أحفاد الباسم

البارت 11 💌

هلو حبايبي ادري طولت عليكم بس صدكوني صارت عندي ضروف ومقدرت انزل واليوم البارات يجننن اريد تفاعل ويله نبدأ
،،،،،،،،،،،،،،،،،،،،،،،
الخطوبه
نور/ كعدت الفجر وكعدت افكر واني راح اعيش حياتي ويه شخص قريب عليه ولكن ما اعرف شخصيته وراح ابدي حياة جديده ومسؤولية وراح يكون شي جديد بحياتي شفت البنات كلهم نايمات كمت توضين وصليت
الفجر ودعيت الله يوفقني ويكون ويايه كمت بدلت لبست كلابيه بيج وشال ماروني ونزلت شفت حبوبه وجدو
نور/ صباح الخير والعسل عليكم
الجد/ صباح النور بنيتي تعالي حدري (كعدي)يمي
حبوبه / صباح النور يمه حبيبتي اليوم الحلو كاعد
نور/ كعدت بيناتهم وكلت
نور/ والله كمت صليت وشفتها ساعه ٥ ونص كلت انزل اسوي ريوك للكل
حبوبه / زين تسوين اني اروح أقره قرآن كوم ابو احمد ويايه
الجد/ يالله
نور/ راحوا حبوبه وجدو بديت اشتغل سويت بيض وطلعت اجبان وسويت جاي ومربا وسويت كهوه وزيتون وقشطه أشكال وأنواع صارت ساعه ٧ شفت يزن نزل
يزن/ لك هلا والله شنو هاي عمي اليوم الريوك اله فتشي
خاب متت جوع
نور/ صباح الخير نسيتها
يزن/ صباح الخير عود وره الاكل الدكتور كال
ههههه
نور/ هههههه طاح حضك متت
يزن/ هوه حضي الحاله طايح خاب مو بس طايح مسحول سحل
نور/ ههههه المهم روح كعد الولد واني راح اروح اكعد ذناج عبالك تنبل مال نوم
يزن/ الف طلب مثل هل طلب
نور/ يا صخام شبسرعه دغيرت
نور/ اشو هذا راح ركض الكاونتر طلع طاسه وملاها مي وصعد ركض ونزلت ريم وليان
نور/ صباح الخير
ريم وليان /صباح النور اللله شنو هل اكل
ليان /يربي ريحت الجاي والهيل فات باعماق خشمي الله
ريم /ههه اي والله
نور/ سمعنه عياط ونزل يزن يركض وختل ورايه
ريم/ لك شكو
نور/ عزه شبيك لطشت ورايه
اشو نزل انس وحسام يركضون ومنكعين
البنات/ ههههههههه متتت شنو هاي يربي ههههههه
يزن يركض وحسام وراه وانس وراه واحنه صافين عليهم لزموا يزن ودك ضرب ههه
يزن/ اخخخخ يمه لحكيلي
حسام/ لك قندره غركتني مي
يزن /اخخخخ يمه ضهري
شنو من ايد اله اقطع الاشتراك مالتكم بقاعه الحديد انتوا تدربون واحنه نبتلي اخ يمه
الكل/ هههههه تستاهل
راحو الكل كعد صعدت نور فوك على البنات
نور/ فتحت الاضويه وجان الكه سيلا واكفه يم الديجي
نور/ ولج عزه شراح تسوين
سيلا/ 123 وكلللللليشششش
وشغلت ساجده عبيد اشو هذني كامن مفزوعات ههههه
شكلهن يضحك

.........................................................................
الكاتبه / ولج سيلا يمه اني أقره بهل مشهد واخرب ضحك
سيلا/ هههه اني هم لو تشوفين حالتهم تقهر كلهم كاموا مفزوعين ههههه 😂😂
الكاتبه /ههههه
.........................................................................
ميرا/ كللللليشششش وهاي لخطوبه نور
هههه
اشو هذني كامن وركض وره سيلا وسيلا تركض نزلن جوه ركض
سيلا كاعد انزل من الدرج وجان اوكع
وضليت اصرخ من الوجع وكعت على راسي
وراسي نجرح هذني ضلن صافنات ميدرن شنو يسون
نزل حارث ركض والبنات نزلوا واجه الكل
....................
حارث/ كعدت واني اسمع صوت اغاني كمت لبست التيشيرت واني كاعد امشط شعري واسمع صرخه بس اريد أميز الصوت طلعت نزلت ركض وجان اشوف سيلا واكعه بالكاع والكاع مليانه دم وهيه تصرخ والكل فوكاها نزلت ركض شفتها هيج راسا شلتها وصحت يزن
حارث/ يزن اصعد سوق ليكدام ودكوا على أهلها
الكل نخبص شلتها وهيه تبجي واني تيشيرتي رصاصي صار احمر تخبلت كعدت ليوره وياها وجدي بلصدر ويزن يسوق وهيه تبجي واغمى عليها اني هنا ماضل عقل براسي
حارث/ يزنننننن سوق بسرعهههههه
يزن/ شيخ والله كاعد اسوق قابل اطير
وصلنه للمستشفى نزلت ركض شافوني الأطباء جوي ركض وحطوها على السديه وفوتها
وكعدنه ننتظر اجوي ام سيلا وابو سيلا وحسام وعلي
وأم سيلا بس تبجي
طلع الدكتور وكال
..................
نور/ كاموا البنات يركضون وره سيلا طلعت وراهم نزلوا ركض من الدرج وكعت سيلا نزلت جان اشوف سيلا تصرخ والكاع مليانه دم ضليت ابجي شالها حارث وطلع ركض احنه ضلينه قلقانين اجتي سلا تبجي والكل جان متوتر الما دك التلفون وهنا كلنه متنه بجي
................
طلع الدكتور وكال/ اني اعتذر بس المريضه حالتها كلش صعبه وفاقده هوايه دم وهسه لازم ندخلها عمليه
ونحتاج دم والعمليه خطره ويجوز
حارث/ من كال الدكتور هيج كمت وجان المزمه من ياخته وضربته والولد فكوني منه اخذني حسام ويزن بره واني ربع عقل مابيه
يزن/ حارث شبيك تخبلت لك تره مو هيج اهدي شويه
ماكو شي هسه تكوم هاي ام لسان
حارث/ امي راح اروح اتبرعلها بدم
يزن/ امشي بس أهدأ
حارث/ رحت فتت للمستشفى كالوا منو مطابق لدمها
كلت
حارث/ اني اتبرع نفس زمرة دمها
الكل تعجب منين اعرف زمرة دمها بس مهتمين سحبوا مني دم
بدت العمليه مالتها وكلنا داخلين بتوتر وناس تدعي وناس تبجي وكلنا خايفين
بعد 3 ساعات
طلع الدكتور/ وكال الحمدالله نجحت العمليه شويه ويطلعون المريضه
الكل/كاموا فرحانين وناس تبجي من الفرح وناس تشكر ربي ما خيبهم
حارث/ كمت واني مدي بس اشوف بنيتي
واحضنها
...............
نور/ بعد ما سمعنه انو وضع سيلا خطر والكل كام يبجي
وناس تدعي وناس تصلي وناس تقرأ قرآن وكلنا خايفين عليها هاي ام لسان ضحكت البيت
مر وقت ومحد دك ادك عليهم محد يجاوب
وره 4 ساعات صارت ساعه 1 الضهر وجان يدك تلفون سلا اشو هاي كامت تبجي احنه هنا عبالنه صارلها شي
سلا / ولكم سيلا نجحت عمليتها وهيه زينه شويه ويرجعون
حبوبه/ كلللللللييييششش
الكل/ عااااااا الحمدالله والكل كاموا يحمدون ربهم
حارث/نقلوا سيلا لغرفه خاصه وكالوا من تكعد يله تكدرون تشوفها لافين رأسها من فوك بشاش ابيض
واحنه كاعدين فاتت ممرضه شويع وطلعت وكالت المريضه كعدت وتريد امها ممكن بس ٣ أشخاص يدخلون فات حسام وأم سيلا وابو سيلا
شويه وسمحتلنا الممرضة نفوت فتت اني وعلي جدي
فتنا كعدنا يمها
حسام / شلونج هسه
سيلا/ احسن بس شويه راسي يأذيني
حسام/ هاي عادي مال بنج
فات يزن واجن يهلهل
يزن/ كلللللللوششششششش.
الكل/ ههههه
الجد/ ولك انت بنيه لو لد شني هاي ولك استحي على دمك
الكل/ هههه
يزن( وهوه يقلد صوت بنيه )/ اوي عيوني ام السوس شلون صرتي عيوني امح امح
الكل/ هههه
سيلا/ طاح حضك عيوني
الكل/ هههه
سيلا/ اكلكم اني ماريد ابقه هنا طلعوني
حارث/ هسه اسويلج خروج
سيلا/ اي فدوه صدك حارث هاي شنو تيشيرتك
حارث/ ها لا وله شي وطبع
سيلا/ شنو وله شي
علي/ من وكعتي هوه شالج وصار الدم مال راسج على تيشيرته
سيلا/ اها خطيه
سيلا/ من وكعت وبعد ما اذكر شي كعدت لكيت امي كدامي عيونها حمر فاتوا الكل وسولفنا شويه وسولي خروج وطلعت وانطاني الدكتور ادويه وطلعنه رحت صعدت ويه بابا ورحنه للبيت
مددت بالغرفه ونمت كعدت جان اشوف البنات كلهم يمي
البنات/ عااا كعدت
كل البنات كمزوا على سيلا
سيلا/ اخخخ خرا بيكم راسي
البنات/ اها نسينه شلون صرتي
سيلا/ الحمدالله
ميرا/ خرا بيج متت بجي عليج
سيلا/ عمري لتخافين مابيه شي
نور/ اها نسيت اكوللكم تأجلت خطوبتي بعد اسبوع
سيلا/ هفف كله من ورايه
نور/ لا حياتي اصلا عادي
سلا/ ها سيلا شلون صرتي ولج متت خوف عليج
سيلا / لا عمري لتخافين المهم شلون هذا الحلو الي بطنج
البنات/ شنووووووووووووو حامللللللل 😱
......................................
لهنا ويكون انتها البارت اعتذر على التقصير وأريد تفاعل واحبكم بايييي انتظروا البارات الجاي قنبله من الحماس بيه يخبل احبكم بايييي🕊💕💕💕💕💕