روايه: الجريمه والعذاب

البارت الثالث عشر

#روايه_الجريمه_والعذاب

………………………………
عجبًا لها عبثت بِها أشواقُها
تقولُ من فرطِ المشاعر أكرهك !
مُحتالةٌ ، مفضوحةٌ أحداقُها
هل تضحك العينان لك لو تكرهك ؟.
………………………

كعدت على صداع مُخيف احس راسي راح يطك ماعرف ليش هل وجع المخيف
حسيت على ضربات خفيف بخدي
بس جفوني ثگار ماكدر احركهن صعب صعببببب ياربي مداكدر افتح عينييي
كمت ابجييي وماسمع بس وششه مداكدر اركز على كلامهم تركيزي كله على عيني
بديت شوي شوي افتح عيني وارك اغمضهن احس اكو طابوك عليهن كد ما ثكيلات

وضحت الاصوات واول صوت سمعته

جرهم ، بويا شدراج شصاير ليش هيج تباعين جنج وحده مكبسله

ام تمر ، يممهههه بنيتي حبيبه تشوفيني تذكرينه

جمانه ، هاا تمرر شلون صرتيي تحسين بالم

حسيت راسي افترررر مداكدرر اعرف عليمن اجاوببب احس فوووضىىىى كلشي فوضى مداكدر اميز ولا اكدر احجي لساني ثكيل وعيني بالكوه فاتحتهن

دكتور ، بلا زحمه ممكن تطلعون بره علمود ترتاح لان موزين على المريضه كل هل هوسه وعلمود اكدر افحصها بدون ماتتنحس

جرهم ، يلا طلعو

طلعو كلهم وبقى بس هوه يراقب حركات الدكتور يعدل بحسابي
شافه لزم رجلي

جرهم ، دكتوررر دكتورر ها خويا شبلاك

دكتور ، عفوا

جرهم ، لا تتلمس كضي شغلك وخلص

دكتور ، اخي اذا حتظل واكف على راسي اتمنى تتفضل بره

جرهم، شنو الي اتفضل بره تره تصير موزينه

دكتور ، لعد اريد انفض عملي بصوره صحيحه

هز ايده وعلى اعصابه

الدكتور كمل من رجلي واجه تحسس عيني وكعد يكول

الدكتور ، تشوفين هذني
ويطلع اصابيعه
اهز راسي باتأكيد

الدكتور ، تحسين بألم خلف راسج
هزيت بالتأكيد

جرهم ، ليش يوجعها راسي

الدكتور ، طبيعي هذا الشي من الغيبوبه والنوم راح يسبب صداع حاد وان شاء الله موفقدان ذاكره
ورجع حجه
الدكتور ، خلي ترتاح شويه وارجع افحص كلامها لان حاليا هوه ثكيل وماراح نستفاد شي خلوها ترتاح لاتسئلوها شغلات هواي عوفوها اليوم ترتاح

جرهم ، مشكور دكتور ماقصرت

اول مطلع الدكتور سمعت صوت امي تسئله عليه وهو يجاوبها ابد مضاج
وره شويه طبت ممرضه ضربتني ابره وحسيت مثل المي البارد يمشي بشرايني الحاره
ووراها نمت