عبد العزيز بغضب: احمد
احمد: نعم ! مو من حقه يعرف
عبد العزيز : مو كذا بندر هو اللي يحكي له
احمد وقف بالاشاره ورفع راسه لمرايه اللي كان عبد العزيز واضح فيها: يا تتكلم بشي مفيد ياتسكت فاهم
يوسف : احمد عبد العزيز معه حق ترا مالك اي حق انك تتكلم عن شي بندر نفسه ماتكلم فيه
احمد لف ليوسف : لا علمني ايش اسوي استاذ يوسف بعد انتو مو شايفين ان بندر جالس يضيع مننا امس اتصل باخر الليل يسال عن غيث وليه ماقلت له عن محمد انتو صاحين بندر كل يوم ويوم يضيع اذا انتو مو قادرين تتصرفون اتركوني اتصرف
تنهد يوسف لانه عارف احمد معه حق بكل اللي يقوله بس تصرفه غلط
احمد تنهد وسند راسه على المقود ورفع راسه من جديد ناظر غيث بالمرايه: اسمع اذا اتصل عليك اساله ليه يكره خالك اذا ماجاوبك بجاوبك انا
غيث كان حاس برتباك وخوف وتوتر من الموقف اللي جالس يصير بسببه : تمام بس اهدو انا اسف لاني
عبد العزيز قاطعه: غيث انت مالك ذنب وترا هذي حواراتنا دايم
غيث اخذ نفس
بالشركه
هتان: وين الكل !
ندى ضحكت: جاء احمد واخذ ابوي وغيث
هتان بحلطمه: اوف وانا ؟
ندى : انت مصيرك بهالشركه مثلي * ابتسمت
هتان: اخبار لمار !
ندى: كويسه مشغوله بامتحاناتها
هتان: وانتي
ندى: عندي بس ابوي قال بيجيب لي مدرس للغه الفرنسيه يبغى لي شوي تركيز فيها
هتان : غيث شاطر فيها
ندى بصدمه: غيث حقنا نفسه
هتان: اي غيث نفسه بهالاسبوع اكتشفت اشياء كثييير ممكن ينصدم اي احد يعرف غيث
ندى : تمززح صح يعرف فرنسي ؟
هتان ضحك: اي بس شكل ابوك ما انتبه انه نص تقارير غيث بالفرنسي للشركات الفرنسيه هو المدقق حقها لدرجه الكم يوم اللي راحو كان يسهر علشان يعدلها
ندى : غريب هالغيث بس تدري احس ان فيه شي غريب بقصته مع عمي بندر
هتان عقد حواجبه: شقصدك !
ندى: مدري بس احس فيه صله بين قصه غيث وعمي اكثر عمق من اللي نعرفها
هتان: تحليلاتك غريبه والله
عند العيال
وصلو المستشفى الكل كان مستغرب الا عبد العزيز
وصلو للغرفه ووقف عند الزجاج وكان فيه ٣ اطفال بالحضانه للعنايه بالمولودين قبل موعدهم
احمد : تعال غيث
غيث قرب منه واستغرب المكان وش ممكن يخلي احمد يجيبه هنا
يوسف ابتسم لانه فهم من تصرفات احمد وانه كان ينتظر مولود اصلا
احمد اشر على طفل جميل بالنص : شفت هذا !
غيث : اي
احمد : هذا غيث
غيث عقد حواجبه مو فاهم : شلون يعني هذا انا
احمد : انا جاء لي ولد وسميته غيث يعني اعتبره اخوك الصغير واهتم فيه عاد مو تتركه
غيث بصدمه: تمزح صح !
احمد وعبد العزيز ويوسف ضحكو على ردت فعل غيث لان صدمته كانت بشكل طفولي اكثر من انها صدمه عاديه
يوسف : يلا عاد التسميه عليك لاتنسى
غيث بفرح غريب : والله اسمه غيثث
احمد ضرب راسه : يعني بكذب عليك يالبزر
بعد رجوعهم للشركه
ندى كانت بمكتب يوسف : يبه انت تدري ان غيث يعرف فرنسي
يوسف اللي كان يناظر شاشه الكمبيوتر التفت لها : ايش !
ندى ضحكت : اي يبه
يوسف : تمزحين صح
ندى : لا والله يبه
يوسف : غيث غيث حقنا يعرف فرنسي !
ندى: ويعرف اكثر من لغه بعد بس انا بما اني عندي صعوبه بامتحاناتي بالفرنسي
يوسف عقد حواجبه: تبغين غيث يعني ؟
ندى: اتوقع بيكون افضل من شخص غريب ولا ؟
يوسف : هو صح كلامك بس بعد مدري هل بيوافق او لا
ندى سكتت
بعد الدوام
رجعو الشقه
غيث : هتان بطلع انا تمام
هتان: وين طلعني معك
غيث : بقابل وحده
هتان انصدم: وحده !!
غيث ضحك: بتجي عاقل خذتك
هتان : من متى مسبب لك مشاكل انا
غيث : اجل يلا تجهز
هتان : تمام
بالسياره كان يسوق هتان وغيث بجنبه
هتان: غيث شلون تعلمت اللغه الفرنسيه
غيث : مو فرنسي بس
هتان التفت عليه: انقلش ؟
غيث : والماني وتركي
هتان بصدمه: من جدك؟
غيث : اي ليه ؟
هتان: ووين تعلمتهم
غيث : لما كنت بالميتم ماكان مسموح ناخذ جوالات فا بندر صار يشتري لي الكتب التعليميه وصرت اقضي وقتي عليها
هتان: اهاا علشان كذا
غيث : يب
وصلو للكوفي
كانت واقفه ومحمد موجود استغرب وجوده بس هو يعرف ان محمد يحب سماح
دق جواله ورد عادي وقف بصدمه: ايشش ؟ وش تقول انت متاكد
غيث عقد حواجبه : اكيد صاير شي دقيقه
محمد : سماح اسف بس زوجتي بالمستشفى صاير لها حادث مع حسام بروح اشوفهم
سماح : لاتستئذن روح بسرعه
محمد كان بيطلع ووقف لما شاف غيث غمض عيونه بقوه يحس ان كل اللي جالس يصير هو السبب لانه عامل غيث
غيث اللي قطع تفكير محمد : تعال نروح لهم
محمد فتح عيونه : غيث لاتزيد علي
غيث بصرامه وهدوء غريب : ماعليك مو طلبت مني اوجع لك هذا دور الاهل
محمد تنهد: تمام تعال
غيث التفت لهتان: بتجي ولا بترجع ؟
هتان: بروح معك
ركبو ولحقو سياره محمد
هتان بعد تردد: غيث ماتحس ان اللي تسويه بدري عليه
غيث : انا نفسي مو فاهمني يا هتان علشان كذا اتركني اروح معه وارضي ضميري
هتان ابتسم لانه صاحب شخص صادق وحنون ومستحيل يقسى حتى على اللي قسو عليه
وصلو للمستشفى وشاف الدكتور بعد ماسال عنهم
الدكتور : الولد اصاباته الحمدلله مو خطيره كسر بالرجل ورضض بالجنب
محمد شحب وجهه: وزوجتي يادكتور ؟
الدكتور : عظم الله اجركم
محمد طاح بالارض بصدمه : لاتقولها
الدكتور ناظره لفتره: الله يصبركم ادعو لها
محمد : شلون متى وكيف
غيث نزل لمتسوى محمد : استهدي بالله الدنيا مارح توقف ويوم احنا بنموت بعدهم اذكر الله
محمد بدت دموعه تنزل : سامحني ياغيث سامحني ياولدي كله بسببي انا اللي تسببت فيك واللي تركتك بالميتم انا اللي دمرت حياتك وخليتك تعيش وحيد
هتان كان وراه ويحس الموقف ثقيل على غيث بشكل كبير * الله يصبرك ياغيث *
غيث : لاتقول كذا اللي صاير لنا كلنا قدر من ربي مو بيدنا نوقف الدنيا او نقول ان احنا مالنا ذنب او لنا قوم معي قوم حسام يحتاجك الحين
محمد رفع راسه لغيث وناظره بعيون كلها ندم وخوف ورجفه داخليه كبيره
غيث حاول يسنده : قوم معي
محمد : تكفى اتركني وروح انا سببت لك كثير اذى بحياتك واستحق كل شي يصير لي
غيث بغضب : هذا امر ربي انت لما رميتني ماجيتك وعاتبتك على رميتك لي وانكم ماتبغوني كونكم تكرهون ابوي قوم معي ياخال مو زين اللي تسويه وتقوله لاتعترض على حكمه ربي
محمد قشعر جسمه لكلمه غيث: خال ؟
غيث ببتسامه هاديه: اي مو انت خالي او ناسي
محمد : ياااه ياغيث ماتدري شقد هالكلمه تزيد الوجع بداخلي
غيث : ان شاء الله مع الايام بخليك تحبها غصب مو بكيفك الموضوع
محمد وقف معه ودخلو لحسام اللي كان غايب عن الوعي كون انه تعب بشكل كبير والحادث كان بالنسبه له شي كبير فوق طاقته
غيث طلع من الغرفه تارك محمد مع حسام انتبه لهتان ومشى بتجاه ماحس بنفسه لما طاح على كتف هتان ويدينه ترجف هتان ضمه بخوف
هتان: غيث شفيك صاير شي
غيث ابتسم بالم: اخيرا قدرت اسويها
هتان شده له اكثر : اهدى غيث انت ماسويت الا الصح وارجع واقول لك انا مبسوط باليوم اللي تعرفت فيه عليك
غيث رفع يده وربت على ظهر هتان: وانا بعد هتان شكرا لانك موجود
دق جوال غيث اللي ابتعد عن هتان ورد بدون مايشوف الاسم
بندر: غيث اخبارك
غيث غمض عيونه بقوه * كانه حاس باللي يصير * : بخير وانت وكيف دوامك هناك ؟
بندر: انا بخير وكل شي تمام وكويس طمني وش سويت رحت جيت؟
غيث جات بباله فكره : لا مافي بس تقريبا التقيت خالي محمد
بندر برزت عروقه لانه من اول يبي يفتح الموضوع بس جالس يلف ويدور بسبب كلام احمد : ايش ؟
غيث : اللي سمعته
بندر: وانا مو قلت لك انتظرني لما اجي
غيث : وانا قلت لك اني مو صغير واقدر اسيطر على كل شي وبهتم بنفسي وبشوفهم كثير بما ان حسام معي بالشركه؟
بندر : صح كلامك بس هذا مايبرر انك ماتبلغني
غيث : بندر انت ليه تكره خالي ؟
بندر : لانه سوا فيك اشياء كثيره
غيث بجديه : مو هذا السبب فيه اسباب كثيره من قبل
بندر سكتت
غيث : اذا ماجاوبت على هالسوال بعدها لاتحاسبني على اني اكلم اي احد بالعالم ورح اعرف الموضوع من غيرك
بندر : انتبه لنفسك جاني اجتماع
غيث سمع صوت الخط يتقفل تنهد قبل يجلس بجنب هتان : احس كثير اشياء بنفس الوقت صعبه
سمع جواله يدق من جديد
غيث : هلا يوسف
يوسف ؛ غيث سوال او بالاصح طلب سريع
غيث : امرني
يوسف : تقدر تدرس ندى لغه فرنسيه ؟
غيث غريب طلبه بس اكيد سوال هتان له رابط بالموضوع : ان شاء الله حدد لي وقت واجيك
ممكن تعليق لطيف ☹️ مره مزعلني التفاعل بالبدايه كان حلو ولما حسيت الا ان الاحداث بدت تكون احلى اختفى التفاعل البارت الجاي مارح ينزل الا لما اشوف تفاعل حلو 😞
YOU ARE READING
مُهمل
Romanceكنت مُهمل الى ان التقيت بك وانه لمِن الجميل أن يكُون لديكَ صديقٌ كلّما أتيتَ له متكدّراً رجعت منه صافياً وكلّما قدمت إليه ضعيفاً عُدت منه أقوى 🤍🤍🫀
