Isiah's POV
"Who tell unuh bout mi shipment?" Mi ask the ute wah strap up inna d chair.
"Bredda a jus a feeling we did get and seh rrr." Him seh.
"Mi naah guh ask yuh again." Somebody get info pon we and did a try get EVERYTHING from Jubs, Jubs a we tech guy.
Basically a him mek the orders and a him in charge a mi choppa dem. Suh him know everything wah we need, wah we a guh need and when we a guh need it.
Him seh dem did waah know when we next shipment a come in, is like dem did a plan fi raid it.
"Who d fuck tell unuh bout mi plans?" Mi ask.
Mi play wid d gun inna mi hand, my favorite, a mini semi automatic, also known as an Uzi.
"Please mi a beg yuh, doe kill mi. Dawg mi jus a try feed mi family." The ute beg.
Him affi dead, mi affi mek an example outta him.
Mi kiss mi teeth and aim the gun a him head and press e trigger. The gunshot dem echo inna d room and him head slump over.
Jah know ute, one a we did affi dead, and a couldnt me.
Mi lef d body inna d room fi mi people dem dispose of it and decide fi drive guh bck to the apartment, when mi reach deh, Serena gone.
Mi tek mi phone offa do not disturb and the missed call dem come in. Mi call har back and no ansa.
A suh mi end up buck har up a New Kingston wid one ute.
Afta mi drop har off mi guh round a mi mada fi sort out some business.
Mi hail up d ute dem a d front door den mi go in.
"Junior when yah guh gi mi one grand baby?" She ask as mi step through the door.
"Mi gi yuh grand, all millions, yuh nuh waah ntn more dan dat." One thing mi woulda hate is fi bring a ute inna dis world and dead lef him or her. Mi wouldn't wish dah pain deh pon nobody.
"Suh yuh nave nuh oman den? Yah board man?" She ask and laugh. She did sidung round d kitchen table a write down smt.
"Wah yah do?" Mi ask har and sidung inna d chair beside har.
"Doe question mi and mi ask yuh a question, answer." She seh and lock d book.
"Mommy...." Mi seh and kiss mi teeth, she gimme d eye and mi look weh.
"Mi ave a girl yes but it nuh official yet. We jus a het fi know each other." Mi seh.
"Ahhh dat mi waah hear, yuh cyah mek badness tek ova yuh whole life, a dat reach yuh fada and dats y him deh weh him deh now." She seh.
"A friend killa mek my fada deh weh him deh." Mi seh and get up. She know mi nuh like talk bout daddy.
"Anyway, Yap did already tell mi seh yave oman." She seh. Mi fling round mi head and look pon har.
"How yap know dat?" Mi ask.
"It nuh hard fi see, yuh look lighter."
Mi ignore har and we talk bout the money wah mi send to har this morning and weh she fi invest it inna.
Then mi check d time; 4:49.
"Alright mam, mi affi cut now so later." Mi kiss har pon har jaw and come outta d house. Mi look round d area den mi guh inna mi car and drive off.
By the time mi reach back a UWI a did like 5:30 sumn and mi see Serena stand up a talk to one girl.
Nuh Kareem oman dat?
Mi park d car and walk towards dem. Kareem oman spot mi first then Serena.
"Mi neva think yuh did a guh come back enuh." Serena seh and walk towards mi and hug mi.
YOU ARE READING
Jamaica's Most Wanted
General Fiction*Written in Jamaican Dialect, also known as Patois* 'She love bad man' is a known saying in Jamaica but sometimes people hide who they really are to protect people they care about. Isiah, one of Jamaica's biggest criminals, allegedly, has been belie...
