بنات انا بعتذر جدا عن فصل امبارح كان عندي مشكلة كبيرة في النت و معرفتش انزله او انزل الاعتذار عنه ، سامحوني ♥️
ان شاء الله هعوضكم و هنزلكم فصل بديل عنه بكره غير الفصل الاساسي .. يعني عندنا فصلين بكره باذن الله ❤الفصل العشروون
جلست كل من وعد و ريم علي اريكة ما ، و علي الاريكة المجاورة أوس و رهف ، يجاورهم علي الاريكة الاخيرة أنس و أيهم .. بينما جلس مروان مقابلا لهم جميعا علي مقعد
نظرت له ريم بقوة قبل ان تهتف متساءلة :
_ احنا قعدنا اهو يا عمو .. ممكن اعرف عمو خطف وعد لييه ؟؟نظر لها مروان قبل ان يربع يده هاتفا بهدوء :
_ زمااان قبل ما يوسف يموت كان أبوه الي هو جدكم عايش .. جدكم قسم كل اراضيه و املاكه علي عياله الي هما أبوكم و كمال و عمكم التالت ... عمكم خد ماله و عياله و خرج من البلد .. اما كمال فكان شايف حصة ابوكم من الميراث كبيرة و مش من حقه ياخدها لانه لا بيشتغل معاهم و لا يعرف يدير الفلوس دي ...صمت قليلا قبل ان يكمل حديثه :
_ حصل خناقات كتير بين يوسف و كمال ، ساعتها يوسف جه عندي و وصاني اخد بالي من بناته (أنتم) علشان هو خايف كمال هيسلط حد يقتله ، او يتعرضله !! ... و صدق حدثه و كمال دبر له حادثه و هو راجع أخر مره من البلد و توفي هو و والدتكماتسعت عينا الفتاتين بصدمة قبل ان تهتف وعد بصدمة :
_ يعني بابا و ماما اتقتلو ،، مش ماتو موتة ربنا !!_ ايوة اتقتلو ،، و مش كده بس دول كانو عندهم استعداد يقتلوكم انتو كمان في سبيل انهم ياخدو الاراضي و الفلوس الي معاكم !
نظرت له ريم بتعجب قبل ان تهتف متساءلة :
_ طيب ما اهو بابا مات و هما بردو مخدوش الفلوس و الاراضي اهو !_ لان انا حميتكم يا ريم .. من ساعت ما يوسف مات و احنا بننقل كل فترة لبيت جديد .. مسألتيش نفسك ليه ؟؟
اماءت له بالنفي فهتف يخبرها :
_ انا كنت ببعدكم عنهم و عن عنيهم ، كنت بحاول اتوه كمال من انه يوصلكم .. و رصيدكم و فلوسكم كلها شيلتها في حساباتي في البنك علشان ميقدروش يوصلولكم .. و من فتره قريبه عملت لكل واحده فيكم حساب في البنك و حطيت كل الفلوس بتاعتكم و ارباحها كمان !نظرت كلتا الفتاتين مصدومتين قبل ان تهتف ريم بصدمة :
_ و هما بيعملو كده لييه اصلا ايه الطمع ده ؟؟تنهد مروان بشدة قبل ان يهتف لها :
_ نفوس الناس مريضة يا ريم .. و الي يقتل اخوه علشان خاطر الفلوس يبقي توقعي منه اي حاجه .. علشان كده كنت بخاف عليكي لما كنتي بتخرجي لوحدك .. او تخرجي تدوري علي شغل و لا تروحي انتي و اختك الجامعه .. و علي طول كنت ممشي وراكم حراسه ، علشان بخاف عليكم !تفهمت ريم لماذا كان يمنعها الخروج في ذالك الوقت .. اما وعد فنظرت له متعجبه قبل ان تهتف بتساؤل :
_ طيب و بعدين يا عمو .. هما الوقتي خطفوني و كانو عايزيني امضي علي تنازل عن الاراضي بتاعتي .. الله اعلم هيعملو ايه بعد كده !!
![](https://img.wattpad.com/cover/304142800-288-k825898.jpg)
YOU ARE READING
سجينة المنتقم (الثلاث أجزاء كاملة)
Romanceقضي حياته يعمل و يكافح من اجل ان يعود منتقما ممن دمر اسرته و شردهم جميعا .. فماذا لو عاد و وجد نفسه ينتقم من فتاة بريئه لا تعلم شيئا عن ماضيه ؟؟؟ أيستطيع قلبه ان ينتقم منها ام ماذا سيحدث ؟؟