فطمتك عن النساء

27🖤

وبسم الله الرحمن الرحيم

اللهم صل على محمد وال محمد وعجل فرجه واللعن عدوه
.
.
.
.
.

لاتنسو نجمه+ تعليق حلو مثلكم

لبست ثوب الصمت وأختصرت الكلام
لو أنه في صدري مثل .. دبك الخيول " .

فاطمه فركت عيوني احمد اكلك انطيني جهازك

احمد خزرها وفتح اللها الجهاز وخلا بيدها

فاطمه باوعت بي شفته بتراسل وي عمر وعمر دازله نكته سخيفه وهو يتعارك ويضحك ويا من فشلتي خليت راسي عل بطنه وحضنته احبك والله شتريد ريوك

احمد وخر راسها وكام يلبس ملابسه

فاطمه لميت شعري ورحت غسلت وجهي وبدلت ونزلت جوه لكيته كاعد يتريك صباح الخير

اللكل صباح النور

الحجيه صباح الضهر الساعه ب8 فالحه انتي ورجلج كل شوي داخلين للحمام وتنزلون تنكطون مي

فاطمه ابتسمت بفشله احمد سوالي مجال يمه وكعدت اكل هو مغلس عليها لان يدري بيها تشاقه شوي وسمعنه صوت صراخ مال امير من بره كبل طفرو علي طلعنه لكينه امير بحضن احمد ووجهه كله دم

احمد شاله وركض بره ورا محمد وأمجد

فاطمه هم خذو للمستشفى واديان كعدت بل كاع تبجين خفنا عليها لان حامل وبطنها عاليه

ام احمد يمه عكيفج والله ما بي شي

حوراء علكيفج حبيبتي ما بي شي ديربالج عل روحج

فاطمه ساعه ونص ودخلو محمد شايل امير خطيه مخيطين راسه اديان ركضت علي اخذته منه شبكته وصلت تبجي

أمير مامه ً راتي دم منه( راسي طلع دم منه)

اديان سوده علي سوده بوجهي

فاطمه رحت غسلت الاماعين ونضفت وصعدت فوك لكيته ينشف بشعره ومنشفه عل خصره هاي كله جنت تسبح

احمد يي لعبت نفسي من الدم

فاطمه تقربت يمه اني اسفه عل اللي صار الصبح مو قصدي اش

احمد قاطعها ببوسه عادي لا يهمج

فاطمه ابتسمت

احمد حضري روحج بعد ثلاثه ايام

فاطمه وينن

احمد وخر كذلتها وخلاها وره اذنها مو وعدتج نسافر علساس باجر بس شفتي اصار ابمير ما اكدر اعوفه بدون ما اطمن علي

فاطمه صار

احمد يالله ثيمالا رويحتي اني اتاخر اذا تنعسين نامي لان عدي شغل

فاطمه الله وياك حبيبي

هو طلع اني عدلت الغرفه ورحت دغديت وصليت لفت إنتباهي بطاقه احمد شلتها قريت تاريخ ميلاده وضحكت باجر خليت ايدي عل حلكي فكرت شسوي فتحت الكنتور لكيت عدي هواي فلوس لان هو كل ما يستلم الراتب ينطيني خمسين نزلت جوه لاديان لكيتها كاعده ابحدها بل صاله اكلج أديان حبيبتي