هلو بنات اني. توته طبعا هاذه اسمي الدلع مو الحقيقي قصتي ليوم اني مزوجه بعمر 15 صغيره ازوجه بأراتي محد غصبني ع الزواج اني ابد محبيت قبل لاازوج زوجت واحد غريب. ف اجه شافني وشفته تعجب بيه كولش بس اني كنت طويله وصاحبت جسم عيون كبار مناقصني شي هوه حلو بس كان مو بطولي هوه مات عليه اني ماادور جمال ادور راحت بالي وسعاتي بس المهم نطيت موافقه صارت الخطبه هوه كان يحب بنت خالته وهيه هماتين تحبه ف حضرت خطوبتي وتباوع عليه. اني حسيت اكو شي فترت خطوبتنه عادي مبيها شي بس كانو ماديين يعني اني مناقصني شي اهلي مدلليني مخلوني بنقص. وزوجي واهله ماديين اني مهتميت لهل شي ف خلصن 3اشهر وصار العرس ماكو اي خلاف حبيته وهوه كان يحبني بس. عيالي ناس متخلفين ميقبلون بالبس الضيك ممنوع تكعدين كدام حماج ملابسه شال ممنوع يطلع شي منج مكياج متخلين المهم كولشي تحملت ابد مكنت اوصل الاهلي كلام عنهم انو هيج ديصرفون ويايه وكانت حماتي عمرها 30سنه تغار مني لان زوجت صغيره وهيه بعدهي اني ابد مكنت احسسها بهل شي والا احرك كلبها مع الرغم هيه شوفتني الويل اني كوله ساكته ولا احجي شي حته لزوجي مااوصل شي تحملتهم لدرجه انو اني كولشي يكلولي اكللهم صار صرت منهم وبيهم محسستهم انو اني مرت ابنهم حسستهم وحده منهم وبيهم حموين يموتون عليه مرات زوجي يضربني يخلي دمي بطولي اني كوله ساكته همه يدافعولي ويطردونه من البيت وابد مااكول الاهلي زوجي هيج يتعامل ويايه. جانو. عمتي جانت تكعدني من الصبح خبز وطبخ وتنضيف اني شاطره من اني وصغيره كولشي اعرف ف مااتعاجز اسوي لي يرضيها هيه تحبني بس مرات بناتها من يجن بوزنها عليه لان اني مثقفه ونازكه يغارن لان. اهلهن يحبوني وهنه عيلهن ساده متخلفين. المهم خلصت 3سنوات معندي اطفال عيالي يئمنون بالسحر والشعوذه اني مااحب هل شي ابد ف مخلو ساده دكاتره اشكال عالجت كولشي مبيه تمرضت جنه اخوذ كول شهر30 ابره عمود اكوم عطولي لان ماحب انام بالفراش المهم ستمرت هاذي الحاله سنه زوجي شكد مجان يحبني ويموت عليه. بس هوه قبل ليزوج كان صاحب علاقات. اني جنت احس بي خطوه خطوه من كد محبيته صرت اغار عليه من كولشي المهم. هوه جان كولش يحب الاطفال واني جنت هم احب الاطفال بس اغار من يلزم جهال اخته صح احبهمم اني بس مو بيدي اغار ف هوه. من شافني هيج بديه يعذب بيه يضربني. اني مااحجي ابقه بس ابجي واجي اني اراضي المهم زوجت حماتي لي جانتت تغاار مني وره 3سنوات ونص من زواجي وره مزوجت اني صرت حامل وماادري بروحي. مع الرغم اني مريضه واخد علاج بس الله مينسه عبده شكد جنت ادعي واصلي وابجي لان مليت هوه حجي اني ميصير عندج اطفال انتي عاقر اني كوله ساكته. والله معافني، المهم جان هوه يكولي اذا متحبلين ترحين الاهلج ماريدج اني حللت وطلعت حامل صارت الساعه 1بليل انتضره عمود اكوله اني. حامل. والفرحه ملامتني والله اجه كوتله عندي مفاجئه الك كالي شنو كوتله اني حامل اني توقعته راح يغمه عليه
من. الفرح بهاذي الساعه صدمني وهوه يعرف شنو اادبي واخلاقي والله بباب الشارع اني ماشوفه وكول سنه كنت ارووح الااهلي جان يكولي انتي حامل مو مني 😔😔😔 كوتله شهل كلام جان كوتله اوك مو منك ااني حنزل كول الامك واخواني لان باجر عكبه كولشي يصير جان يلزمني يملخني تملخ وشهر كامل اني حامل والدنيه شتاء يخليني انام ع الارض بدون فراش المهم مليت صار عليه شهر ونص كلت الاهله وصارت عركه جبيره وطردو من البيت واني 3ايام مشايفه غرفتي ولاابدل ولاشي نايمه يم عمتي لان فترة توحم قويه والمفاتيح مال غرفه عنده المهم حمايه الكبير حاسبته مثل ابويه احترمه واقدره كولش طبعا اني الجنه الاولئ الهم المهم وره 3ايام اجه زوجي للبيت صعد للغرفه. وره ساعتين. نزل دخل للحمام. من دخل للحماام اخذت نسخه من المفاتيح مال. غرفتي خليته يطلع وجان اصعد للغرفه والكه صور الععرس ملخها كولها كالب الغرفه كلاب اجتي اختي لكتني مبهذله وجهي اصفر وحامل واشتغل بالبرد محجت شي ابد خطيه جابتلي غراض. بليل راحت وي ماراحت زوجي اجه اني، معبالي هوه فتحت الباب وي مفتحته لزمني من ايدي حسيته متندم ع لي سواه اني محجيت شي ابد بس بجيت حضني وكلي اني اسف ومن هل كلام المهم اجتي ايام وراحت ايام دخلت الشهر الخامس احس بحركت البيبي جنت انسه كولشي من يتحرك اشبع بجي ع القساوه لي عشتها المهم رحت سويت سونار كلولي بيج ولد اني فرحت وهوه واهله كولش فرحو المهم اجتي ايام وراحت ايام دخلت الشهر الثامن نهايته اجتي اختي شوفني. جنت اتوجع حيل
من انام اختنك شغلي صار صعب عندي افحط اختي كلتلي تحملي مبقه شي وترتاحين. اهلي ميعرفون بالمشاكل لي اعيشها ابد ابد. دخلت التاسع صار عندي وجع كولش قويه رحت لدكتوره. كلتلي مبقه شي انطتني موعد للولاده واني شهر كامل ميته وجع ليل كوله ياخذوني للمستشفئ جنت خايفه وابجي من الخوف كول مااروح للمستشفئ يرجعوني واني فات الموعد مالتي المهم مليت اخر شي جبت عند قابله من شافت وضعي تخبلت كالت اني جاهزه للولاده اني متت البيبي مختنك بطني لان اول طفل مااعرف اطلك المهم من الساعه 9لحد الساعه 1بليل اني بعدني اخر شي العياط مالتي بحيث زوجي يكول من اسمع صرختج احس كلبي راح يوكف ودموعي عشره عشره والله الف ياعلي مع الرغم اني طبيعي بس صار عندي عشرين. خياط من الداخل وجان اولد وتطلع بنت مو ولد بس البنت كان لونها نيل مختنكه بطني حته خروج مسويه بطني شبعتها كتل الجده واني الوجع والنزف ماخذني بس الضربات لي يضربوها الها دك بكلبي 🥺🥺🥺وره نص ساعه جان تصرخ الطفله اني بهاذي الاحضه نسيت الوجع من خلوها ع صدري شبعت بجي المهم نضفوها ولبسووها صارت جنن. اخذوها الابوها بالسياره شبع بجي سماها فوفه الدلع مالها ماوصفلكم عطرها وبياضها. 😍😍😍صارت نستني الدنيه اتبعو الجزء الثاني اسفه ع الاطاله
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
