٤٧ "
ثـارهم وبنت الـفقير
.
.
.
ميس...
ايام تمر علينه انه ورضوان علاقتنا ابرد من الثلج صرت ماهتم لروحته ولالرجعته
بروده ومجافاته وياي ابد موطبيعي وانه روحي تلوب وضاله معلكه ماعرف شنو الحل وشصرف
بأخر فتره علاقته صارت زينه واحسن من قبل بحيث جان ابد ميسولف وياي ويكظيها كل وقته بالمبايل هسه مرات نكعد نحجي بمواضيع مختلفه واذا طلع للشغل التيلفون ابد ميوكع من اتصالاته ادعي ربي يهدي عليه وتتصلح علاقتنا .
جنوب دخلت بشهرها السادس وحالتها كلش مخربطه ومكضيتها تكرط بالترب
بحيث الترب يخلصن من وراها وانمار حاير بيها وداير باله عليها .
ضرار التها برهف بس وكت شغله يخليها يمنا ومرات ميجيبها
اشوفه حالته كلمالها تسوء ضعفان كلش وكأن بس روح بغياب سيرين تمرض كلش وضايع بدونها تمنيت لو رضوان حبني مثل حب ضرار لسيرين متعجبه على حبه الها وهوه من يخابرني ماكو على لسانه غير سيرين .
اهلي كل فتره اروحلهم ومرات انه وجنوب ومن حملها ماتكدر تخطي عتبه الباب
ملك نوعا اتعودت على غياب ابوها وخاصه انو حيدري داير باله عليها وممنقص عليها شي مرات تجي هيه ورهف يمي لو من اروح لاهلي ضرار يطلعهن وكل واحد بيهم ملتهي بشغله مودوم يمهن .
بسول من بعد موت مرته تغير كلش واشوفه روحه تفرفح اذا اروح اشوفه يكعد بالحديقه ويكابل المكان الماتت بيه حياته هادئه وتمشي مابين شغله والبيت وطلعاته وي الولد .
موت انور لحد هسه محد بيهم اتخطا وخاصه همه مايفوتون اسبوع اذا مالكيناهم بالنجف متجمعين وجدي يخابرهم حتى يردون
متفقين كل اسبوعين يتجمعون ويرحون للنجف.
سيرين من بعد ماسافرت مر اربع شهور وهمه ماشين بالعلاج اتصالنا وياها ومراسلاتنا دائما
وكلما اتصل بيها هيه حالتها سيئه كلش
من جهه علاج امها وحالتها المرض جان بعده ببدايته والحمد لله بدون مايرفعون الصدر شالو الكتل ، واشتياقها لرهف ومن جهه ضرار حالتها كلش تعبت وهمه بوسط غربه ولحد هسه ميعرفون شوكت يخلص العلاج ويردون .
مياده من بعد سفرها شهر رجعت وضلت تراجع دكاتره ببغداد علمو حملها وطبعاً باصرار منها وايهاب ابد مايلح عليها ومن الكلام التسمعه تشبع قهر وتضل تشيل بنفسها وتركعها محد يعذر ولاحد ينطي مجال صارت تلح عليه حتى يراجعون والحمد لله علاجها ماشي وكلشي بخير والدكتوره مسويتلها نظام تتبعه مع علاجات موصفتلها .
علاقتنا زينه وياها وابد ماتأثرت بطلاقها من ضرار بالعكس حلوه صداقتنا وكأن اخوات وحده تحن للثانيه وحده تفتقد للثانيه ميمر يوم اذا ماكصيناها سوالف ومكالمات وخطط ليومنا .
_رهف دائما وي اتصال مع سيرين اذا ضرار جابها يمي يضلن ساعات يحجن بالمبايل علما يطفى المبايل لحد هسه متعلقه بسيرين وصيحلها ماما طفله ولكت حنان أم ماشافته من احد .
أنت تقرأ
ثارهم وبنت الفقير
General Fictionالانتقام هو دائما أعنف من العنف ذاته أفضل انتقام هو ألا تكون مثل من جار عليك إذا كان لا مفر من أذية أحد فلتؤذه بقسوة تجعلك لا تخاف من انتقامه لكن عندما يدخل الثأر من الباب، تخرج العدالة من المدخنة. عندما يتزوج الغضب من الثأر ينجبان الشراسة. الطموح...
