روان : هي ده الولد الوهمي بتاع الحادث🙂
فجاه جات داخله ريان
روان قفلت التلفون وعاينت ليها باستغراب على اساس مالك
ريان: اشتقت ل غيث اشتقت ل حركاتووو بتاعت يجر جضومي ياخ حاسه بالم فقلبيي يا روان 💔
روان فنفسه : ياريت لو بقدر اوريك عشن ارتاح من الجفاف الكل يوم بجيني بسببو 🙂💔
روان: عايني ي ريان هل انتي حتنسي العملو فيك هل تنسي لمن جاء وقال ليك انو هو بحب بت تانيه هل انتي حترجعي ليهو بعد ما مشى خطب البت دي والهي المفروض تكون صحبتك بتاعت الابتدائيه ؟
هل حترجعيي ليهو بعد الالام العملو ليك ده هل ترجعي ليهو لمن مشى معاها عرس زينب والهي بتكون صحبتكم التانيه( زينب عرست وهي ف تالته ثانوي)
هل حتنسي ده كلووو وهل حتنسي لمن جاء ونبذك واستصغرك قدامها ؟؟ ده كلو وبتقولي اشتقتي ليهو يشتاق ليك البلاء ي ريان انتي حماره والله🙂🔪🔪
ريان كانت بتبكي مع كل كلمه كانت بتقولها ريان وقلبها واجعه شديد
ريان: ما حقدر انسى بس اعمل شنو يا روان لسه الحمار الجواي بحبو وبعشقو كمان وانتي اعتقد شوفتي بوستاتو العامله ليها 💔
روان فنفسه : عمله ليك يا حماره يا الله ارحمني انا دخلني شنو بيهم الاتنين ديل🙂💔
ريان: انتي عارفه انا كان ممكن انساه دا كلو بس اهانه غيث ليكم ده مستحيل انساه ف حياتي 💔
وطلعت ريان من الغرفه وروان بقت زعلانه عليها وكان نفسها تحكي ليها السبب وهي الكانت شاهده سبب عملت غيث بيها شنو 💔
روان ف نفسه : الله ينتقم منك يا عمي عل كل حزن ووجع سببتهم لي اختي وغيث وحيكونو خصمك يوم القيامه 💔 وانا واثقه انو ربنا حرجعهم زي م كانو واحسن💜
المهم قامت مشت اتوضت وصلت وبقت تدعي انو ربنا يراف ب اختها وترجع اختها المجنونه زي زمان ومسافه كدا حتى خلصت الصلاه ورقدت نامت ❤️
اصبحنا واصبح الملك لله💜
ريان صحت على صراخ امها بتقول ليها قومي
زكيه: قومي يا بت عشن تمشو معاي ل صحبتي
ريان بنعاس: م تقولي لي صحبتك المصريه ديك 🙂
زكيه : اي ياها زاته ارح قومي يقوم فيك حيطه
ريان: سمح يا زوزو قمته
وقامت بتكاسل دخلت الحمام استحمت وطلعت مشت صلت ونزلت لقت روان بتعاين ف كبايه الشاي بعين مفتوحه وعين مقفوله 😂
ريان: والله حاسه بيك يا توينز 😂
روان: حسي جات فكره انو نمرق ل صحبته دي من وين 🙂
ريان: اي دونت نو هني 🌚
ومشت عملت ليها نسكافيه وقعدت جمب اختها وبقو يشربو جات زكيه
زكيه :انتو لسه بتشربو قومو البسو سرعه 😡😡
روان: حتى شراب م نشرب ي حجه 🐸
زكيه: قومووووو😡
روان وريان جرو على غرفتهم خوفا على حياتهم
روان من م دخلت لقت تلفونه بضرب كالعاده غيث🌚
روان وهي بتختار هدوم: حسيت انو مزتك حتمرق صح 🌚🌚
غيث: لاا مارقين وين؟
روان: صحبه امي المصريه 🌞
غيث: وهل صحبه امك دي عندها اولاد كبار ؟
روان: ما ندري🤷♀️
غيث: احيييااا المهم وريني اختك لابسه شنو ولو لابسه ضيق خليها تغيرو 🙂
روان: سمح ي ابو غيور 🙂
وقفلو على كدا وروان طلعت ليها فستان ابيض قصير وشبط اسود وعملت لي شعرها كعكه وطلعت خصلتين وعملت ميكاب خفيف وطلعت تحفه❤️
فجاه سمعت صوت امها بتصورخ
زكيه: روااااان ريااااان😡
روان: والله جاين يا حجه😭
روان ونزلت ولقت ريان برضو نزلت ريان كانت لابسه كارينا حمرا واسعه وشاكه مع سكيرت اسودا وعامله شعرها كيرلي وعامله فل ميكاب م عنو م بتحب بس عشن تخفي علامات البكاء
اعزروني لو في خطاء املائي 💜💜
