The Ex-wife Dominant Revenge

Prologue: Betrayal

EX-WIFE DOMINANT REVENGE

Ala una na ng hating-gabi pero hindi pa rin umuuwi ang asawa kong si Francis. Nag-aalala ako nab aka may nangyari na sa kaniyang masama sa daan habang pauwi siya, o kaya nagg over time siya sa company. Kahit nag-away kami nitong mga nakaraang araw at napagsasalitaan na niya ako ng masama ay hindi pa rin nagbabago ang tingin ko sa kaniya.

Naiintindihan ko siya. Alam kong busy siya at pagod palagi. At ako? Nasa bahay lang at tanging sa gawaing bahay lang nararapat dahil hindi naman talaga ako maaasahan sa pagta-trabaho. Hindi din ako nakapagtapos sa pag-aaral at kung sakali man na magpumilit akong magtrabaho ay magagalit lamang siya ng husto.

Agad akong napapatayo sa pagkakaupo dito sa couch ng sala, nang marinig ko ang pagparada ng kaniyang kotse sa garahe. Halos takbuhin ko na ang pagitan ng pintuan para lamang mapagbuksan siya.

Kahit naghihirap na maglakad dahil sa medyo may kalakihan ko na rin na tiyan. Yes, I'm 6 months pregnant.

Bago ko pa nabuksan ang malaking pintuan ng entrada ng bahay namin ay naunahan na niya akong buksan iyon. "Hon—" tatawagin ko na sana siya at batiin nang may makita akong babae sa kaniyang likuran. Maganda, makinis at ma-alindog. Nakahawak ito sa braso ng asawa ko, at ang masaklap ay ngumiti pa ito sa'kin na sinabayan ng pag-kaway.

"Ikuha mo ako ng tubig, Celine." Malagong na utos ng asawa ko sa'kin at tuloy-tuloy na pumasok sa bahay. Kasama iyong babae.

Samantalang ako ay nagulat at tila napako sa aking kinatatayuan. Hindi makapagsalita dahil unti-unti ko pang dina-digest ang naging turing ng asawa ko sa'kin despite sa kasa-kasama nitong babae.

"Sandali, Francis." Pigil ko sa kaniya at pinigilan ko rin ang babae sa siko. Marahas ko itong inilalayo kay Francis.

"Hey! What the heck is your problem?!" anggil ng babae sa'kin at marahas na binawi ang kamay niya mula sa pagkakahawak ko. Pero sa ngayon, hindi siya ang gusto kong puksahin.

Kundi ang asawa ko.

Ano ang ibig sabihin nito? Bakit may babae siyang kasama?

Kabit niya ba ito? Nagtaksil ba siya sa'kin?

Ang daming tanong na gusto kong itanong pero humugot ako ng isang malalim na hininga upang kumalma nang sa gano'n ay kalmado ko din siyang makausap. Ayoko siyang pangunahan, kahit na klalrong-klaro na sa nakikita ko ngayon ang sagot.

Okay, nagpapakabulag ako. Pero gusto ko malaman mula mismo sa kaniya ang sagot.

"Alam mo ba kung anong oras na?" puna ko at naglakad patungo sa harapan niya. Nasa may kalapit na hagdan lang kami ngayon, malapit din sa sala.

"Nearly 2 a.m. Why? Does it really matter?" At ang paraan ng pagtatanong niya ay tila nanunumbat at nang-iinsulto.

"Alam kong hindi ako nakatapos ng pag-aaral, Francis. Pero hindi ako bobo para hindi ka maintindihan kahit mag English ka pa. Yes, it really matters. Karapatan kong malaman kung ano ang ginawa mo these past hours at kung saan ka pa nagsusuot bago ka umuwi ng ganito ka late." Hindi ko mapigilan ang sarili na mang-kuwenta. Pero pinupunto ko lang ang point ko dahil asawa niya ko. Hindi ibang tao.

Nagtaas siya ng tingin sa'kin at hindi nagtagal ay nagtagpo ang mga mata namin. Mainit ang tingin niya sa'kin, matalas at halatang hindi niya nagustohan 'yung sinabi ko. "Nagta-trabaho ako, Celine. Kailangan pa ba 'yon ipagtanong, ha?"

Parang gusto kong matawa sa sinagot niya, kasi OO alam kong parte ng araw-araw niyang Gawain ay magtatrabaho. "Hindi na ba pwedeng magtanong sa asawa ko, sa'yo, Francis? Alam kong hindi tayo maayos nitong nakaraang araw at aaminin ko may pagkakamali rin ako. Pero hindi naman tama na kahit pagod ka ay sa'kin mo isisisi at ilalabas. Buntis ako, sa anak mo. Kahit na nandito lang ako sa bahay ay naghirap din ako. Pero kahit pagod ako, hindi ako naninisi—" hindi ko natapos ang pagpapaliwanag ko nang sumingit siya.