلت الاكل وطلع عادل وعرب ماعرف وين اني غسلت اماعين ونضفت البيت ويه ماما صارت بلـ 12 الضهر كعدت ماما اسوي غده صاحتني اسوي الزلاطه وياها كلمنه الاكل
ام أيلين: ماما خابري على عرب خلي يجون يتغدون
أيلين: تمام ماما رحت جبت مبايلي خابرت ع عادل
-عادل: هااا نعلان خير شرايده
أيلين :الواحد يكول الوو هلاو مو رئستن هاا خير شرايده
عادل: نجبي حبيبتي شتردين هسه
أيلين: تعال انته وعرب تغدو ماما سوت غده يلا عسريع تريد اصب الغده
عادل: تمام جاين وصلنه للبيت اني وعرب شفته طلع علاكه من السياره كتله شنو هاي
عرب: حبشكلا من البارحه جايبهن الـ أيلين
عادل :هااا تمام يلا خل نطب
أيلين: اجوي الولد وتغدينه وكملنه وسويتلهم جاي شربو وكملو عادل راح الغرفته وعرب اطاني جيس الحبشكلات فديته شون اخ يخبل
ام أيلين: عرب يمهه
عرب:هاا يمه
ام أيلين :رح اخذ أيلين للسوك
عرب : شسون بلسوك
ام أيلين: اشتري ملابس الأيلين ملابس علمود عرس حسين تعرف
عرب: هاهيه روحن اني اوصلجن
أيلين: كمت اطك اصبع واردح رح اروح للسوك لبست جبة وشال لون اسود وجبة سوده طالعه جني مطلقه وعدها 7 جهال
عرب: لجج يلااا أيلين شدسوينن لٱ تصخمينن بوجهج
أيلين : مصخمتت وجهي محطيت شي يلاا امشي حبي يلا امي وصلنه عرب
عرب:من تردن ترجعن خابرني
ام أيلين وأيلين: تمام
أيلين: راح عرب وطبينه السوك طبينه اول محل معجبني شي طبينه غيره كلهن مشلتحات مينضم شي فريت السوك فر معجبني شي
ام أيلين: لج أيلين معجبج شي فريتيني السوك. كلهه رجليه راحن من المشي
أيلين:ماما اخرر محل نطبله بس هاذ
ام أيلين : يلا بس هاذ
أيلين:طبينه للمحل ضليت اباع ولكيت فستان لون وردي فاتح يجنن وشكله هادئ ونازك
كلشش عجبني كلت الامي شافته مستور وحلوو اخذناه واني فرحانه بي ماما بقه شال وحذاء ولمكياج
ام أيلين: ذني كلهن ترديهن
أيلين: يسنعم اريدهن
ام ايلين: يلا امشي امر الـ لله
أيلين: اشتريت شال بلون الفستان وحذاء ابيض عالي وطبيت البو المكياج فلستتت امي تفلس اخير شي خابرنه ع عرب واجه اخذنهه
أيلين: مرت اليام بنفس الروتين متغيرر شي قبل العرس بيوم جنت متحمسهه حيل وبت خالتي مها جانت يمنه حته ثاني يوم نطلع سويه كعدت اسوي ماسكات واخربط بوجهيي وبوجه مها وامي كمت واني خاله ماسك مال قهوه طالعه جني الي جانو يخوفوني بي واني صغيره باوعت ع بت مها افنان جانت تباع عليه بخوف تقربت عليها تبتعد ومبرطمه ركضتتت وراهااااا وهيه ركضتت وتصرخخخ وتبجيي واني اركض وراها اخوف بيها كمشتهاا وكتلهااا رحح اكلج واطلع اصوات غريبه اجتني امي
ام أيلين:لج نعليننن عوفييي الطفله شوفيها شون صارت صفره من الخوف تعاي ماما تعاي نانه حبيبي ختولي هاي الدبسززز متخوف يلا كليلها متخوفيني
افنان: ءءاني ماهاف منت نئلين (اني ماخاف منج نعلين
أيلين: منو نعلين بسيطه اني الج بليل اخلي الجني يجرج ام السان ونصص
افنان:تففف ئليج الوثخه (تف عليج الوصخه)
ام أيلين: هيج احسلج
أيلين : اجيتج اجيتجج راحت تركض واني ضليت اضحك رحت سبحت وكملت وخليت مها تسحب شعري بلكاويه نزل جوه خلفيتي من اني صغيره شعري طويل واسود اني سمره مايله على حنطي شفتي منفوخه وصغيره الكل تكول ملامحي حلوه حسب كلامهم عدي خدود
وقزومه اديناتي مدبدبات وضافيري طوال استعمل اضافيري للقتال ويه عادل المضلوم خطيه
مها: أيلين كملت شعرج وتره اجوي الولد
أيلين: تمام لفيت شعري ع كيف وخليت شالي وطلعت سلمت على الولد من بعيد وضلو يشاقون ويضحكوم كمت اني ومها وبناتها مريم ومرام رغم عمرهن الصغير بس يحبن يساعدن ويشتغلن كمنه سوينه العشه گليت (قليت) بتيته وطماطه وگباب تگلا (تقلا) وبيتنجان شوي وحميت التمن ولمركه اهمشي عد الولد لازم بلغده ولعشه موجودات كملنه وفرشت السفره وكعدنه اكلنه بهدوء كملنه
كمنه اني ولبنات شلنه السفره وغسلنه ماعين وكعدنه
افنان: تففف ئليج ملام ( تف عليج مرام)
مرام: هاي ليش ادبسزز
افنان:متيتيني لبع (مطيتيني ربع)
مريم:اطيج نعال ماعدنه روحي الماما
افنان: يييي مامه ئدها تومه فلوث (يي ماما عدها كومه فلوس)
أيلين:عوفي ماما وتعاي هاج
افنان: تيني (اطيني)
أيلين: جريت افنان من ايدها وكعدتت ابوسس بيها واعض يمه يمه اجنن خدوده جنها تفاح يبوووو مو طفله ضيم مخليت مكان ما بستها وعضيتها وطيتها الف
افنان: هايسه رح ادول الماما عليث عفيتيني (خايسه رح اكول الماما عليج عضيتني)
عرب:أيلينننن جايي جايي
أيلين: اي هسه اسوي كمت سويت جاي وصبيت الهم وديته وكعدنه اني ولبنات هناك يمهم نسمع سوالفهم ماحس اله افنان كبت القوري مال جايي طفرت طفره عليها شلتها وهيه تبجي التموو كلهم اجه عرب شالها من ايدي وشفنه رجليها مابيها شي سكتناها بحلويات وفلوس
مها: يااا ستار من كبت الجاي
أيلين :كمت جبت وصله وكعدت امسح واقره ايه الكرسي بردآ وسلامآ علينه ياربي نغزني كلبي من گبت الجاي موزين الي اعرفه الهم حاولت اتناسه النغزه خايفه من ماعرف شنو كمت العب افنان
أيلين: تفلي ع عادل
افنان: تفف عئليك ماهبك
أيلين: هاج ربع ورجعي تفلي
افنان: تتففف عئليك
عادلل: اجيتج الوصخه تعاي عليمن تفلين شلتها وجتفتها حته متتحرك وكتلها عليمنن تفلين ولج ومخنزر بوجها تباع عليه مبرطمه تريد تبجي ضليت اضحك
سامر: لكك عوفها ختولي تره اضل متحبك وضوج منك
عادل: لٱ تحبني معليك انته افنان تحبيني وهم خنزرت بوجها وهيه تخاف
افنان: ي اهبك
عادل :هديتها ماحس اله افنان ركعتني راجدي وتفلت ونهزمت لجج هاي عليمنن ادبسزز تعايييي اليوم اذا ما اطيح حضج
أيلين: متتتت ضحك ع عادل شون ضربته عزااا اخخ بطنيي عاط بيه عرب
عرب: أيلين ضحكتج
أيلين: بلكوه سكتتت لئن ضحكتي فضيحهه
كمنه اني ولبنات حته نام ورانه طلعه من الصبح نكعد بل 6 علمود نبدل فرشت البنات ونامن البنات
كعدت ساعه 6:00 كمننه سوينه ريوك وتريكنه
وكعدنه نلملم عسريع وبدلن البنات وبدلت ملابس مريحه لئن الطريق طويل الكربلاء هناك العرس قبل لٱ نطلع بدقايق.........

دك المبايل مالت امي ويه دكته گلبي وجعني
جاوبت امي ماحسس اله ع صرخت ماما ونزلن دموعها وكعت من طولها.........
__________________________________
شصار ويه أيلين وشرح يصيرلها بلـ مستقبل رح اضل قويه ام تنهار رح تتحمل عيشتها الصعبه لو لٱ رح تتحمل ضلم عمامها وكلامهم الجارح...
__________________________________

لهنا خلصنه البارت الاول اتمنه يعجبكم احبكم طبعن اول بارت صح بي ملل تحملو لئن الحداث الباقيهه ناررر اجننن هاي اول روايه الي اتمنه تغلسون ع اخطاء اتمنه تعجبكم طريقه سرد القصه (دمتم برعاية لله وحفظه)
الكاتبة:أية الجيزاني
البارت كله (2134) كلمه