#لـِ مريم نصر "ظلال خفية"
#ملك صلاح.
#قصص جنان في جنان.
توجهت مريم إلى منزل ملك ودلفت إلى غرفة المرسم الخاصة بملك.
مريم وهي تغلق الباب بعنف:يا صباااح العنااااب.
ملك بفزع:اييه ياا بت في ايه؟
مريم بعد أن جلست على احد المقاعد:يااا بنتي انتي هتفضلي قاعدة في علبة الصفيح دي؟
ملك وهي تشير لها بأصبعها:مريم انا قولتلك ميت مرة ماتقوليش على المرسم بتاعي كده.
مريم وهي تمسك اصبع ملك:وانا قولتلك ميت مرة صووووووبعك مايتحطش في وشي كده، وقومي يلا روحي اعمليلي اندومي.
ملك بتبرطم وهي تتجه إلى خارج الغرفة:كل همك على كرشك ياااا معفنه.
وقبل أن تخطو قدمها خارج المرسم التفتت إلى مريم بتحذير.
ملك بتحذير:ايااااكي ثم ايااااكي تقربي من رسوووماااتي انتي فاهمه؟
مريم وهي تشير إلى نفسها ببراءة مزيفة:هل أنا وش ذلك؟
ملك بإيماء:ايوه انتي مش وش ذلك....
فأبتسمت مريم بأتساع ولكن عندما اكملت ملك حديثها نظرت لها بغضب.
ملك بأكمال:انتي ابو ذلك.
مريم وهي تنهض:ده انتي ليلتك سووودة.
ملك بصوت مرتفع وهي تركض للخارج:خلاااص، هعمل الأندوووومي.
بينما مريم ظلت تلتف في المرسم حتى توقفت امام احد الرسومات الجميلة.
مريم بتفكير:طب مانا ممكن ارسم زيها.
وقامت بأحضار ورقة وجلست لتقوم بتقليد هذه الرسمه لكنها لم تستطيع.
مريم بتذمر:اووووف، اعمل ايه انا دلوقتي؟ اممم انا اشفها.
ثم أحضرت اللوحه ووضعتها امامها وقامت بوضع الورقة فوقها وبدأت في نسخها ولكن مريم كانت تضغط بعنف على الورقه فقامت بقطع الرسمة التي تقوم بنسخها.
مريم وهي تضرب على وجهها:يالهوي يالهوي، دي ملك هتعلقني في المروحه، انا اروح احطها مكانها احسن، لا من شاف ولا من دري.
ثم قامت بوضع اللوحه في مكانها وجلست بهدوء وعندما حضرت ملك وهي تحمل صحنين من الاندومي ثم وضعتهم على الطاولة.
ملك بحماس:شوفتي اللوحه اللي المفروض هقدمها للمسابقة؟
مريم وهي تبتلع ريقها بتوتر:لا لوحة ايه؟
ملك وهي تتجه إلى أحد الأركان:استنى هورهالك.
وبمجرد أن أمسكت اللوحة صرخت بغضب.
ملك بصراخ:احيييه، ايه اللي عمل في اللوحة كده؟
ثم تركت اللوحة والتفتت إلى مريم التي تجلس بتوتر.
ملك وهي تقترب إلى مريم بهدوء:مين اللي عمل كده؟
مريم وهي تهز رأسها ببراءة مزيفة:معرفش، شوفي انتي، هي مش لوحتك انتي؟
ملك بغضب:ده انتي هتشووووفي الوييييل.
مريم وهي تشير لها بالانتظار:استني.
ملك برفعة حاجب:ايه؟ في ايه؟
مريم وهي تشير إلى صحن الاندومي:استنى بس.
ثم نهضت واتجهت إلى صحن الاندومي وجلست تتناوله بتلذذ.
مريم وهي تتناول الاندومي:بعد لما اكل الاندومي نتخانق، اقعدي انتي كمان كلي.
وبالفعل جلسوا يتناولوا الاندومي وهم يمرحون.
#لـِ مريم نصر "ظلال خفية"
