احلام مؤجله

الحلمُ الأول

أوجاعُ مريضه
-----------------

أنني أموت من أشياء غير مرئيه بنسبه للأخرين
من أشياء تنغرس في حتى الموت أشياء تافهة..
ندلُ قلبي بين أفواجُ فوجعهُ
فندلَ روحي فتمزق لوعهُ
فندلا حبيبُ أيامي قلبي الدامي حُبهُ
ندل الدواءِ من روحي تبعدهُ
ونادى بنفسٍ لئيمً بأزعاجٍ بِرفضهُ

الندل :خخطف الشي بسرعه
وهنا القصد خطف قلبها...
وخطف الدواء منها وجعلها متألمه ورفض الحُـب بلئُم..

فُله/ مو لقب تره هذا أسمي
من سكنة بغداد من الرصافه الثالثه..
مواليد ٢٠٠١
عائلتي متكونه من ٥ خوات
و ٣ أخوه.. الجبير متوفي وتارك ٢بنات
والثاني متزوج وعنده ٤ أطفال..
والثالث حامل صفة مرض الدم الوراثي.. مواليد ٢٠٠٧
أخواتي كلهن متزوجات وكل وحده بيتها ومستوره
نجتمع بأيام المناسبات والأفراح والاحزان
ماعدا أخت وحده هم عدها نفس مرضي مامتزوجه لأن مستحيل واحد يتزوج مريضه نفسنا.. مواليد ١٩٩٩
خواتي تحصيلهن لدراسي، خامس ابتدائي وثالث بس
خواني محد بيهم دارس مايحبون لدراسه ماعدا واحد درس اول وثاني إبتدائي وترك لأن يتعب..

حلمي جان اريد تمريض وشكد حلمت بي وماتحقق
اما مرضي عاش وياي من صغري
ولي هوه اسمه مرض ثلاسيميا

بديت مرحلتي الأبتدائيه اول سنه الي بلأول ابتدائي ماحب لمدرسه واكرها وابجي من أروح الها
كلش جنت ماطيقها وراها تركت سنه
فكرت انو ماحبها ولازم ابطل لان مابيها فايده

وراهه بسنتين كبرت وصار عمري ٨سنوات
حسيت نفسي وعيت شويه
و بما انه اشوف صديقاتي يداومن واني لا جاستني لغيره
لذالك كلت خلي اجرب ادرس جوز اتعود وأحبها
جان عدي صديقه اسمها ميس
حالياً متزوجه وعدها أطفال ربي يسترها 
جانت صديقتي مقربه هيه تسويلي حافز لدراسه انو اداوم وأحب مدرسه
هنا جان بعدني ماعرف شنو مدرسه؟
شنو تعيين؟
عبالي بس ندرس وبعدين نكعد بلبيت لذالك رجعت لدوام وداومت ملابس عاديه واني امشط نفسي وابدل وعتمدت على نفسي جان ليميزنا أني وخواتي شعرنا الأشقر وبيضانه.. بحيث أخواني شعرهم أحمر ماعدا المريض أسود شعره.. فجنت حلوه بس، مكسوره

بما انو اهلي كلهم امُيين مايعرفون كتابه وقرايه
لوحيده اني بديت احبها للمدرسه
وجانت عدي زوجة اخوي جبير اسمها زهراء
لي بعد وفاة أخوي بأربع سنوات تركت لبنات وتزوجت وحاليا تربى اولاد زوجها وثنين وأبن حديث أولاده وبنات أخوي تربن على أيدي وأمي وأخوي لمتزوج صار أبوهم الثاني وحتى يصيحله بابا..
جانت تسويلي حافز وكالت داومي واني اقريج وأعلمج لقرايه
لذالك اني حبيت اكمل بالدراسه بسبب حافز زوجه اخوي وصديقتي ميس
وراهه نجحت من الاول لثاني وراهه نجحت لثالث ودرجاتي زينه وراهه نجحت لرابع وهم زينه

بذاك لوكت حبيت لمدرسه وراهه خامس ابتدائي جان صديقتي لتعودت على وجودهه ونروح سوه ونرجع سوه بطلوهه اهلها من بطلوها صار عدي خفوق بدراستي واهسي راح ورسبت لان بطلت وهملت دراستي