وهل ستعود ياعالمي الجميل؟!

بارت الخامس

طبعا هنا مر ع علاقتنه ٣ أشهر  وبقينه علاقتنه كل يوم تطور وكل اوقاتنه وية بعض وفد يوم طلب مني اعرفة ع اخوي (عائلتنه متحفظة يعني معدهم بنية تراسل ولد)اني قبلت وجبتلة يوزر وراسلة وتعرف علية واخوي ميدري طبعا وصار صديقة من تعرفوا مكرفسنه دز صورة ل اخوي اني اشوف محادثتهم لو هو يصورلي لو اني افتح مبايل اخوي واشوف لمهم هو كلي دزيت صورة ل اخوج 🥲اني صار عندي فضول اشوفة وهو ميدزلي  ف ثاني يوم اخوي طلع ومبايل بلبيت واعرف الرمز رحت فتحته وشفت حمدمدي😫❤🧿يخبل كلة ع بعضة يجنن لمهم اني ماعرف اسكت ف رحتلة كتلة شفتك كال ها يلا اهم شي شفتيني (عابت شكد مغرور) بعد ٤ أشهر كاملة يلا شفته هو ميدز منتظر اني اطلب واني ماطلب لان استحي وبعد فترة نزلنه لعبة ودخلني اللعب وية اصدقائة همه يحجون مايك واني ساكتة همه ٣ كلهم فاتحين مايك معرفت اي واحد هو وكلهم أصواتهم حلوهة شو🥲😂جد والله كلهم  بس عرفت صوت حماديتي من صديقة سئل علية وهو كلة شعليك شي ميخصك لتسئل 😂ورجعت ضيعت صوته حرفيا يحجون مافتهم عليهم لان كلمة تنسمع وكلمة لا ومسمعتهم  وكملنا اللعب ورجعنه سجلي بصمات يشرحلي ع موضوع بصمتين كل بصمه ٢٠ ثانية 🥲😂
ومن كمل كلي فتهمتي؟هو اني مركزة بصوت اول مرة اسمعه 🥲😂ولايم الموضوع بس كتلة اي فتهمت 
بهذا الوقت الي مر عرفت ع حياته اكثر منه اعرف كلشي هو يسولفلي كل شي يصير وياة  واخوي فترة وكتلة  عوفه وعافهة هيج احسن
وواني اسكرنلة مرات محادثتي وية صديقتي ف صديقتي طلبت من صديقها صورته وهو كلي حلوو صديقتج اسبوع متعرفة ع صديقها وطلبت صورة واني ٤ أشهر مطلبين صورة مني 😂كتلة انت مدز واني ماطلب لان استحي بس عندي فضول اشوف كال لا لو تردين تشوفيني جان طلبتي كتلة لا انت مدز ف دزلي صورة ❤🥺صبح مصورها شعرة سايح ع وجهة بوقتها حرفيا كل شي بية حلوو يربي هيدا نفر  جميلل يمعودين والحسين احبة مو ع شكلة والله اني حبيت روحهة وشخصيتة  وتعودت علية بعد هاي لمرة ضل يومية يدزلي صور وبصمات❤🥲 وطلب مني بصمه اني ممتعودة احجي وياة بصمات ف مقبلت بس بعدين دزيتلة خطية مل مني كل ميطلب مني بصمه مادز😂 وبعد فترة ديعلمني كلمات تركية ف كلي شنو يعني سيفيريوم كتلة يعني احبك كلي عفية وبعد دقائق كلي اريد اكلج شي يي كول لا ماكول لا كول 🙂وكلي اني سيفيروم(يعني اني احبج)طبعا موقف جداااا غبي بلنسبة الي معرفت اتصرف بوقتها كتلة لا جذاب مقلب
يمعودة مو مقلب لا مقلب والله مو مقلب لا مقلب ادري بيك وبوقتها بت خالتي يمي بقيت صافنه بوجها حرفيا من صدمة (مو اكوللكم مووقف غبي)هو جان واضح لان دوم يلمح الي بلحب بس اني اصريت ع انه مقلب وهو كلي اي مقلب بس اذا مو مقلب شنو ردة فعلج كلي اني لو بمكانج مافكر هيج بسرعة اكول انت اخوي وخلص كتلة ي اكيد  كال احنه اخوة وخلص لتهتمين انسي بس هو واضح ان مو مقلب بس اعتقد من ردة فعلي غير كلامه وماعرف🤷🏼‍♀️ لمهم لكلمة بقت ابالي منسيتها واني من زمان احبهة واحس حبيتهة اكثر  واجت المدرسة اني وياة خامس اعدادي هو أشطر مني🥲😂اقرة اكثر منه بس مو بتركيز مثلة ف سوو كل يوم جايتة بدرجة محلوة آو وسط ومرت فترة احسس صار عندي اختنااق😂😂من مشاعر المكتومة وكلامه ضل ابالي
..... ُ.........................................................
ولهنا يخلص لباررت ☺️❤
شوفكم بارت جديد

اريد تفاعل  ❤💪☺️