ချစ်ခြင်းမေတ္တာေတွဆန်းကြယ်လိုက်ပုံများကွယ် တူညီတဲ့၀င်ရိုးစွန်းတစ်ဖက်ထဲမှာရှိတဲ့လူနှစ်ယောက်က အလွှာအားဖြင့်ကွာခြားပြီးမတူညီတဲ့၀င်ရိုးစွန်းတစ်ဖက်ကကောင်လေးငယ်တစ်ယောက်ကို အမြတ်တနိုးချစ်မိသွားကြသတဲ့....။
"အစ်ကို ပဲခူးကနေပြန်လာတာလားဟင်.."
အမောင်၏အမေးကိုမဟာကကြိုသိထားပုံပင်။နှုတ်ခမ်းတွန့်ရုံတစ်ချက်ပြုံးလိုက်ပြီး...
"ဟင့်အင်း....ပြန်မသွားတာ"
"ဘာလို့လဲဟင်"
"အချစ်ရှိရာအရပ်မှာပဲ ကိုယ်ကနေချင်တာလေ"
မြွေမြွေချင်းခြေမြင်သည်ဆိုသောစကားအတိုင်း ထိုစကား၏အတိမ်အနက်ကိုတော့အဂ္ဂသိနှင့်ပြီးဖြစ်သည်။အမောင်ကတော့ မဟာ့စကားကိုနားလည်သွားသည့်ဟန်ဖြင့် တစ်ချက်ရယ်လိုက်ပြီး ခေါင်းညိမ့်ကာ...
"ဪ သိပြီသိပြီ...အစ်ကိုကပုဂံသူမိန်းကလေးချောချောလေးတစ်ယောက်တွေ့ထားပြီဆိုပါတော့"
"ခွီးးးး"
အမောင်၏မေးခွန်းဆန်ဆန်စကားကြောင့် အတူထိုင်နေသော သုတမှာခွီလေတော့သည်။အဂ္ဂမှာရယ်ချင်နေသော်လည်းမရယ်ဖြစ်။မဟာသည်ကား အောင့်သက်သက်ဖြင့်သာ အမောင်၏ရွှေဉာဏ်တော်စူးရောက်မှုကိုကြိတ်၍ချီးမွမ်းထောပနာပြုလေတော့သည်။
*ဒီကောင်လေးဟာလေ ရေလာအောင်မြောင်းဖောက်ပြီး လာပါရေစီးပါလို့ခေါ်နေတာတောင် ကွေ့ပတ်သွားတယ်။တကယ်တုံးချက်ကလေ ဘယ်လိုမှကိုသွေးမရတဲ့အထိပဲ။
***
"အမေ ကျုပ်ကိုပိုက်ဆံသုံးသောင်းလောက်ပေးစမ်းဗျာ"
"ဟဲ့ အဲ့လောက်အများကြီးဘာလုပ်ဖို့လဲ"
"ဖဲရိုက်မလို့...အမေးအမြန်းထူလိုက်တာဗျာ..။ပေးမှာလားမပေးဘူးလား ပြော"
"စက်ရောင်ရယ် ငါကအဲ့လောက်အများကြီးဘယ်ကရမှာလဲဟဲ့..။နင်ကလဲအားနေ အလုပ်လေးဘာလေးလုပ်လေ..အလုပ်မရှိအကိုင်မရှိ ဟိုယောင်ယောင်ဒီယောင်ယောင်နဲ့ယောင်ခြောက်ဆယ်ဘ၀နဲ့ပဲနေတော့မှာလား.."
YOU ARE READING
ချစ်ခြင်းတည်စေ
RomanceSeme~အဂ္ဂခွန်းပိုင် Uke~ခန့်ညားလွန်းမောင် မိဘမဲ့တစ်ယောက်ဖြစ်တဲ့ ခန့်ညားလွန်းမောင်။အဒေါ်မိသားစုရဲ့နှိပ်စက်မှုဒဏ်ကိုအမြဲခံနေရပြီး မြေအိုးထမင်းဆိုင်လေးမှာအလုပ်လုပ်ရင်းဘုရားသမိုင်းတွေကိုရှင်းပြရတဲ့ကောင်လေးတစ်ယောက်။သူ့ဘ၀ရဲ့အမှောင်မိုက်ဆုံးအချိန်တွေမှာ ခရ...
