مش كل حاجة خسرتها تزعل عليها بعض الاوقات الحاجات دي سبب سعادة ليك فى بعدها♕
♡~~~~~~~~~~~♡
فى سيارة سوداء رائعة.
ركان:-إلا قوليلى يا قناصة
ايه مواصفات فتى احلامك.
صبا وهيا تقود السيارة بهدوء تام:-مش عندى مواصفات علشان انا مش عايزة يكون عندى فتى احلام.
ركان باستغراب:-يعنى مش نفسك تتجوزى وتخلفى
وكدة زى ما اى بنت بتتمنى.
صبا:-انا غيرهم.
ركان ببلاهة:-معلش ياختى خدينى على قد عقلى واشرحى
اكتر.
صبا بتنهيدة:-مين هيقبل يتجوز واحدة بتنزل من بيتها مش ضامنة ترجعلو ولا لأ حتى لو قبل انا مش هوافق اخلف عيال وبعدين ايتمهم
ويعيشوا من غير عيلة.
ركان بحزن:-بس لو حد مكتبلو
انو يموت هيموت مهما كانت الشغلانه.
صبا:-مش عارفة بقا
ركان ببعض السعادة:-يعنى هوا ده ال منعك تتجوزى وتعيشى زى اى بنت.
صبا:-انا مش مؤمنة بالحب.
ركان بصدمة:-ليه.
صبا بتنهيدة:-الحب بالنسبة ليا زي اى حاجة في الدنيا زي ما ليها فوائد ليها عيوب وانا شايفة ان العيوب اكتر من المنافع.
ركان:-وضحى اكتر مش فاهم.
صبا:-يعنى مثلا من إضراره انو بيضعف الانسان يعنى لو حبيبك او حببتك بعدت عنك بتتألم وبتكون زعلان اوى وممكن تفضل كدة لحد ما تشوفو تانى وده بيخليك ضعيف من كتر ما حبيبك وحشك مش قادر تعمل اى حاجة او تركز فى اى حاجة.
ركان:-وايه تانى.
صبا:-ودلوقتى مش كل الولاد بيكون صافيين من جوا بعضهم بيقول للبنت انا بحبك والهبل ده والبنت زي العبيطة بتصدق وتخليه يلعب بيها ويدمر حياتها.
ركان:-بس مش كلو كدة في ال بيحب بجد
صبا:-انا قلت بعضهم مش كلهم وفي برضو بنات مش كويسة زي ما فى ولاد فى بنات مش حلويين.
ركان:-عندك عيوب تانية.
صبا:-عندى كتتتير بس كفاية كدة.
ركان:-طب الحمدلله علشان قربت اتعقد..... قولى بقا ايه منفعو.
صبا:-لو الحب حقيقى والاتنين حبو بعض بصدق وحب والعلاقه كانت مبنية على الثقة وكل واحد احترم راى وكرامة التانى دا بقا الحب ال يقوى مش يضعف يعنى لما تكون في مشكلة الست مش هتلاقى غير جوزها ال بتحبوا علشان يحسسها
بالامان ال محتاجاه.
YOU ARE READING
ادمنت وجودها
Romanceجاد يتخذ من البرود اسلوب حياه له،لم يعرف الحب لقلبه طريق من يوم هجرانه لصغيرته فماذا أن عادت تلك الصغيره لتحول ذالك البارد لعاشق وقع من جديد ف فخ عشقها،ليذيب مرحها جليد قلبه فيجمتع النار والماء من جديد لإكمال قصه حب لا نهايه لها متحديان أية عقبه توا...
