بشرى ام سيلين: يمه سيلينة اكعدي الساعه ب 6 ونص يلة ماما حبيبتي اكعدي
سيلين: اوفف ماما خليني انام الله عليج
بشرى: ولج شنو تنامين اكعدي راح تتأخرين راح انزل احضر الريوك و أكعد اخوانج بسرعه اريدج تبدلين وتنزلين
سيلين: اوڪ ماما
كعدت غسلت وجهي و فرشت اسناني و رحت بدلت و لبست قميص لونه بنفسجي وبي بزونه سودة كولش حلو و بنطرون عريض لونه اسود و شال اسود و حذاء كعب لونهه بنفسجي و نزلت ليجوة و شفت اخواني فهد و علي يتريكون و اني كعدت يمهم
سيلين: صباح الخير
علي + فهد: صباح النور
سيلين: منو راح يوصلني علي لو فهد 🌝
علي: خلي فهد يوصلج
فهد: ليش مو انت
علي: عندي شغل
فهد: تمام لعد اني اوصلج
سيلين: يلة خلص بسرعه علما اروح احضر جنطتي و امسح حذائي
بشرى: يمه ليش ما تريكتي
سيلين: لا ماما شربت حليب ماكو داعي اتريك ما اشتهي
بشرى: تمام ديري بالج ع دروسج
سيلين: تمام
مسحت حذائي و حظرت جنطتي و نزلت ولكيت فهد ينتظرني ب السيارة
سيلين: فهد
فهد: ها عمري
سيلين: شنو رئيك اليوم بليل نشوف فلم
فهد: اكلج هسه اني توني كاعد وراسي صاير طبلة عود ارجع و افكر نباوع لو لا
سيلين: اوك 😒😑
وصلت للدوام و جان عندنه امتحان و الحمدالله جاوبت جنت كولش فرحانه بأنو مجاوبة كولة صحح طبعا الامتحان الدرس الاول و اجه الدرس الثاني جان يدك باب الصف ويدخل اخوي علي
الاستاذ: اهلا وسهلا تفضل
علي: اهلا بيك اريد سيلين
الاستاذ: سيلين بابا هذا الولد يريدج
سيلين: ها علي شكو
علي: ولج بسرعه جيبي جنطتج وتعاي فهد سوالنه مصيبه
سيلين: ياستارر شكووو شبي فهد
علي: لج تعاي بل سيارة انسولف اخذتلج اذن من المديرة حته تطلعين
سيلين: يلة انتظرني بس اجيب جنطتي
علي: تمام
............... نرجع ل فهد و شنو الصار.............
فهد: اول ما وصلت سيلين للمدرسة و اني راجع للبيت طلع كبالي واحد هو و جماعته و للأسف دعمته و اول ما دعمته نزلت و اخذته للمستشفى
.............................................................
VOCÊ ESTÁ LENDO
حبيت فصليتي من اول يوم 💞
Ficção Adolescenteالقصة حقيقية ل بنت ذهبت فصلية قصة جميلة جدا بللهجه العراقيه 💗
