فراس جالس بالحديقه يتأمل القمر المكتمل بصمت وفجأة تظهر قطوة سوداء بشكل مرعب و الارعب لما القطوة تكلمت !!!
القطوة السوداء: شفيك كشر وجهك يوم شفتني
فراس متفاجئ: لاحول اتركيني فكيني ابعدي عني خلاص
القطوة السوداء: اشتاق لك
فراس : لا تشتاقين لي تعبت
القطوة السوداء: بحبي لك اتعبك ؟
فراس : هذا ماهو بحب كم مره بقولك اذا تحبيني ابعدي
القطوة السوداء : بس انا اعشـ ...
قاطع ابو فراس الكلام بسؤاله
ابو فراس : مع مين تسولف ها ؟
فراس التفت وهو يقول : مع...
بس سكت وقال بتوتر: ولا احد كنت احاور نفسي
ابو فراس : اجلس بكلمك بموضوع
فراس بتوتر : وشهو ؟
ابو فراس وهو ماسك يدينه خوفًا من رده فعله : ما بقى لنا الا حل وحيد
فراس : وشهو
ابو فراس : نروح لشيخ
فراس قاطع ابوه : بس يبه ما احتا...
ابو فراس : لا تقاطعني وخلني اكمل ، بنروح لشيخ موثوق رضيت ولا م رضيت هذي كلمتي م تتغير
فراس استسلم : الي تشوفه
...
فراس يرجع لغرفته وينور الليتات و يوقف قدام المرايا .. يرفع كُم يده ويلاقي كدمات !! وجروح من غير سبب
" بس هو عارف السبب "
الساعه 4:19
اذان الفجر .. الكل قام يصلي
فراس يفرش سجادته بس يسمع صوت وسوسه مزعجه
فراس برعب : مين؟ مين فيه !
مياسين تدخل عنده وتسأل: شفيك ؟
فراس يغطي اذنه : م تسمعين ! اصوات واجد
مياسين : وش اسمع مافيه الا صوتي وصوتك
جُمانه تقاطعهم : وش فيكم ؟
مياسين تحاول تتدارك الموضوع : مافيه شي روحي صلي
جُمانه تجلس جنب فراس بس .. فراس يقوم ويبعد عنها
فراس بصراخ : لا تقربين مني
مياسين : جُمانه اطلعي الحين !!
جُمانه : طيب م قصدت اسوي شي بس بساعد
مياسين: اطلعي قلت
جُمانه طلعت .. بقى فراس ومياسين ، فراس يحاول يصلي بس الوسوسه تأثر فيه وتجبره يوقف ومياسين تحاول تسمع الاصوات الي قال انه يسمعها بس م فيه فايده !!!
...
الساعه 7:39
على الفطور الكل موجود ويضحكون ومستانسين بس قاطع ضحكاتهم كلام ابو فراس ..
ابو فراس : بنروح لشيخ بعد نص ساعه
ام فراس : منجدك ؟ تصدق الدكاتره وهو دكتور يقولك تودي ولدك لشيخ توديه !
ابو فراس : ما بقي الا هذا الحل
فراس ساكت ويستمع لهم
مياسين : يبه خله بيوم ثاني ما يمدينا اليوم بيجون عزام وزوجته وولدهم
ابو فراس : كلمتي ما تتغير
جُمانه وهي تضحك : انا جيت
فراس يقوم من على الفطور ، جُمانه تحس انها السبب بس تجلس مع اهلها وتضحكهم بشخصيتها
فراس داخل غرفته وجالس على الارضيه وماسك راسه من التفكير المستمر ..
تظهر قطوه سوداء فجأة ...
فراس : شتبين الحين !!
القطوة السوداء : انت
فراس وهو ماسك راسه : اوففففف
القطوة السوداء: ليش اهلك ما يقتنعون بالحب بين البشر والجان
فراس : وهمك هذا وانا بفتك منك
القطوة السوداء وهي تضحك بسخريه: من جان علوي !؟؟
فراس بصراخ : شتبيننن الحيننن!!
القطوة السوداء: اشتقت لك وجيت
فراس : اعوذ بالله منك ومن شوقك
القطوة صرخت واختفت ...
فراس يكلم نفسه بتعجب : شمعنى قدرت اقولها الحين !
مياسين تنادي عليه : فراسسس يلا انزل بنروح
ابو فراس : انا داري انه ما يبي يروح لكنه رايح غصب
ام فراس بحنيه : لا تغصبه على شي ما يبيه
بينما كانوا يتحاورون عن روحتهم للشيخ فراس كان يناظر للكدمات بجسمه ويفكر كيف بيكون الشيخ ووش بيقول وليش يروحون له بس قاطع تفكيره صوت ابوه ينادي ولبس ملابسه وطلع ..
ابو فراس : شرفت اخيرا
فراس يهز راسه بـ اي
مياسين : ما عليك ترا بس يقرأ القران
فراس : ادري
ام فراس : وحده من قريباتي دلتني على شيخ زين واصرت نروح له تقول جلساته سريعه
ابو فراس : اجل مشينا
أنت تقرأ
تعذُر الشروق أيام ..
Actionما بين العشق الكاذب والنفور ، محاولة شاب للنجاة من عذاب عشق الجَان ومساعدة شقيقته وابن عمه وصاحبه له .. يُلاقي حتفه تارة .. وتارة اخرى ناجي ، كيف ؟ ومتى ؟ ولما ؟
