طفله ولكن

الحلقه (1)

طفله ولكن ليست متل باقي بنات💔
طفله ولكن حرمت من دراستها ومن صديقاتها وهيا في عمر صغير....
طفله ولكن ليس لديها سند يقف معاها...
طفله عاشت في الضلم والفقر.....
لكن هل ح يجي يوم وتتغير حياتها ؟؟
هل ح يجي يوم و تنتقم من لكان سبب؟ هل ح يجي يوم و ح تفرح وترد لها روح وتعيش حياتها من صفر ؟؟؟
كله ح نعرفوه في حلقات قادمه ....
___________________________
انا قمر عمري16سنه مواصفاتي بيضه وشعري اصفر وعيوني عسليات جوي حلو لكن ضروف غيرتني وخلتني نعيش حياه مش لي عمري...💔
امي مشت وخلتني واني عمري 10سنوات نعيش مع عيله بوي....
بوي : عادل يخاف من مرته الان متزوجها علي خاطر فلوس وهيا كانت تهدد فيه بيهم
مرت بوي: سميره لفعه من تحت تبن
عندها بنت : ريماس 15سنه زي امها بزبط
عندها بنت تانيه : مروه 12سنه هاديه وعايشه حياتها متكلمش فيا نهائي الان امها متبيهاش تكلمني...
عندي صحبتي وفي نفس الوقت بنت جرانه روح الروح تحبني ونحبها وهيا ديما لي نمشيلها وتغيرلي جوي
صحبتي : روان 16سنه ام لسان جوو عليها طرف مطرفف
.هادي هيا عيلتي ومزال ح يطلعو هلبا اشخاص واحداث جدد في حلقات قادمه...
______________________________
نضت علي عياط مرت بوي تهزب وتعيط
مرت بوي (سميره) : نوضي يا فرخه وربي لما نوريك اليومم نوضي ديري الفطور بناتي ميتين من جوع
قمر : باهييي
سميره : باهي صار ايي تعالي اضربيني وخلاص
قمر : شن قتلك اني به
سميره : توا تشوفي والله لما نقوله بوك هادا لمزال نبدا خدامه لبنت امها ملوحتها في شارع
قمر تعفلقت : يا مؤدبه لوحتني خير من تبدا تتمايع وتعاكس في راجل متزوج وعنده بنت
سميره انصدمت : حييييي عليك متتحشميش اقسم بالله لما نوريك اليوم برا حوش تكوني توا تشوفي
قمر : وعادي نطلع حتى توا نطلع بي كرامتي معززه مكرمه خير من اهانات تاني
سميره : طلعت وقربعت باب واني نضت نوتي في روحي شويه وسمعت بابا جاء ف عرفت ان اليوم نهايتي نسمع فيها تحكيله شن صار وتزيد من عندها
قمر : ناضت وتتت روحها وبعتت مسج لي صحبتها ( روان ) وحكتلها
فجاء الباب انفتح اني تعودت علي لقطه ف منصدمتش ولا شي لكن انصدمت ان بابا كان يتكلم بي هدوء و الكلام كان صدمه الكبرى ...
بابا : وتي روحك بنرفعك لي ناس نعرفهم كويسين وحالتهم ماديه كويسه ح تخدمي عندهم مؤقت لين نشوفلك شقه تقعدي فيها
قمر : عادي اصلن واتيه اني
بابا ببرود : تمام اطلعي برا نراجي فيك
قمر : نزلت وعيوني كانو لوطه منبيش نشوفها تتشمت فيا الاني كنت مصدومه في كلام بوي💔
مشيت وطلعنا وكان هدوء سيد الموقف
فجأء كسر هادا الصمت كلام بابا ليا ...
بابا : وصلنا هي انزلي
قمر : قمت عيوني وكانت صدمتي اضعااف اول مره نشوف قصرر كبير وخدم وحراسه في كل مكان انصدمت صدمه عمري وكيف كان القصر كبيير و منضر لايووصف
نزلت وكانت صدمتي واخده مكان نزل بابا معاي وخشينا كانو في ناس بسيطين لكن من لبسهم انهم راقيين ولبس اول مره نشوفه مشينا لمكتب وخشينا وكان في راجل باين عليه كبير في عمر وكان شخص غامض معرفتش نضرته هل برود او طيبه
بابا : السلام عليكم
الراجل : وعليكم السلام
بابا : هادي بنتي وهيا امانه عندك
الراجل : مشاء الله الله يبارك ولا يهمك ح تكون زي بنتي
قمر : معرفتش لا نبتسم ولا شي الصدمه كانت مأتره فيا
الراجل : شن اسمك ياحلوه
قمر : اءءء قمررر
الرجال : الله يبارك يا قمر
بابا : هي نستأدن اني
الراجل :ادنك معاك
طلع بابا ولا قالي سلام ولا شي اني تعودت علي معاملته البارده وكان عقلي كله في قصر كيف كان كبيير....
الراجل : قمر يا بنتي اني عارف حالك وعارف بوك كيف يعامل فيك
قمر : عادي متشغلش بالك عمي ح نخدم اهني وعادي
الراجل : يا بنتي خليني نكمل
قمر : سكتت
الراجل : اني بنعاملك زي بناتي بزبط وزي احفادي وانتي ح تبدي من عيلتنا زينا زيك ح تخدمي من صبح لساعه 5 وبعدها بتقعدي زي بناتي بزبط واني عجبتيني ادب واخلاق و حفيدتي زي عمرك وح تتعرفي عليها و ح تعجبك وفيه هلبا بنات ح تتعرفي عليهم ومن اليوم ناديني جدي وخودي راحتك
قمر فتحت فمي من صدمه : اءءء ووالله مانعرفش شن بنقولك
الراجل : متقوليش شي انتي بنتي من اليوم
الراجل : يا مرام يا مرام
مرام : نعم يا جدي
الراجل : ارفعي البنت وريها غرفتها و وريها القصر...
مرام شبحتلي وابتسمت : تمام
مرام : هي تعالي
قمر : مشيت معاها وعيوني بيطلعو من لي لابساته وكيف من يوم وليله يصير معاي لكن لازم ناخد احتياطي منهم الان ميعاملونيش هكي الا في سبب معين.....
مرام : دخلتني لغرفه والغرفه هادي كانت هاديه واتات هادي والوان خفيفه و كانت الغرفه لاتوصف معمري في حياتي شفت غرفه هكي
مرام : فيه ملابس في دولاب البسيهم وح نراجيك لوطه
قمر : ااني مفهمتش شي علاش تعاملو فيا هكي اني جايه بنخدم مش بنتسهوك
مرام : اني بروحي منعرفش و ديري ل يقولك عليه جدي وبعدين ح نفهمو قصه
قمر : سكتت
مرام : مشت وسكرت الباب وباين ان عندهم مناسبه الان دوشه هلبا لوطه
قمر : فتحت دولاب وانصدمت من ملابس ل فيه عجبني فستان بسيط طويل ولونه سماوي لبسته ووطلع عليا حلوو هلبا لمحت كريمات وحاجات معمري شفتها
درت كريمه ومشطت شعري درته ضفره والان مش متحجبه ولبست كندره بيضه ونزلت واني مش عارفه شي من كتر زحمه وناس لي تشوفلي فجاء سمعت حد ينادي عليا
مالك : مرااام  يا مراام تعالي
قمر : تلفتت وسكت وانصدمت في نفس الوقت كيف كان لابس سوريه بيضه وسروال اسود وكيف شكله كاان يجلط🤤
مالك : استغرب ب وجودي الان عارف بنات العيله كلها لكن معدلش
قمر : تفضل شن تبي
مالك : انتي مرام
قمر استغربت من سؤاله : لا
مالك : يعني مقالك حد تكلمي
قمر تعفلقت : الحق مش فيك الحق فياا اني ل جيت بنساعدك (ومشيت)
مالك : انصدم كيف نرد عليه هكي الان مافيش بنت جربت كلماته بي طريقه هادي
قمر متعفلقه : كيف يقولي هكي المتكبر المغرور من بدايتها هكي بدو يطلعولي وجوه نكد
مرام شبحتني جتني تجري : وههه كنت ندور عليك وين كنتي تلودي
قمر : كنت ندور عليك حتى اني معرفتش وين نقعد من زحمه
مرام : هههه تعودي وخيتي
قمر ابتسمت : به وين مطبخ
مرام : لا ردي بالك تخشيله جدي قال اليوم خليك معاي الان ناس هلبا جايه وغدوه ابدي
قمر : به شن بندير
مرام : تعالي نعرفك علي بنات
قمر ابتسمت : تمام
_____________________________
تعريف العائله.......
الجد : صالح
الجده : حليمه
عنده 3اولاد
الابن الاول : خيري
زوجته : فاطمه
عنده 3 اولاد و بنت
مالك : 23 سنه مواصفاته ابيض شعره اسود وعيونه علي اسود طرف ولكن عصبي
احمد : 21سنه مواصفاته ابيض شعره علي بني وعيونه علي اسود طرف مطرف ولكن واخد حياه بجديات
انس : 19سنه مواصفاته ابيض شعره اسود وعيونه ملونات طرف و جوه مش عادي وكل يوم يكلم بنت😂
مرام : 16سنه مواصفاتها بيضه وشعرها بني وعيونها ملونات طرفف وجوها حلو
الابن تاني : رمزي
زوجته : سالمه
عنده ولد و 2بنات
امجد : 20سنه مواصفاته ابيض وشعره اسود وعيونه علي بني نسونجي وتافهه
بيسان : 18سنه مواصفاتها بيضه وشعرها اصفر وعيونها ملونات طرف وجوها حلو
هبه : 16سنه مواصفاتها بيضه شعرها بني وعيونها ملونات مسمومه وتدلع وديما مش عاجبها شي
الابن تالت : مجدي
زوجته : مريم
عنده 2اولاد و2بنات
محمد : 26سنه مواصفاته ابيض شعره اسود وعيونه ملونات شخص بسيط يقرا في تركيا
سند : 20سنه مواصفاته ابيض شعره اسود وعيونه علي بني جوههه مش عادي
نسرين : 18سنه مواصفاتها بيضه شعرها اسود وعيونها علي اسود هاديه ومتحيش تتكلمو هلبا
موده : 16سنه مواصفاتها بيضه وشعرها علي اصفر وعيونها بني
"هادي هي العائله التي ح تقعد معاها قمر هل ح يستقبلو قمر او ح يديرو مشاكل معاها وهل ح تحبهم قمر في الاخير و تتعود عليهم ولا ح تطلع من القصر ؟؟؟"
الجواب حيكون في حلقات قادمه ....

ان شاء الله تكون عجبتكم الحلقه ولازم تعطوني رايكم ومتنسوش ديرو تفاعل
و ح تكون فيها احداث خرافيهه وشخصيات ح تطلع في حلقات قادمه✍🏻❤

آلگآتبهہ‏‏: بـنـت آلَآمــيــر👑❤