المتملك والطفلة(المجنون والبرئية)

بارت 2من جزء الثاني

  مؤلمة تلك الدمعة التي تسقط، وأنت صامت تسقط من شدة

القهر، والألم، والاحتياج. عندما تكون الأعذار أقبح من الذنب،    

احزم أمتعة كبريائك وارحل
ـــــــــــــــــــــــــــــــــــــــــــــــــــــــــــــــ♡

فتحت الباب شفت لازم جنطة ديلم غراضة

انقبض كلبي اعرفة من يزعل يروح يبقة اكثر من اسبوع 

كبل رحتلة اخذت جنطتة شمرتهه يم الباب

رياحين: بطل هل طبيعة كُل مانحجي شوي كبل تاخذ غراضك

لزمني من فكي قوي

اسد: انتي شتريدين هااا كوليي شتريدين "بعيطة"

رياحين: اريدد تبطل عادتك

دفعني حيل انضرب ضهري بخشبة الجرباية شاغت روحي عطت بصوت

رجع كمل يلم بجنطتة طلعت منة لازمة بضهري وجعع فضيع

نزلت جوة لكيت الاطفال صافنين على تلفيزون

رحت للمطبخ خليت راسي على ميز وابجي من وجع ضهري حسيت شي نزل علية  سمعت صوت خطواتة كبل كمت غسلت وجهي دخل للمطبخ

صبلة غدة وكعُد ياكُل طلعت من المطبخ رحت للجهال اخذتهم سبحتهم وبدلتهم سويتلهم ممة ونامو  دخلت للحمام شفت دم واكع علية متت الم بطني مااعرفة شنو

طلعت من الغرفة رحت للغرفة لكيتهه مقفولة عرفت قفلهه علمود لاادخل رحت للغرفة الجهال فرشت بل كاع الضاهر مراح ارتاح الحمدالله على كل حال راضية بما كتبة الله

غفيت حتى غدة متغديت صالي يومين مماكلة من اضوج او نقهر  مااكُل

مرت الايام اسد راح لدوام لاهو يحجي وياي ولااني حتى الموبايل ما ازمة الانستا مسحة بس الواتساب وفاتحة يمة

صار على غياب اسد 10يوم والنزيف بعددة احس بدوخة وجع بطني شي ثاني

ونزل وهم لايحجي وياي ولاسلم ياكل بوحدة ينام بوحدة 

واني ابد موصلتة ارتاحيت بس هم. اشتاقلة

فد يوم اجة

اسد: حضري نفسج باجر نطلع لكربلاء"برود"

كُلش فرحت بقيت احضري نفسي طبعا عربانة مال اطفال مشترية هم طلعتهه كعدت ثاني يوم التهيت الرتب بغراضي

لبست ربطة لفيتهه وجوة الملابس فستان اسود مريح ولبست عباية طلع هو لابس. دشادشة وجراوية بقيت صافنة بي

اسد: لبسي كمامة والنضارات

رياحين: ليش البسةة احنة بل سيارة

اسد: من ننزل تلبسن كمامة ونضارات

مارديت بقينة ساكتين طبعا دخلنة لكربلاء بهويتة بل سيارة