سوف تندم (مكتملة)

💞 الجزء 12 💞

آلَلَهّمً صّلَِّ وٌسِلَمً عٌلَﮯ سِيَدٍنِآ مًحًمًدٍ وٌعٌلَﮯ آلَهّ وٌصّحًبًهّ أجّمًعٌيَنِ

______________________________________

فاتو هذوك 15 يوم عادي كل يوم تجي هذيك الطبيبة تحطلي الدوا وتروح... اثار التعذيب راحو والوجع ثاني واهم حاجة 15 يوم مشفتش ماثيو ومولات الشعر المشعشع تهنيت منهم

هذاك الشايب كنت كل يوم نشوفو يجي فليل ويقعد يتامل فيا خفت واليوم الاخير غدوا راح نرجع لحياتي البائسة، راح يجي ماثيو ويديني

لحق ليل وكنت نستنى في هذاك الشايب يجي كي العادة ليوم لازم نعرف علاش يضل هنا وعلاش يتاملني بزاف .... وكيما كنت متوقعة جا

ماسيليا: شكون انت وعلاش تجي عندي
الشايب: ماسيليا بنتي
ماسيليا: منيش بنتك وضك تقولي شكون انت خير منلم عليك السبيطار كامل
الشايب: مع الوقت تعرفي شكون انا
كان حيخرج رجت عندو نجري وحكمتو من يدو
ماسيليا: ضرك نعرف تقعد وتقولي شكون انت
الشايب: زعما تصدقيني لكان نقولك شكون انا
ماسيليا: قولي منبعد نقرر اذا نصدقك ولا لا
الشايب: انا باباك
استناو استنوا ..... هذا بابا ههههه ..... بابا ماااات
كيفاش جاي ويقولي انو هو بابا
الشايب: ممتش ماسيليا
ماسيليا: واش يثبتلي انك بابا
جبد دفتر يبان دفتر عائلي ووراهولي
اسمو اسم بابا ولقبو ثاني حتى ماما بعدها انا
يعني هو بابا صح وماثيو مكانش يكذب عليا كي قالي باباك مزالو عايش
ماسيليا: هههه يعني انت كنت عايش كل هاذ المدة
ومخليني بالعياط والبكى

صالح: مخليتكش ماسيليا كنت مجبور
ماسيليا: خليتني يع.. نن.. ي اانت...  انت لي..
قق. تتل.. ت مماما هههه.. ماثيو مكانش يتمسخر..
صالح: ماسيليا واش قالك ماثيو
ماسيليا:  قالي حقيقتك بصح انا كنت نقول مستحيل وفي الاخير كان يقولي الصح وانا..
انا لي كذبتو   بالعياط
صالح: واش قالك ماسيليا بالعياط

ماسيليا: قالي انت لي قتلت ماما وقتلت عمي ثاني
انت انت قتاال
صالح: ماسيليا ماثيو يكذب عليك انا....  انا صح قتلت خويا بصح كنت لازم نقتلو ماسيليا
ماسيليا: هههههه هيه لازم

قعدني وجا قعد معايا وبقى يمسح على راسي وانا
غير نبكي كيفاش بابا مزالو عايش وكان مخليني نتعذب وحدي وزيد هو لي قتلي ماما وخوه ثاني

صالح: انا كنت نخدم مع المافيا انا هو زعيم تاعهم ورثت البلاصة من عند بابا بحكم انا لي كنت نستاهل هذيك البلاصة اكثر منو من عمك....
وعمك كان باغي يكون هو الزعيم ويسيطر على كلشي....  حاب يكون كلشي ليه....  بدا يتمرد ويهدد فيا اني نخليه هو لي يكون الزعيم  .... 
وانا رفضت كنت خايف يخسر تعب بابا ونروحو فيها...  في هذاك الوقت زدتي نتي فرحت بزاف كي جيتي بصح عمك هددني انا مكنتش عارف راح يدير التهديد تاعو صح بصح دارو وقتل مك....
تحطمت وخفت..  خبيتك خفت ليقتلك حتى انتي..... منبعد واش دار خاني مع اعدائي وحنا عندنا قانون في المافيا كلشي يغتفر الا الخيانة قتلتو بسبب الخيانة تاعو وانو مخلانيش نعيش مع مرتي وحرمني منكم
هو يحكي وانا نبكي ومش مصدقة كيفاش قدر يقتل ماما ويتمني وحرمني منها على جال السلطة
صالح: بعدت عليك خاطر خفت اعدائي يعرفو بلاصتك ويقتلوك مكنتش قادر نزيد نفقدك حتى انتي .... حتى كبر ماثيو، كان كيما باباه يحوس على السلطة وكلشي يكون ليه وضرك داك ماسيليا بصح متخافيش ضرك ننقذك منو بعدها واحد ميقدر يقربلك ....اتحملي شوي وحاولي متقلقيهش باش ميضركش