همس المالك

2

طلعت واتصدمت من اللي شوفته..

لقيت دكتور نادر قاعد ومبتسم لشخص قاعد جمبه وواضح ان الشخص ده الفرحه مش سيعاه..

استغربت وسلمت عليهم وقعدت بكسوف.. بصلي الشخص ده فبصيتله اتصدمت لما لقيته هو نفس الشخص اللي باعتلي ماسدج بصيتله بصدمه..
لقيته ضحك كانه عرف انا بفكر ف اي!..

فالاخر اتكلم دكتور نادر_ انا يسعدني ويشرفني اني اطلب ايد بنت حضرتك ي عمي لاخويا مالك..

بصيتله بصدمه واستغراب وقولت ف نفسي-غريبه هو مش كان اسمه حازم! ايوا كان حاطط صورته عالاكونت ومكتوب حازم!! مش مالك!!..

فوقت من سرحاني علي صوت بابا وهو بيسالني_ ها ي بنتي اي رايك.. باسمهندس حازم ابن ناس ومحترم والكل بيشهد باخلاقه وماشاءالله مهندس كبير..

بصيتلهم باستغراب من الاسم واتكلمت باحراج-والله ي بابا انا محتاجه افكر لاني معرفوش..

اتكلم دكتور نادر_ طيب ي عمي نسيبهم يتعرفوا علي بعض براحتهم..

-طبعا يبني اتفضل..

ومشيوا كلهم ومابقاش في غيري انا وحازم او مالك!!

وطبعا فضلت باصه للسجاده ومتكلمتش..

_ لو عجباكي السجاده انا ممكن اجيب واحده لينا في الشقه عادي علي فكره!؟ ..

-هه قديمه..

اتكلم باستغراب_ ازاي.؟

-يعني حضرتك سارقها من روايه! متفكرش نفسك روش يعم الروش هه..

_ اي ده.. انتي بتقري روايات؟

-طبعا يبني انت عبيط دي الروايات دي روحي فيه..

حطيت ايدي ع بوقي من التصرف الغبي بتاعي..

ضحك وقال_ واضح انك متسرعه في الكلام وبتتكلمي بعفويه كتير..

ضحكت باحراج-اسفه مكنتش اقصد..

بصلي بحب_ متتاسفيش انتي عفويتك احلي حاجه فيكي بجد!..

اتكسفت-شكرا!.

اتكلم بملل_  شكرا؟ هه عفوا!؟..

بصتله ببراءه اللي هو ءن عملت ءي؟؟

_ طيب انا مالك عندي25سنه خريج هندسه وانتي؟..

-انا همس22سنه بدرس فنون جميله..

_ امم كويس جدا..

دخل دكتور نادر هو وبابا..

اتكلم بابا_ ها ي ولاد اي الاخبار؟؟

رد حازم بسرعه-كل خير وانسه همس موافقه الحمدلله..

بصلي بابا باستغراب_ تمام.. يبقاا نقرا الفاتحه؛..

ارتبكت وقولت-بس ي بابا انا مش مو..

رد حازم بسرعه_ بعدين ي همس هجبلك اللي نفسك في ها نقرا الفاتحه يعمي!..