وكر _الحر 🦅

البارت السادس

#وكر_الحر 🦅
(البارت السادس )
الدكتور: حالتها كلش صعبه يعني لو تلحكون عليها لو ماتلحكون
حمزة: والحل دكتور شنو هالحجيي انته دكتور وتعرف بهيج امور حاول ساعدها تره هيه ماعدها بس بناتها واذا عرفن يتخبلن ايشي تطلبه انه حاضر بس كون المره تكوم ع حيلها
الدكتور: خير ان شاء الله ابو اسد انته تعرفني كلش زين يعني انه شنو بيدي كل الي اكدر عليه جاي اسوي بس كل النتائج تكول المره ماتكدر تعيش
حمزة : زين وهسه شنوو شلون انه ماكدر اكل البناتها هذا الكلام فدوه العمرك دبرها وعالجها كلي اذا اكدر اسافر بيها من عين باجر انه اسافر بيها
الدكتور: الله كريم هساع نشوف حالتها شلون صير والله كريم
حمزة: اعتمد ع الله وعليك دكتور
الدكتور: خير ان شاء الله
بشاير: اسمع حجيهم وانه عيونييي مغوركات يعني اميييي شنو تروح من ايدي نفس ماابوي راح من ايدي يعني حياتي تتبهذل وتدمر ياربي ليش كل الناس الي احبهم يروحون من ايدي ليش هيج حياتي مامكتوبليي الفرح بيومها تهسرت اصرخ بداخلي صوتييي راح ماكدر احجي بس ابجييي وبالي يم اختيي وروحي يم امييي طلع حمزه من الغرفه شافني كاعده بالارض ودموعيييي ع خدي وبس اباوعله
حمزه : جنت احاجي دكتور بخصوص خالتي ام بشاير طلعت شفت بشاير كاعده بالارض ودموعها وملخه روحها لاياربي بس لاسمعت الحجييي بشاير بويه شبيج
بشاير: بدموع* يعني امييي ماتعيش هااا وجذب علي وكتليي امج بيها ضغط وكتليي فقر دم وصير زينه وخليتني اجذب ع اختي بسببك هذا كله صار وانه ياغافلين الكم الله مادري باامييي شنو بيها مابيها ليش هيج ليش بشنو اذيتك ليش انه جنت معتبرتك اخوي جبير عبنك رابي وياي ونعم الاخ ليش تخلي ثقتي بيك تنكسر ليش حمزه ليش ياعضيدي ليش هيج سوي بااختك انه مالي غير الله بس هوا الواكف وياي انه حته اهلي ماوكفو وياي ليش مامكتوبلي الفرح بس كلي شنو سويت اشو انه حته نمله اخاف اذيها والله مااذيت بشر ليش رب العالمين كل انسان عزيز ع كلبي ياخذه مني ليش مامقسومه الي راحه بشنو مذنبه ياربي تعبت اخذ امانتك والله تعبت بعد ماكدر ماكدررررررررررررررررر *بصريخ ودموع
ام حمزه: يمه زهره ام الحسن شبيج ولج بنيتي ردي عليه شبيج ولك حمزه شبيها البنيه شحجيتلها وخليتها صرخ
حمزه: استغفرالله ياربي يمه ماحجيتلها شي بس سمعت باامهاا والي بيها خويه صل ع محمد وكومي وياي فدوه اروحلج بس كومي خل افهمج
بشاير: اكثر من هذا شنو بعد تفهمني انه ماعندي حظ حمزه انه مكسوره جنح انه زمانييييي معاند وياي لايقبل تمشي حياتي ولايقبل الفرح يطك بابييي تعبت والله تعبت بعد شنو اريد اشوف من هاي الدنيا حمزه اقسم عليك بعزيز كلبك ساعد امي خليها صير زينه والله ماعندي غيرها وروح ابوي ماعندي غيرها
حمزه: نقهرت عليها وانه رجال شكدني وشكبرني خلتني ايجي ع بجيها كولي ياالله خويه ان شاءالله تصير زينه هساع بس كومي وياي
بشاير : كمت ويه حمزه وانه فاقده بس اريد اشوف الدكتور اريد افهم ليش امي ماتكدر تعيش بيومها المستشفى كلها بجت ع البجي مالتيي كد ماتعبت وصرخت وبجيت ودكيت ولطمت رغم هذا كله وانه مااحس ع الي اكوله مادري شخربط بس اريد الدكتور يطمني حمزه اريد اشوف الدكتور وينه اريد احاجيييي
حمزه: هساع اخلي يجيج شوفينه بس كومي خويه وياي
بشاير: كمت ويه حمزه ويه كومتييي غوشت الدنيا بعيني ماكمت اشوف شي ...
.
.
.
زمرد: اليوم اريد اروح اشوف امييي كعدت ويه الفجر صليت ونزلت طبختاها واخذت ملابس الها والبشوره وكمت سبحت وبدلت نزلت جوا انه وعباتييي انتضر العنود تكعد حته تخابر ع حمزه
العود: صباح الخير ها خيه اشوفنج اليوم مغبشه
زمرد: اي جا شلون اريد اروح اشوف امييي يلا خابري حمزه خل يجي عليه
العنود: خيه كولي ياالله هساع الساعه ب7:00 انتضريي حته الوادم ماطالعه الشغلها اوكفيلييي حته نتريك نبدل لان انه هم اريد اروح اشوف خالتي وياج
زمرد: يعني شلون نبقه ننتضر اريد اشوف اميي هساع خابري شتخسرين بلكت يكدر يجينه
العنود: خيه والله اخابره الج بس خل نتريك ونبدل ونروح ب8:00 رايحين بالسبعه شعدنه حبيبة
زمرد: خوي امري الله هل انتضر
مروة: صباح الخير شمالجن صوتجن واصل السابع جار
العنود: خايبه تعاي فهمييي هاييي المفلوكه تريد تروح الامها وهساع الساعه 7:00 🕖
مروة: ياخيه تخبلتي هوا ياهو مفتحلج هساع حته الحرس مال المستشفى نايمين
زمرد: اووو راح ضلن تحجن عليي يعني انه اريد اشوف امي صارلي جم يوم ماشايفتها وانه مامتعوده مااشوفها لازم اصبح عليها كل يوم وفوكاها محد يقبل يطمني عليها شلون مايضل بالي
مروة: خيه حقج والله حاسين بيج بس انتضري بعد وكت نزعي عبايتج وشالج بين مااسوي ريوك حته نتريك ونشوف حمزة
زمرد: خوش ياالله اكوم وياج سوينه ريوك وتريكنه وبقينه كاعدين ننتضر حمزه يرد كامن البنات بدلن وعبرت ساعه عبرت ساعتين وحمزه ماكو خفت ياربي بس لاصاير شي ليش محد يرد علينه
مروة: كولي ياالله بسج تفاولين بالفكر
العنود: عفيه سكتن شويه بلاشي انه خايفه هنوب من كثر الخوف احس روحي راح اجيب
مروة: لادخيلج مو وكتها
زمرد: البنات يسولفن وانه فاصله بس اريد اعرف خبر من اهليي هناك ورد حمزة اخذت تلفون من عنود كبل الوووو ها خويه ابو اسد الله يساعدك شني وينك نتصل ماترد صارت الساعه ب10 وانته ماكو
حمزة: هلا خويه يلا انه جاي بطريق تحضري
زمرد: متحضره خويه انتضرك
حمزه: في امان الله
زمرد: الله وياك
مروة: ها بشري حمامة غراب
العنود: خايبه شمالج صافنه شكال زلمة
زمرد: ولجن حمزة صوته مادري شبي بس لاصاير شي اشو كلبي مامرتاح
العنود: بويههه دخيلك ربييي ماعايزنه خرعه فوك الي بينه كافينه
البنات: اي والله ..
مسافة الطريق وصل ابو اسد * حمزة
مروة: الباب يندك جنه اخوي وصل هلا بشمعه البيت وينك طولت
حمزة: هلابيج يلا زمرد خالصه
مروة: خويه شبيك وجهك مخطوف صاير شي
حمزة: ماكوشي بسرعه صيحي زمرد خل تجييني انتضرها بره
مروة: يلا هساع نجيي
حمزة: وين كلت زمرد انتن شكو
مروة: مو احنه هم نريد
حمزة: اشششش ماترحن صيحي البت يلا اريد امشي ع سريع
مروة: خوش
زمرد: اجه حمزة وانه لبست عبايتي واخذت غراضي وطلعت اركض صعدت بالسياره السلام عليكم خويه
حمزة: وعليكم السلام هلا بويهه يلا جاهزه خو ماناسيه شي
زمرد: لاخويه ماناسيه شي يلا توكل
حمزه: يلا ياالله
زمرد : حرك السياره ونطلق بينه للمستشفى طول الطريق حمزه ساكت وانه ساكته وبديت اشك اكو انه بالموضوع ياربييي شني سالفه بس لاصاير شي شبي ليش هيج حمزه اعرفه اخونه ورابي ويانه اكلك خويه
حمزه: خيرج كولي
زمرد: صاير شي وانه مادري شبيك اشو مادري شونك
حمزه: ماكو شي
زمرد: كلت يمكن بالشغل عنده مشكله مالح عليه بس كلبي ياعالم مامرتاح ماحس براحه احس صاير شي دخيلك ربييي وصلنه للمستشفى يابويهه شطول الطريق ع ماوصلنه طلعت روحييي اول مانزلت رجليه بادن وحسيت نفسي ثكل ياربييي دخيلك شجانييي هساع مابيه شي نزلت ياالله دهلت للمستشفى تلكتني خالة ام حمزة سلمت عليها بس اشو حته هيه مالها عين تباوعلييي احاجيها ترد عليه بكلمه وتسكت بديت اشك لااكو شي بالموضوع اكول خالة اختي وين ماهيه ماشوفها
حمزة: بشايرر راحت البيت خالتي منا قريب تبدل وتجييي
زمرد: يااا اول تالي بشاير ماسويها عمرها وحياتها ماراحت بيت عالم غربهه شسالفه خويهه شبيك تضحك عليمن تعلمني بااختي انه حافضتها اكثر من روحييي وبنها ماتروح هيه المكان
ام حمزه: خالة انه كتلها تروح واجه عليها ابني اختي واخذها وراح
زمرد : خالة وين اختي
ام حمزه : مو كتلج ياخالة بيت اختي ام احمد
زمرد : حمزة انته ماجذب كليييييي اختي وين ماشوفها لاتكلي بيت خالتك ماصدك وين اختي ~ بصياحح ورجيف*
ام حمزة : هنوب سويتيني جذابه انعمالله عليج خالة
حمزة : يمه مو وكتها شوفييي زمرد راح اكلج بس اريدج تلزمين اعصابج وع كيفج اهدئي وكولي ياالله خوش ع كيفج
زمرد : حمزه اختي بيها شي عليك القران تكي اختي وين والله ماسوي شي بس كلي وينها ارد اشوفها
حمزه : اختج داخله بغيبوبه
زمرد : شنووووووووو بغيبوببه حمزه شبيك مو وكت شقه ياخويه وينها هيه خوش جا انه صدكت هيه بيت خالتك اي صح خطيه خل تروح اييي اييي *بجيييي وصياح
حمزة: بس الله يخليج اهدئي اهدئي بويه خل افهمج عليش هل بجييي والله ماكو شي بس اسمعيني
ام حمزة: يايمه البت فرفحت روحهاا ع اختهااا الله لايحرمجن
من بعض بعد روحيي خالة ع كيفج والله مابيها شي هذا اخوج يمج واسئلييي
زمرد: اريد اشوفها وينها
حمزه: يجرالج امشي خويه وياي
زمرد: صعدت بالمصعد وصلنه للطابق الي هيه بيييي دخلنه لكيتها ممددده سوده عليهه ولاحس ولاخبر كلبي ىجعني عليها سوده عليه ياخيتي خويه عادي ابقه وياها شوي بحدنه بلاا امر عليك تكدر تخلينه بريحاتنه
حمزه: اي خويه يجرالج
زمرد: طلع حمزه وكف بره وسد الباب وانه فقدت ابجييي واعاتب بيهااا ليش خيتي ليش يابنت امي وابوي ليش يابعد حيلي ليش هيج سويتي وماكتيلييي ليش ياخيه مو تدرين لو صارلج شي اموت روحي وراج منين الكه غيرج ليش ياخيه ليش اخخ يايمه اخخ ياكلبي عمت عيني عليج صرتي الام والاب الييي الله ياخذ من عمري ويحط ع عمرج ماريد شي بس تكومين سالمه انتي وامييي والله ماريد شي انه مستعده انضفلج البيت كله ومره ومرتين و3 ومستعده ابيع بدالج وشتردين حاضره بس كومييي فدوه الج كومييي * بدموع
فقدت كلش فقدت وكلبي وجعنيي اكثر واكثر عليها انه ابجي ومامنتبهه وروحي لايبه حسيت ايدها تحركت صرخت صوت المستشفى كلها سمعت صوتي واجو يتراكضون
حمزه: خيرج خيرج صارر
زمرد: بفرحه وبجيه * والعباس حركت حركت حركت اكله اييييي حركت
حمزه: شحركت شنو شنو. مافتهمت
زمرد: كعدت كعدت والله ييييي كعدت
حمزه: هساع بس بطلي بجييي وفهميني شنيي الكعدت منيه
زمرد: بشاير والله باع شلون حركت ايدها ضغطت ع ايدي والله حركت ايدها
حمزة: صدك اصيح الدكتور واجيج
زمرد: راح حمزه وانه باقيه انتضرها تكعد شويه واجه دكتور ودكتوره وممرضات اثنين
الممرضه : رجاءاً حاله المريضه ماتسمح اكثر من شخص يوكف يمها فَ ممكن طلعون بره وتخلونه نشوف شغلنه
زمرد: بسسسسسس هاي اختي شون
حمزة: خويه مثل ماسمعتي اختج ماطايره هاي احنه نوكف بره بين مايشوفون حالتها ويجون امشي يلا
زمرد: مشيت ودمعه بعيني ياربي كومها سالمه يارب ضليت ادعيييي الها شويه وطلع الدكتور
حمزة: هااا دكتور بشر
الدكتور: الحمدالله بدت تستجاب حالة المريضه بس لازم الشخص الي كعدت وتحركت وهوه يمها لازم يبقه يمها مبين بدت تستجاب اله لان هوا الوحيد الي يكدر يخليها صير زينه
زمرد: اي والله انه انه اكدر اكدر يصير ادخل يمها
الدكتور: هههههههه اي بويه يصير اخذي راحتج بس هاا ديربالج ايشي يصير انطوني خبر وانه اخلي يمج الممرضه حته شيصير هيه يمج
زمرد: بفرحة ان شاءالله بقيت يم اختييي وبين اختي وبين امي محتاره زمرد بغيبوبه اسبوع وهيه ماكووو ماتصحه بعدين الحمدالله بدت حالتها تستجاب وتصحه شويه شويه بيوم جنت توني طالعه من الغرفه ماله امييي وصعدت الغرفتها اريد اشوفها توني داخله احاجيها ايشي اذكرهاا بيي بس حته تصحه او تسوي حركه بسيطه تفرح كلبي بيهااا وخطيه حمزة وامه ابد ماعافونه صدك اكو ناسس الحمدالله والشكر بعدهم زينين جنت كاعده اصفط ملابسها واسولفلها ع ابوي الله يرحمه
{بشوره تذكرين مره ابوي الله يرحمه شلون جان يزرع البتيته وانه جنت صغيره الح عليهه اله انه الي ازرعها اله انه الي اخلييي البذره حته تنبت وجنتي دومج تكليلي تغارين مني لان ابوي يخليني انه الي ازرع ويااا انتي غواره وجنه نتعارك واميي سوده عليه تكل الابوي محد دللهن اكثر وانطاهن عين غيرك وهوه يضحك والله ايام حلوه شكد مشتاقتلها الهذيج الايام انه اريدج صيرين زينه حته نرجع نتعارك وامي صيح علينه }سمعت صوتها مدري يتراوليي لا والله هاي صوت اختي وروحي من هالعالم رفعت راسي بفرحه
.
.
.
بشاير: بعدالي صار كله اثاري انه داخله بغيبوبه اسبوع وماحس ع ايشي والدنيا مسوده بعيني فد يوم اجت زمرد وبدت تسولف انه بديت اتحسن لان هيه تذكرني بشغلات وحسب كلام الدكتور هيه الشخص الوحيد الي مأثر عليه وخلتني فعلاً اكعد من هالغيبوبه جانت تسولف ع ابوي وانه مدمعه عيوني واذكر ع كل شغله كالتها الحمدالله صحتي احسن بدت ترجع لاكن مانسيت سالفه امييي ايييي اذكر شلون مااذكر اذا انتي ناشبه وياي بكلشي
زمرد: بعد روحي خيتي انتي انتي انتي بشوره نفسها انتي صاحيه والله صاحيه
بشاير : اي حبيبي صاحيه كعدت ولج ع كيفج خنكتيني
زمرد: والله من الفرحة اوكفييي حمزه وينك حمزه
حمزه: جنت احاجي صاحبي بالشغل وبالي يمه واكف ع صفحه وزمرد يم اختها وامي يم خالتي شويه وسمعتها صاحتني سديته وركضت الها هااا خيرج
زمرد: اختيييييييييي كعدت والله
حمزه: بفرحه * صدك تحجين وينها
زمرد: والله والله تعال شوف
حمزه: انه اصيح الدكتور واجييج
زمرد: خوش
بشاير: اجه الدكتور وطمنه كلنه ع صحتي الحمدالله احسن من قبل كله بفضل رب العالمين وبفضل اختي حبيبتي بس يبقه بالي يم امييي
الدكتور: الحمدالله من كعدتي والحمدالله ع سلامتج باباتي وشكراً الج بنيتي كعدتينه هالورده هاييي
حمزة: دكتور بشر شلون صحتها
الدكتور: عال العال الحمدالله كله تمام بس يبقه اكو شغلت تتعرض الهم خفيفه اثر الغيبوبه يعني لاتخافون ماكو شي بس تحتاج تاكل هسه وتغديه وطبعاً الفقر دم هذا موجود اكيد احتاج هاي العلاجات جيبوها الها وان شاء الله بس العافيه بقت عندج بنيتي
بشاير: شكراً الك دكتور
الجميع : تسلم دكتور
زمرد: كعدت اختي وانه الفرحه ماسايعتني لاكن ضل ناقصه بس امي اذا صحت الفرحه تكمل بقيت يمها اوكلها وابدل الها والحمدالله بدت تصحه وصير صحتها تمام
بشاير: زمرد وين حمزه اريد احاجي
زمرد: ان شاء الله هساع اصيحه الج
حمزه: ها بشوره رايدتني
بشاير: حمزه انه اعتذر عن الي صار والله شحجي وشكول قليل بحقك ياخويه مادري شلون اجازيك والله انته اخ وسند وعضيد ونعم منك والله
حمزه: شهل حجي بويهه انه الي لازم اعتذر منج جان المفروض من البدايه احاجيج وافهمج ع الي بيها امج
زمرد: همه يحجون وانه صافنه ع شنو يفهمها اكلكم شنو صاير احد يفهمني جني اطرش بزفه كلشي ماجاي افتهم فهموني
بشاير : ....
#الكاتبة نيروز الكربلائيـة.🖤