#هاجر_النجار
#الفتوه_والجميله
#البارت_السادس_عشر
البارت نزل متاخر شويه انا عارفه بس سمحونى احتفال عيد ميلادى بقا وكدا 😂...... شكرا بجد من كل قلبى لكل حد عايدنى فى عيد ميلادى وقالى كلمه حلوه بجد انتو احسن واجمل حاجه طلعت بيها من السنه دى وانا حاسه انى عملت انجاز ان بقا عندى متابعين واخوات حلوين زيكم......... 💙💙✨... البارت الجاى يوم الخميس باذن الله... عايزه تفاعل جامد بقا ♥♥
يلا نبدا
Part 17♥
___________________________________________________________هاجر النجار
تخرج زينه من الغرفه وتتحه الى المطبخ وتقوم
بسكب كوب من العصير البارد وتضعه على صينيه وتحملها وتتجه بها الى غرفه الصالون تدخل زينه ولم تنتبه لهذا الذى ينظر لها بتوعد وغضب
زينه بعدم انتباه: السلام عليكم... اتفضل حضرتك العصير على ما مدام سميه توصل وتضع الصينيه على الطاولة امامه
عياد بتهكم: وياترى العصير فيه حبوب هلوسه ولا حبوب مهدئ
تنظر زينه له زينه وتصرخ بصدمه وتعود خطوتين الى الخلف
عياد بسخريه: اسم الله عليكى يا شابه... ايه شوفتى عفريت ولا ايه
زينه بتوتر: لا مش قصدى... انا... انت... عرفت ازاى العنوان وجيت هنا ايمته
عياد: هو انتى مفكره انك لما تمشى وتسيبى البيت عشان انا مش موجود مش هعرف اجيبك يعنى... عارفه انا كنت ناوى انفذ ليكى رغبتك واطلقك من غير مشاكل بس بعد اللى سمعته منك ومن صحبتك انهارده ورجوعك لهنا من غير علمى وعدم ردك على اتصالاتى خلانى اغير رأى ..... مش هطلق وهقلبها عند بقا ايه رايك
تتجه له زينه وتقول بغضب: يعنى ايه مش هطلق هو لعب عيال ولا ايه
عياد ببرود: هو دا اللى عندى اخبطى راسك فى الحيط
يقاطع رد زينه عليه دخول سميه وهى تقول بترحاب
سميه بترحيب: يا اهلا وسهلا يا استاذ عياد والله فرحت جدا لما فاتن قالت انك هنا جيت على طول عشان اسلم عليك
ينهض عياد ويسلم عليها: اهلا بحضرتك يا مدام
سميه: اقعدوا... اقعدوا متقفوش كدا
يجلسوا جميعا فى صمت فتبدا سميه الحديث قائله: بجد كان نفسى اشوفك من كتر كلام زينه وفاتن عنك
تنظر لها زينه ببلاهه فهى لم تتحدث عنه مطلاقا
فتكمل سميه وهى تنظر لزينه بتحذير: وكان نفسى تيجى تحضر الفرح بس زينه قالت انك مشغول
عياد وهو ينظر لزينه بتوعد: فعلا انا كنت مشغول جدا الفتره اللى فاتت بس الشغل خف وقلت بما انى هنا اجى اشوف زينه واحضر معاها الفرح
سميه: تنورنا والله يا استاذ عياد
عياد بنزعاج: بلاش كل شويه استاذ.. استاذ دى خليها عياد بس ينفع ولا لا
YOU ARE READING
الفتوه والجميله
Romanceهو فتوة الحارة لم يطلب منه احد المساعده ورفض دائما ما يساعد الناس لجأت له وطلبت مساعدته فلم يرفض و وافق على الفور لم يعلم ان بدايه المساعده بالنسبه لها هى بدايه قصه الفتوة والجميله. هى كانت تهرب من بطش عمها واخذها الطريق اليه لا تعلم انه قدرها التى...
