dude you're kidding right?

I'm not fine at all...

شايفين من تكونون بالسياره وكاعدين يم الجامه وفاتحين الجامه كلها والسياره سريعه والهوه قوي بس مع ذاك مداتكدرون تتنفسون كأنو ماكو هوه كاعده بغرفه مسدوده مابيها قطره أوكسجين وتحاولون شكد ماتكدرون حتى تتنفسون عدل وتحسون بالاوكسجين وهو ديمشي بجسمكم؟ هذا لترلي اسوء شعور وماينتج من اي شي يا أما انقهر من فد سالفه او ماادري شنو بعد

اليوم جنت بمول اسمه ماجدي مول طبعًا من اسوء الاماكن كلش خايس مااحبه فمن جنه دنريد نطلع جان اكو نافورات هيج صغار وبيهم مكان حتى الواحد يكعد يمهم فشنو احنه كعدنه واني هم كعدت والوضع طبيعي بعدين باوعت عاليمين شفت ولد صغار مو صغار بعني بس يطلعون بال16 او17 او يمكن اقل ماشفتهم زين جانوا اكثر من خمسه شكلهم اصدقاء جانوا لابسين ملابس رياضه وطوبه ومن هالسوالف وجانوا واكفين كدام ضوه حتى يطلع الظل مالتهم جبير ويصوروه فشنو جانوا اثنين يسوون نفسهم ديتعاركون او شسموها هاي الملاكمه بس بدون مايضربون بعض جانوا ديمثلون انو واحد ديضرب الثاني وجان كلش حلو حرفيًا! تحسهم متدربين على الحركات معلينه منهم

جانوا ماخذين راحتهم يكمزون وملابسهم قصيره ويضحكون ويصورون ويلعبون وبدون اهلهم وبعدين كلت ليش الولد الي بهيج عمر يتونسون ويسون الي يردوه او مو كل الي يردوه بس انو هم متونسين والبنات بهالعمر يحاولون بكل مايكدرون يطلعون حلوات وفوك ماهي طالعه حلوه تكعد تكول اني ليش ماعدلت شعري هيج؟ ليش مالبست هذاك التيشيرت؟ عزه يحتاج اضعف شصاير بجسمي؟ اكلج هاي المرايه مالتهم هي الي تطلع الواحد قصير وسمين صح؟ ليش مشيتي عوجه؟ ليش رجلي سمينه؟ ليش عندي كرش واضح؟ ليش ايدي مو حلوه مثله؟ افف مااحب امشي بطيئ لان مامتعوده بس لازم امشي بطيئ وعدل مثل البنات اني جبيره او مثلًا مااكدر اوكف بطابور كله ولد خاف احد يلزمني او يسوي شي مابيه حيلهم...اف ليش مااكدر اطلع ويه صديقاتي بس حنكعد بمطعم ونسولف محنسوي شي؟ اكلج الزمي اريد اروح اركض احب اركض واكمز من اكون متونسه.. تعاي اكعدي شكدج شكبرج وين تكمزين ميصير صرتي جبيره بعد اكعدي عدل وامشي مثل البنات وصيري حلوه وابتسمي الي بكدج يضحكن للهوه ووخري شعرج من وجهج حطي وره اذنج خلي يبين وجهج لايشوفوج العالم عبالهم معقده ومخبله
حرفيًا بعد ماشفت هذولي الولد رأسًا فكرت هيج وبوكته اختنكت كلش مصرت اكدر اتنفس وعيني كلش شوي تدمع ودماغي كل شوي يسأل ليش هم يكدرون يسوون هيج...دائمًا احنه البنات نفكر بلبسنه خاف محلو لو لونه فاقع لو موديله قديم لو بجسمنه وكل شويه نكعد نقارن حتى لو البنيه اقل من وزنج بكيلوين تكعدين تكولين الله جسمها حلو دباع جسمي صاير شعرضه ليش هيج وجهي صاير كله حبوب مدتروح او وجهي بي شعر ومن هالسوالف الي حرفيًا محد حيتأثر بيها غير الي دتفكر هيج اذا صرنه نعيش حياتنه شلون مجان حتى لو جنه مو حلويين او عاديين او اي شي مانهتم اهم شي نتونس ونضحك ونلعب خاصتًا هالاعمار لان اذا الواحد مايتونس بهيج عمر شوكت يتونس؟ بالعشرينات وره ماتتخرج من الجامعه وتعال دور شغل يقبلك لو بدايه الثلاثينات من الكل يضغط عليك تزوج وتزوج وتتزوج وتحير بهالسوالف؟ احسن عمر هو 22وجوه لان حرفيًا الشخص ماعنده هالمسؤليات الجبيره فالسالفه هي انو سوو الي تردونه ومثل ماكالت بيلي "everyone is gonna dai and no one is gonna remember you so fuck it" الي حرفيًا خلتني اسوي اشياء ماجنت اتوقع حسويها بيوم