انه وحيرتي وحزني ،
ومواويل التعب بالغربة ، تلچمني
وطولي
المنتچي اعله وشالة الڪمرة
ولا تايه نشد عني ..
ولا عريس بالظلمة آستحت عينة وغفّة بظني ..
رسالة مشڪڪة بلا شوگ
و إهي يا ريح تندل خاطر تلمني ؟
هذا انة ،
قطاار إمسافر وية الريح
سافر چم فرح بيه
سافر چم عشگ بيه
سافر چم وطن بيه ، ولا مرنّي ..
ولڪيت الموت يندلني !
بس المستحة بـ عينة مثل مذبوح يم حزني ،
والرجفة التعتّ بچفوفة المهدلّات
ياخذهة العرس مني ..
يروحي الما صفالچ شوگ
چا هو الحزن موال ونغنيّ ؟
وچ هو الدرب موال ونغني..♥️
~~~~~~~~~~~~~~~~~~~~~~~~~~~~~~~
"ذهب "
-فزيت مرعوبه ...صفنت ..اني شجابني هنا
تذكرت ..تنهدت وگمت عدلت الجرباية باوعت ع الساعة ب١١الصبح " اني شگد نمت ولله عيب
لبست شالي وطلعت ...لكيتها بالصاله ولابسه الحرم ولازمه القرن تقرأ كلش حبيت منظرها ونور بوجها ...شافتني صدقت وسدت القران
فضة : هلا صباح الورد تعاي يمه
ذهب : تقربت وگعدت بصفها ...صباح النور خاله
فضة : بس گون نمتي عدل
ذهب : لا نمت مادري مر الوقت واني نايمه هواي
فضة : ميخالف لان البارحه تعبانه ...وشعندج اشبعي نوم
ذهب : زين انتي ليش مابقيتي نايمه
فضة : اني مره جبيره ماعرف انام هواي كلش كلش ب٨ بعد ماكدر ........ بضحك "مو مثلكم انتم الشباب وهذا الجيل تموتون ع النوم
ذهب : ابتسمت " تحبين اسويلج شي انظف اطبخ اني كلش اعرف
فضة : فدوه للنادره ماكو داعي هل تشوفين البيت نظيف محد يوسخ بس اني بي واذا ع الطبخ اني احب اطبخ اتونس شويه ... مهمتج تگعدين يمي وتسولفين عليه لان امل وحدي
YOU ARE READING
الهاربة
General Fictionتبدأ رواتيتنا لفتاة في منتصف عمرها تعيش بسلام بين ليله وضحاها تفقد كل عائلتها لم يبقى لها غير أخاها طفل صغير تتحمل مسؤوليته وتتحول حياتها من النور إلى الظلام وتعيش تحت أيادي اناس لاتعرف معنى الرحمة امتلأت قلوبهم بالحقد والكره " يطلق عليهم اسم الأ...
