حوريان الرعد

البارت ٩

                    حوريان الرعد

في صباح يوما جديد مليء بالأحداث المشوقه
في قصر عائلة الدميري
تستيقظ حوريان من نومها وترتدي نظراتها وتجد رعد قد استيقظ من نومه وبدل ملابسه واستعد للذهاب إلى عمله
حوريان / صباح الخير
رعد / صباح النور على اجمل حوريه في الدنيا
حوريان / انتي لسه بردوا بتحب تناديني حوريه
رعد وهو يقبها من خدها / وهفضل علطول اناديك كدا
حوريان / رعد ممكن أسألك سؤال في الإسبوعين الي فاتو انت كنت مانعني اني اتكلم في اي حاجه فا ممكن تقولي ازاي خليت حسام يوافق على جوازنا وهو انت كنت تعرف حسام وكنت تعرفني ولا لا ده انت راجع بعد ١٣ سنه اكيد شكلنا اتغير وكمان
ليقاطعها رعد
رعد /بصي يا حوريان ازاي قنعت حسام انو يخليني اتجوزك فانا قلتلوا اني بحبك وانا فعلا كنت بحبك ولسه زي ما انا بحبك ولكن حكايه اني أرفض الثفقه والكلام ده فأنا قلتلوا يقولك كدا علشان انتي توافقي وهو طبعا صدق وعرف اني بحبك بجد علشان كدا وافق على جوازنا وازاي عرفتك ا انتي وحسام على الرغم من أن شكلكوا اتغير ده لإن انا كنت براقبك ديما ولما كبرت وبقي عندي شركات وبقي معيا فلوس خليت في حرس ديما بتمشي وراكي في اي حته حتى فكره يوم ما كان في ناس بتعاكسك مش في اشخاص نزلوا وضربوهم اهم هما دول الحرس الي مكلفهم انهم يمشوا وراكي ويوم ما عملنا الحادثه وانا خبطة سعتها انا مكنتش اعرف ان انتي الي انا خبطها وده لإن الحرس مكانوش وراكي في اليوم ده لما نزلت علشان اشوف مين الي انا خبطوا انصدمت لما لقيتك انتي كان نفسي اخدك في حضني بعيد عن العالم كلوا بس ماكنتش قادر اعمل كدا وبعدها وديتك المستشفى وانا مرعوب عليكي وكمان رفدت موظف الإستقبال وكل ده علشان كنت داخل ازعق وخايف عليكي وهو قل ادبوا عليا علشان بزعق وكمان مكنش يعرف ان المستشفى دي بتاعتي اصلا عاوزه تعرفي حاجه تاني علشان هنقفل الموضوع ده خالص
حوريان / طيب ازاي انا كنت وسيله لإنتقامك
رعد /انا كنت مفكر أن الشركات بتاع حسام دي من فلوس ابويا ومكنتش اعرف ان هو تعب علشان يبني كل ده وتحول من سعتها انتقامي لحسام بدل ابوكي وفكرت انو كان عارف و انو كان مشترك معاه  وكنت عارف انك نقطة ضعف حسام فكنت عاوز اني انتقم من حسام عن طريقك بس ماكنتش اعرف بالي حصل معاكوا
حوريان / طيب ازاي انتوا كنتوا في نظر الكل مايتين وكنتوا بتروحوا المدرسه وكدا
رعد / ماما سناء عملتلنا شهادات ميلاد مزوره وكنا بروح بصفتنا أشخاص تانيه علشان ماحدش يإذينا بس لما بقينا في تالته ثانوي غيرتلنا شهدات ميلادنا ورجعنا بأسامينا الأصليه تاني
حوريان / طيب لو انت قدرت تبعد عني ازاي رند قدرت تبعد عن حسام وتنساه
رعد / رند اكتر واحده زعلت لما عرفت انها هتبعد عن حسام ومكانتش بتبطل عياط بس تعرفي انها دلوقتي صاحبت حسام وهما الإتنين عارفين بعض بس مش قادرين يقولوا لبعض وكل واحد فيهم مفكر التاني نسيه
حوريان /طيب ازاي بردوا حسام عارف رند
رعد / يوم ما انا مديت ايدي عليكي وضربتك انتي دخلتي في نوبة عياط وما كنتش عارفه انتي بتقولي ايه وقعدتي تقولي انا بكرهك يا بابا وتتكلمي كلام وانتي نايمه فأنا بصراحه استغربت فارنيت على حسام
                      فلاش باك
حسام وهو يجلس في احد الكافيهات بإنتظار رعد
رعد وهو يجلس / ازيك يا حسام
حسام / حوريان ملها يا رعد حصلها حاجه
رعد / انا جي اتكلم معاك شويه
حسام /هاتتكلم في ايه يا رعد
رعد/حسام انتي تعرف انا مين
حسام / ايه السؤال الغبي ده
رعد / حسام انا رعد سليم ابراهيم الدميري ابن عامتك
حسام / عارف
رعد  باستغراب / عارف عارف منين
حسام / انت مفكر أن انت زكي اووي واني  ممكن اجوز اختي لأي حد يجي يقولي انا بحبها لا انا كنت واثق انك بتحبها وعارف انت مين وعارف أن محدش هيحبها اكتر منك علشان كدا وافقت عاوز تعرف انا بقى عرفت ازاي فا انا مكنتش اعرف غير اني جي اتعاقد مع شركت الدميري بس ما كنتش اعرف ان انتي رعد ابن عمتي ولا كنت هعرف غير لما خبط في رند ووقتها عرفت ان دي رند واني استحاله اكون غلط ولما قالتلي ان هي اسمها رند الدميري وانها اخت رعد الدميري انا مكنتش مصدق ان انتوا عايشين بس كان لازم إن  محدش يعرف اني عارف انكوا عايشين وده كلوا علشان اعرف انت ناوي على ايه لإنك لو كنت ناوي على خير مكنتش خبيت عننا وكنت جيت عرفت حوريان الي كان عندها امل ولو صغير انك تكون عايش بس انت ماعملتش كدا ولما جيت علشان تطلب مني انك تتجوز حوريان سعتها الأمور وضحت بالنسبالي وكنت واثق حتى لو انت نيتك مش خير فأنت استحاله تإذيها
رعد بحزن / بس انا اذيتها يا حسام انا كنت غبي وأذيتها
حسام بغضب / عملت فيها ايه يا رعد
بدأ رعد يحكي له ما حدث
حسام / انت غبي يا رعد انت ماتعرفش حاجه ولا تعرف هي عانت ازاي ولا اتأذت ازاي
ليحكي له حسام ما حدث معه هو وحوريان وما عانوا منه
رعد / والله ما كنت اعرف باللي حصل ده كلوا
حسام / رعد روح اعتزر لحوريان واعرف انك ممكن تصالحها بسهوله واعرف كمان ان حوريان الطفله كبرت واتغير جدا عن زمان وبقت بداري وجعها وحزنها ورى ضحكتها وهزرها
رعد / اوعدك يا حسام اني هاصلحها ومش هزعلها تاني ايده
حسام / وده عشمي فيك يا صحبي
                     عوده للحاضر
حوريان /يعني حسام  كان عارف كل حاجه
رعد / ايوه بس انا عاوز اعرف انتي لما انا قولتلك إن انا نفسوا رعد صاحبك وحبيبك
حوريان بمزاح / ومين قالك انك حبيبي بس هقولك يا عم انا لما جيت هنا بعد كتب الكتاب اول ما دخلت انا كنت شكه انك فعلا رعد بس لما قرأت مذكرات اتأكدت بس ايع ده  يابني ده انت كاتب فيا شعر في مذكراتك كان لازم يعني انتقام
رعد / نهارك اسود انتي قرأتي مذكراتي
حوريان / خلاص يا برنس عيل وغلط
رعد / برنس انا رعد الدميري الي مافيش حد يجرأ انوا يتكلم معيا يتقالي برنس قومي يا بت يلا اللبسي علشان رايحين الشغل
حوريان بفرح / يعني انت موافق اني اجي معاك ده انا في مينت هتلاقيني جهزه
رعد / بس محدش يعرف ان احنا متجوزين ياعنى انتي هتفضلي السكرتير بتاعتي على ما أعلن جاوزنا
حوريان / مع اني مش مستلطفه الفكره بس ماشي وكمان اعرف لو انت كلمت البت المايعه الي اسمها سهى دي قول يا رحمان يا رحيم على نفسك اللهم بلغت اللهم فاشهد اقوم انا اللبس فوتك بعافيه
رعد / ههه والله مجنونه قال قوتك بعفيه قال 
بعد دقائق قليله تخرج حوريان من غرفة الملابس بعدما ارتدت فستان من اللون الأسود مشجر ببعض الورود من اللون البنفسجي  تحوطه من أسفل الفستان وعند  الاكمام وترتدي عليه حجاب من نفس لون الورود وسليبر من نفس اللون أيضا ولم تضع اي مساحيق للتجميل وارتدت نظاراتها فكانت ايه في الجمال
حوريان لرعد / ايه رأيك فيا
رعد  بفخر/ قمر بس علشان متجوزه قمر
حوريان / يخربيت التواضع يلا يابني علشان نمشي كدا هنتأخر
رعد  وهو يهم بالخروج / طيب يلا
خرج كلا من رعد و حوريان لتركب حوريان بجوار رعد في المقعد الأمامي ليتجهوا  الي الشركه

في الجامعه............
روان وقد ذهبت إلى الجامعه لإنها لم تذهب منذ ايام عديده
لتدخل روان الي المدرج ولكن دكتور الجامعه يرفض ان تدخل لإنها قد جائت متأخره
دكتور مازن / لو سمحتي اتفضلي اطلعي بره علشان حضرتك جيه متأخر
روان / ما كنتش عشر دقايق الي اتأخرتهم
مازن / بره اخرجي بره زيك زي غيرك وبلاش كلام كتير
روان / هخرج يا خويا هو انا خارجه من الجنه يا خويا ده انت اصلا مبتعرفش تشرح
ليضحك عليها جميع الموجودين
مازن / أخرجي بره علشان معملش تصرف ميعجبكيش
روان وهي تخرج / جاتك نيله وانت عامل زي البرص كدا وانا الي كنت بمدح فيك قدام البت حوريان اتاريها عندها حق شكلك كنت طردتها من المحاضره علشان كدا كرهاك زي منا كرهاك دلوقتي بس وحياة امك الغاليه لندمك يابن مديحه القرعه
بعدما انتهت المحاضره يذهب مازن الي روان
مازن / روان سيبك من الي انا عملتوا من شويه بس انتي الي جايه متأخر وكان لازم أعمل كدا بس دلوقتي عاوز منك خدمه
روان / خدمة ايه
مازن / بصي يا روان انا معجب بأنسه حوريان وعاوز اتقدملها فاكنت طالب منك عنوان بيتها
روان بخبث فهي تريد أن تنتقم منه على ما فعله بها مذ قليل / قصر الدميري هي عيشه في قصر الدميري تقدر تروحها بس تروحلها بالليل علشان هي دلوقتي زمنها في الشغل
مازن / ماشي شكرا بالليل هكون هناك بس بطلب منك متعرفهاش حاجه علشان عاوز اعملهالها مفجأه
روان / لا بصراحه دي هتبقى احسن مفجأه
مازن / شكرا ليكي بجد يا روان
روان / العفو يا دكتور
ليذهب مازن ليكمل عمله
روان وهي تحدث نفسها / ده انت هتفرح فرحه

في شركه الدميري..........
رعد/ فيه ايه يا حوريان مايا ما عملتش حاجه وبعدين دي يا دوب مندوبه من الشركه اللبنانيه
حوريان / دي مندوبه لبيت دعاره مش لشركه انت شوفت كانت لابسه ايه ده ميوه بكيني مش لبس زي البشر
رعد / وانا مالي ومال لبسها انا اصلا مركزتش معاها
حوريان / خلاص يا رعد انا مش هتكلم المره دي
رعد / خلاص خدي الملفات دي راجعيها وخليهم بسرعه علشان هنروح بدري
لتخرج حوريان لكي تنهي عملها
ليأتي صهيب  بعد دقائق من خروج حوريان
صهيب / ازيك يا حوريان
حوريان / بخير الحمد لله انت اخبارك ايه يا صهيب
صهيب / انا انتي عوزاني اكون عامل ازاي وانت سيبالي استاذه روان معيا في ام الشركه دي المهم هو رعد جوه
حوريان/ ايوه جوه
صهيب / اشطا خلاصانه انا دخلو
ليدخل صهيب
صهيب / ليك وحشه  والله يا عم الحبيب يبقى تسيبني هنا لما الشغل كال دماغ امي وانت قاعد اسبوعين وسيبني هنا ومع مين مع روان
رعد / وانا اقول انا كنت حاسس بحاجه غريبه في السفريه اتاريك كنت باصيصلي فيها
صهيب / ايوه باصصلك فيها يعني انت تستمتع وانا يطلع عين امي هنا
رعد / اقعد بس خلينا نخلص حكايه الثفقه دي
ليجلس صهيب ورعد ويتحدث ن في أمور العمل

في المساء بعدما انهي الجميع عمله وذهب الجميع الي قصر الدميري لإن رعد قد دعي الجميع الي العشى
في قصر الدميري
كان الجميع يجلس في الصالون ليأتي اليهم عم محمد
عم محمد / رعد بيه في شخص بره طالب يقابل حضرتك وبيقول ان اسموا دكتور مازن
روان /  الله اكبر
حوريان / دكتور مازن ده الدكتور بتاعنا في الجامعه
رعد / عم محمد وديه الكتب بتاعي وانا هجيلوه دلوقتي ولا اقولك هاتو هنا اهو نعرف كلنا هو عاوز ايه
ليذهب عم محمد ويحضر مازن ليأتي مازن ويجلس
وبعد قليل من الوقت
رعد بغضب لأنه رأي نظرات مازن لحوريان  / دكتور مازن ممكن اعرف سبب الزياره السعيده ديه ايه
مازن / انا جي انهردا علشان اطلب منكوا ايد الأنسه حوريان
رعد  بغضب وهو يهب واقف /