يا اهل العذاري يا اهل العيون الكحيل

= يا اهل العذاري يا اهل العيون الكحيل بارت 5 ،

= يا اهل العذاري يا اهل العيون الكحيل بارت 5 ،
'
'
= بعد ما انتهت الليله وكل شخص راح لبيتهم =
الا ابو هزاع واخوانه كانو جالسين في المقلط ،
هزاع : يبه انتم تنامون هنا؟
ابو هزاع : اي و روح للبيت جيب لنا اللحاف والمخدات ،
هزاع : تمام ومشى طلع وقف وهو يشوف ابو سعود و سعود متوجهين لبيت ابو تركي استغل الوقت ومشى وقف عند الباب و دقه بهدوء وهو يتمنى ترفه تفتح الباب وفعلًا تحقق امنيته ترفه فتحت الباب وانصدمت وهي تشوفه : انتت؟؟؟؟
هزاع وهو يبتسم : اي جعل يكسر يديني قولي !
ترفه شهقت : بسم الله عليك لا تقول كذااا وليه جاي الحين لا يشوفك ابوي و يدفنك هنا ،
هزاع : دام يدفنني عند بابك موافق و راضي ،
ترفه : لا تتهور ي هزاع وامشي قبل يجون ،
هزاع : ابي اكلم امي عنك واخطبك مقدر على هالبُعد ،
ترفه ابتسمت : اذا عندك هالقوه تكلمهم عني جرب ونشوف ،
هزاع : ليه انتي وش متوقعه انه ماعندي هالقوه؟
ترفه صدت : لا ابد ما شاء ...سكتت اول ما هزاع دف نفسه لداخل من لمح ظل سعود وهو متوجه لهم ،
ترفه فزت بخوف وهي تسمع صراخ امها تناديها وهزاع دفها لداخل وقف قدامها  : ويننن اروححح اخلصيييي ،
ترفه بخوف : ءءروحححححح من اييي مكاننن الله يخليك ،
هزاع : اهدي وقولييي وين غرفتك،؟ ترفه سحبته لغرفتها ،
هزاع دخل للغرفه وناظر للشباك مشى فتحه وهو يناظر ابو سعود كان يفتح الباب بالمفتاح وسعود جنبه ،
'
'
ابو هزاع : حسبي الله من هالولد وينننهه تاخررر ،
سلطان : مين ي عمي؟
ابو هزاع : هزاع الثور وين راح انا رسلته يجيب اللحاف ؟
فجاه دخل متعب وهو يشوفه معصب : كان يصلي ي عمي،
سلطان ناظر لـ متعب : يصلي؟؟ متعب وهو يقرصه بمعنى اسكت وهمس : اي يصلي الوتر وقم انت بعد الحقه ،
ابو هزاع سكت وهمس : الله يتقبل وقل لخالد يجيب ،
متعب : انا رايح اجيب ي عمي ومشى طلع ،
سلطان : يالثور كذبت صح؟؟؟ وينه يصلي خلني اشوف ،
متعب : ابعد بس احاول انقذه الكلب مدري وين راح ،
سلطان : مسوي الخال الحنون والله لا اعلم عمي ،
متعب : صدقني ي سلطان اكيد العاشق الولهان في مكان ،
دخل خالد متوجه لهم : شصاير وش قاعدين تسون؟
متعب : جاي من البيت صح؟ لقيت هزاع في مكان؟
خالد : لا خالتي رسلتني ادوره وهي تنتظرك بالبيت ،
متعب ناظر لسلطان : قلتلك خله يجي بس ،
و توجهو للبيت ماهو دقايق الا ووصلو ،
متعب دخل لداخل ام هزاع فزت من شافته ومشت وهي تحضنه تجمعت الدموع بعيونها : ياهلا بريحة ابوي وامي ،
متعب ابتسم : افااا يالغاليه تبكين؟ فجاه دخلت كحيله ومشت لعنده وهي تسلم عليه ،
سلطان : جت جت ام عيون ، كحيله ناظرته وصدت ،
متعب : ياهلا بـ حبيبة خالها كيفك طمنيني عنك؟
كحيله : والله حنا بخير انت الي مالك حس يالله يالله جيت ،
متعب : والله دوام وانا خالك وين القى لي وقت واجيكم ،
خالد دخل وبيده اللحاف والمخدات : امشي ي سلطان ،
سلطان ؛ وخر بس خذهم من كثر ما رحت وجيت ينكسر رجولي خذ تركي او احد من العيال ،
متعب : كله كم دقايق روح معه ماراح تموت ،
سلطان : اجل روح معه بنفسك ماني فاضي لكم ،
خالد : اذا جاء عمي و لطسك بالنعال وقته قل هالكلام ،
فجاه دخل ابو هزاع : لا بارك الله فيكم فشلتونييي كم ساعه انتظركم يلي ما تستحون على وجيهكم ،
خالد : عمي والله هذا سلطان الي ما يساعدني ،
ابو هزاع : هات هات لا بارك الله فيكم من عيال وسحب منه اللحاف والمخدات وطلع وهو معصب ،
ام هزاع : وراكم تعصبونه و ترفعون ضغطه ،
كحيله : كله من راس سلطان ي يمه ،
سلطان : اسكتي بس شايفه عيونك انتي ،
ام هزاع : خلاص اسكتو و ادخلو دخل جيبو الفرش من المخزن و رتبو الحوش واجلسو هنا وانا اجهز لكم الاكل ،
متعب : انا رايح اشوف هزاع وينه وانتم رتبو ومشى ،
اسماء : سلطان روح جيب الفرش وانا اكنس الغبار ،
خالد : وانا اشغل اللمبات واعلقهم فوق ،
كحيله : وانا رايحه اساعد ماما بالمطبخ ومشت ،
سلطان : والله تخسون ما اروح لين يجي احد معي ،
مريم : يليل الخواف امش يلا ودخلو لداخل. 
'
هزاع بعد ما نط من الشباك ونزل وهو متوتر كان متوجه للبيت لكن فز من شاف متعب و تخبى ورا البيت وهو يشوفه ،
متعب كان يدوره وبهالوقت تركي كان جالس عند بيته وسرحان متعب مشى لعنده : شفت هزاع وينه في؟
تركي صد : لا والله معرف ولا ناوي اعرف عنه بهالوقت ،
متعب جلس جنبه : افاا يا اغلى الاوادم علمني وش بلاك؟
تركي : مابي اعلم احد خله بالقلب ،
متعب : حتنا ما تعلمني؟
تركي صد : لا ولا لي نيه،
متعب : طيب امش معي نجلس حنا والعيال ،
تركي ناظر فيه : متعب مالي خلق لشيء ابي اجلس لوحدي،
متعب تنهد : تمام براحتك اذا حسيت انك محتاج احد تعال دق الباب وتلقاني جنبك وكتفي على كتفك يسندك ،
تركي ابتسم وهز راسه ، متعب طلع توجه للبيت ،
'
هزاع دخل البيت الكل التفتو له ،
سلطان : يقولون انك كنت تصلي علمنا وين هالمسجد الي مفتوح بهالوقت نروح نصلي ،
هزاع باستغراب : صلاة ايش ؟
سلطان : كان عمي ناوي عليك متعب صرفه انك تصلي ،
هزاع بضحكه : يخي متعب الوحيد كفو فيكم ،
فجاه دخل متعب وهو يقفل الباب : ماني كفو علمني وين كنت فيه من اي شباك حبل الوصال يوصلك لها ،
هزاع ناظر فيه بصدمه : ما فهمت شقصدك؟
متعب مشى وهو يوقف قدامه : خالك انا واعرف حركاتك تربيت قدامي وقدام عيوني الثنتين لا تهقى ما اكشفك ،
هزاع بهدوء : كنت تراقبني؟
متعب صد : لا ولا دريت وين كنت ووين رحت وما تركت مكان الا وسالتهم عنك فيه محد يعرف واكيد اذا ما كنت مع العيال تكون مع احد غيرهم الي مانت ناوي تعلمني فيها ،
هزاع : لا جاء الوقت علمتك بس ابي وقت الحين ،
متعب : متاكد من قلبك وحبك ولا ؟
هزاع : متاكد ي خالي متاكد بس ابوي مو متاكد منه ،
متعب : اذا الموضوع ابوك ف خالك موجود بس اوعدني ما تكرر حركاتك و باخر الليل تروح لها وعلمني منهي؟
هزاع : اوعدك بس ما اعلمك منهي احتاج وقت ،
متعب : براحتك بس انتبه حوالينك وانت تتسلق على شبابيك ومشى توجه لعند العيال الي كانو متجمعين ويحاولون يشبون النار جلس وهو يفصخ شماغه ويحطه على جنب ،
هزاع مشى لداخل وهو يدور كحيله دخل غرفتها ناظر فيها كانت تعدل شعرها وقف وهو يمسك يدها بقوه : مووو قلتلككك مانيييي ماخذكككك ليههه رحتيييي مع ذاككك؟؟؟
كحيله بـ الم : اتركككك يدي وامي الي راحت مو انا ،
هزاع تركها بقهر : لو كررتي حركتك دفنتك وانتي حيه ،
كحيله تجمعت الدموع بعيونها ، هزاع طلع لبرا ،
'
اسماء : انا الوحيده الي احس بالحر ولا كيف ورا تشبون النار؟
سلطان : بنموت من البرد وانتي تقولين حر ،
خالد : اقول اذلفي داخل اذا حر ،
متعب كان جالس وسرحان تفكيره كله بـ هزاع ،
طلعت كحيله والدموع بعيونها الكل التفتو لها ،
سلطان بصدمه : شفيكِ تصيحين شكله احد عطاكِ كف ،
كحيله صدت ومشت وقفت عند الجدار وهي تناظر بالسما،
متعب ناظر فيها : فديت انا هالعيون تعالي وانا خالك تعالي،
كحيله مشت لعنده وجلست جنبه وهي تمسح دموعها ،
اسماء : شف الحين تتدلع طبعًا خالي خلاص طفش مننا الحين يدلع كحيله ،
مريم : اي والله وبعدين وين هالخوات خالتي وامي سنه يسون عشاء اكيد قاعدين يسولفون و تركو العشاء ،
سلطان : الاخوان بالمقلط نايمين والخوات بالمطبخ ،
متعب ناظر لـ كحيله : شصاير لك؟ هزاع مسوي لك شي؟
كحيله هزت راسها بـ اي و دموعها بعيونها ،
متعب تنهد : خليه علي اذا ما لطسته بالنعال ما اكون خالك ،
كحيله ابتسمت وهي جالسه جنبه وتناظر بالنار ،
مريم وهي تجلس جنب متعب : ايش تسولفون؟
متعب ناظر فيها : سر بيننا انتي ايش دخلك؟
مريم : يع وش هالسر الي ما تعلمونا فيه ،
سلطان وهو يلتفت لـ متعب : شفيه هزاع لا يكون اكل ضربه من عمي؟ من جاء دخل داخل ماعاد طلع ،
متعب رفع كتوفه : معرف ما علمني شي ،
فجاه دخلو الحريم وبيدهم صحن الرز ام هزاع مشت وهي تحطه على السفره الكل تجمعو وهم ياكلون بعد دقايق خلصو وشالو الاكل والبنات راحو يسون الشاي ،
هزاع بعد ما اكل وخلص جلس بهدوء وهو يسمع سوالفهم ،
ام هزاع : والله يخوي خلاص شيبت راسك بالعناد تزوج نبي نفرح فيك لين متى تقعد كذا؟
ام سلطان : اي والله تزوج خلنا نفرح ونشوف عيالك ،
متعب وهو يضحك : والله رجعنا للموضوع نفسه الظاهر،
ام هزاع : اي والعروسه قدام عيوننا لقيناها بس وافق ،
متعب وهو يحرك عيونه اتجاه المكان : وينها ما اشوفها كلهم هنا بناتكم  وعيالكم وين عروستي؟
ام هزاع وهي تضحك : مو هنا في بيتها ،
ام سلطان : اي واختي كلمتني عنها وانا بعد موافقه ،
متعب ناظر لـ كحيله : هاه شرايك انتي؟
كحيله بزعل : ما علموني ولا سالوني ف ليش اعطي رايي ،
متعب : اذا كحيله ماهي موافقه ف خلاص ماني موافق ،
ريم : ما شاء الله يا خالي جحدتنا كلنا ،
سلطان : خالتي خليكِ من متعب دوري لي انا ،
خالد : يليل فكنا منك يالله نتحملك تبغى نتحمل زوجتك ،
اسماء دخلت وهي ماسكه صينية الشاي مشت حطته ،
متعب كان عيونه كل شوي يلتفت لـ هزاع الي سرحان ،
كحيله : اوف زيننن جبتي الشاي ميته من البرد ،
متعب : قربي اجلسي جنب النار ،
خالد : هزاع وينك سرحان وراك ساكت تكلم ،
هزاع صد وهو ساكت ويناظر للنار ،
ام هزاع وهي تقوم : يلا خلاص قومو البنات روحو نامو بالصاله والعيال ينامون هنا ،
سلطان : واذا نط حرامي و سوا فينا شي؟
اسماء : زين عشان تنقصون شوي ،
سلطان : اقول تقلعي بس ليتنا تركناكِ هناك ،
متعب كان ساكت وهمه هزاع ،
'
ام هزاع مشت للغرفه و ام سلطان مشت معه ودخلو للغرفه ،
ام هزاع : احسه موافق انتي شرايك؟
ام سلطان : اي واضح عليه موافق بس انحرج وقام يدور سبب وحطه في كحيله انا اقول خلينا نسمي بالله و نخطبها ،
ام هزاع : بس ما تحسين ترفه صغيره متعب كبير يوافقون؟
ام سلطان : يختي من يهتم للعُمر اهم شي رجال كفو ،
ام هزاع ابتسمت : كنت ناويه اخطبها لـ هزاع بس حسيت بدري و ابو هزاع قال نفس الشي وانا الصراحه تعجبني ترفه ماودي تضيع من يدنا ،
ام سلطان : اجل نتوكل على الله نكلم الرجاجيل ونشوف ،
'
اسماء مشت وهي ترمي عليهم المخده واللحاف ،
وقامو يتهاوشون لين كل واحد استقر بمكانه وانسدح ،
الا هزاع الي كان بعيد عن هواشهم ومتعب الي كان يناظر فيها
العيال انسدحو وهم يسولفون مع بعض ،
متعب مشى وهو يجلس جنب هزاع : ضايقتك؟
هزاع هز راسه بالنفي : لا بس متضايق من نفسي وحركاتي،
متعب : معناته جايب العيد ؟
هزاع صد : ما جبت بس شايل همها تركتها بذيك الموقف وجيت ماني عارف كيف اتواصل معها ،
متعب وهو يحط يده على كتفه : تعال نام نشوف بكره ،
هزاع ناظر فيها : اوعدني يا خالي انك توقف معي؟
متعب وهو يبتسم : ابشر وانا خالك والله اوقف معك اوعدك،
'
'