"يامساء هالليل ياعطر ودخون ‏ياغرام باهر يا أحلى العمر"

13

"عند الحريم"
بين الضحك والوناسه والسوالف الحلوه
كانت ورد وغرام منتبهين لسحاب وانها ماجت
خافو مره عليها والغريب ان امها مافقدتها وكل مره يسالونها تقول 'تشيل مع راشد الاغراض'
وقبل يقولون شي قامت دلال"بنت هيفاء"
دلال : بروح ادور سحاب
دلال"ام راشد" : لا يابنت لا تتتعبين نفسك شويات وتجي
دلال"بنت هيفاء" : لا مافيه تعب بس اشتقنا لها وبنسلم عليها
راحت دلال وهي طايره من الفرحه لما سمعت ام راشد تقول انها مع راشد
"عند الرجال"
خمع غيث بالفرشات وهو يصب القهوه لسيف
فز سيف : اسلممم ، شبلاك
غيث : لا ابد احقق كلامك امس
سيف : ياحبيبي قلت لك اذا جيتونا انتم ومب الحين عندكم ضيوف
غيث : ماتفرق
سيف ناظر ابو جاير : صدقني لو عمي يقدر يقتلك بنظراته قتلك
طمر غيث : يوووهعه نسيته
راح غيث يصب لهم القهوه وكالعاده ابو جاسر فشل غيث
وطلع غيث متضايق
راح يتمشى بالمزرعه
ووصل للجلسة الي منعزله عن المزرعه شوي
وضحك لما تذكر خرشته للمياء
جاء بيجلس لكن سمع صوت بكاء وعلى طول جت بباله اخت راشد
وصدقت توقعاته لما شاف بنت بعبايه سوداء ونص حجاب وحاطه وجهها على ركبها
غيث : هي يابنت وش مجلسك هنا
انهارت سحاب وهي تشوفه : موووو ناقصني الللاا انتت روححح عن وجهيييي
دفته وتعكرب بالجلسه وطاح على وجهه
مسك غيث راسه : احح وش مسويلك انا
سحاب بصوت منبح من البكي : يوه معليش مادريت
ومدت يدها تساعده
غيث : لا عادي بس وش مجلسك هنا
وقبل ترد سحاب سمعو صوت كاميرا وفلاش عليهم !!!!
فز غيث من مكانه بروعه وهي يسمع صوت حرمه
دلال"بنت هيفاء" : ايا قليلة الحياء الكل خايف عليك وانتي هنا مع ذا الصايع تتغازلون ولا تناديني دلال اذا ما صارت الصوره عند راشد
قامت سحاب تبرر لها : والله مو نتغازل كنت ابكي وهو طاح وساعدته
دلال : قولي ذا السيناريو عند اخوك نشوف يصدق ولا هههههههههههههههههههههههههه
ومشت بغرور
خافت سحاب وهي تدري ان لو درا راشد بيذبحها بدون لايسمع لها حتى
لفت سحاب لغيث : اكرهككك اكرهك اكرهههكك ليش جاييي الحين وش اسوويي
غيث : والله اسف مادريت ان ذي الزقه هنا
سحاب : اسفف وش اسويي باسف وش تفيدني فيه اسفف
طاحت سحاب منهاره تبكي وتشد شعرها
سحاب : الله ياخذكم مو كفايه علييييييي امي وابوي وراشدد تجي انت وذيك الملعونه والله ما اسامحكم والله
ناظرها غيث منصدم منها ورحمهاا مرهه
فز وهو يقول : لقيتت فكره شرايك الهي اخوك راشد وانتي كلمي اختي لمياء تساعدتس ومراح تعلم صدقيني
انتم روحو لما تنام خذو جوالها وحذفو الصور
سحاب : واو يالفكره روعععههه
طييبب فيه باس يالذكيي
غيث : باس وشنهو
سحاب : حمار حمار يعني كلمة سر
غيث : لا معليتس ان شاء الله مافيه
الساعه : ١
حلف ابو جاسر على اخوه انهم ينامون بمزرعته لان الوقت تاخر ومايصير يسرون وهم دايخين
"عند الحريم"
الكل كان يجهز فراشه ومستعدين لنوم
وجابو فرش اضافيه ل ام راشد وبنتها
وغرام واختها دلال 🙄

فرشو فرشهم وانسدحو
طبعا ام راشد لازم تتزقق وخذت غرفة لها لحالها هي وبنتها
ودلال وغرام نامو مع البنات ورد ولمياء
"بغرفة ام راشد"
سحاب : ماما بروح مع البنات نسهر شوي
دلال"ام راشد" : كلي تبن ونامي تحسبني ما اعرفك تكلمين اللي فالجوال مو رايح تسهرين مع البنات
تأففت سحاب من تفكير امها اللي من العصر الحجري
سحاب : طيب بروح الحمام وبجي
دلال"ام راشد": عشر دقايق لو ماجيتي تعرفين وش يصير
طلعت سحاب وشافت لمياء تنتظرها وعرفت اخوها ذاك علمها
لمياء : هيه صدق دلال صورتكم
سحاب مستحيه منها : ايه صدق بس ترا ما كنا نسوي شي بس دفيته وطاح وجيت بساعد..
ضربتها لمياء على كتفها : يغببه ادري قالي،اسكتي لا ننفضح
سحاب : اوكي خنسرع عشان امي تنتظرني
طلعو لغرفة البنات وقفلو الباب بشويش عشان ماتحس