سلام لبنات هاذي اول كرونيك ليا نتمنا تدعموني فيها وتخلولي رايكم عليها
الكرونيك تحكي على زواج اجباري لكن راح يتحول لحب كبيييييير وصادق ونقي واهم حاجة في الحلال ، الحياة راهي مخبيتلهم بزاف حوايج ومفاجآت ويبقى السؤال هل هاذ المفاجآت مليحة ولا نو
اصبحنا واصبح الملك لله ، ناضت نارين بكري اليوم بزاف دارت توالات تاعها ولبست
Oops! This image does not follow our content guidelines. To continue publishing, please remove it or upload a different image.
وقالت للخدامة تطلعلها الماكلة لعندها لبيتها ، جابتلها الماكلة وكانت نارين قاعدة تخلط في البيسي . بعد نص ساعة راحت للشركة ، هي غير وصلت للبيرو تاعها عيطلها اياد اياد : ارواحي ليا نارين : حاضر ميسيو اياد راحت نارين عندو دقدقت نارين: انعم ميسيو اياد اياد : جيبيلي الملف**** و ***** راهم في الخزانة راحت نارين جابتهملو نارين : تفضل ميسيو اياد عطاتهملو وخرجت من البيرو تاع اياد وراحت لبيرو تاعها تكمل خدمتها ___________________ ناض اياد الصباح دار سبور دوش ولبس
Oops! This image does not follow our content guidelines. To continue publishing, please remove it or upload a different image.
وفطر وخرج قاصد الشركة تاعو ، دخل لشركة ماصابش نارين ، بعد 3 دقايق شاف نارين جات عيطلها ( علابالكم واش صرا ⬆️ )
__________________ كانت نارين قاعدة تخدم حتى عيطلها اكرم نارين : الو .. وي اكرم اكرم : واش راكي نارين نارين : صافا ونتا الزين اكرم : صافا الحب ، عيطتلك باش اذا نتلاقاو اليوم نتغداو نارين : اسمحلي اكرم مانقدرش اليوم عندي غداء عمل اكرم : اوكي ماعليش مرة وحدوخرا نارين : وي نشالله اذا كنا حيين اكرم : نشالله ، ايا باي باي غلقت نارين الخط وكملت خدمتها ____________________ جاز الوقت وجا الوقت لي يروحوا فيه لمطعم على جال غداء العمل ، ركبت نارين مع اياد ووصلو للمطعم لي راح يتلاقاو مع رجال اعمال ثانيين ، كملو الغداء تاعهم وكل واحد راح في طريقو _____________________ كي كانو راح يركبو طوموبيل صونا تيليفون نارين نارين : الوو... وي بابا محمد : بنتي وين راكي نارين : راني مع اياد كان عندنا شغل وكملناه محمد : مليح امالا ارواحي نتلاقاو في ***** نارين : اوكي ، وغلقت الخط نارين : ميسيو اياد انا عندي شغل لازم نروح كاش ما تأمرني قبل ما نروح ؟ اياد : لا روحي في طريقك نارين : حاضر ميسيو اياد عيطت لشوفير تاعها ، وصل ركبت وراحت وين تفاهمت مع باباها ________________ اياد خلاها تروح بيسك علابالو بلي باباها راح يهدرلها على موضوع الزواج ________________ وصلت للبلاصة لي تفاهموا عليها ، لاحظت في وجه سي محمد الخوف و التردد استغربت وحست شوي بالخوف نارين : هاني جيت بابا واش كاين محمد : اقعدي ابنتي من بعد نحكو قعدت نارين بحدا باباها محمد : كاش ما تشربي ؟ نارين : لالا بابا قولي علاه عيطتلي باش نروح عندي بزاف الخدمة محمد : ايه ، شوفي ابنتي انا كبرتك وربيتك وعانيت بزاف في حياتي غير باش تعيشي نتي وخوك ويماك حياة شابة ومايخصكم والو معايا وجامي قصدتك في حاجة ... قاطعاتو نارين وقالت وهي خايفة من هدرتو : بابا وعلاش راك تهدر هكا ؟ 😧 محمد : نقولهالك ملخر ابنتي ، لبارح جا ليا اياد وقلي راح نلغي المشروع لأسباب ماراحش نقولها وقالي باش مايلغيش المشروع لازم ....... نارين : اييه ؟ واش لازم ؟ محمد : ء.. ء.. لا.. لازم تتزوج..تتزوجي بيه 😔 نارين : ..... (مصدومة ) محمد : يعيشك ابنتي نتي اكثر شخص تعرفي هاذ البروجي شحال مهم بالنسبة ليا نتمنى ماتردينيش نارين : تبسمتلو باش تطمنو وقاتلو ماتخافش ابابا نفكر ونقولك 😌 سلمت عليه في جبهتو وقاتلو نارين : باي باي بابا نخمم ونقولك ضك انا نرجع لشركة عندي بزاف خدمة محمد : اوكي بنتي فكري ورديلي بالخبر راحت نارين ركبت لوطو تاعها ورجعت لشركة ومحمد استغرب من ردة فعل بنتو والبرود تاعها لكن للحظة هو ارتاح لأنو كان متوقع تعيط وترفض __________________ رجعت نارين لشركة وراحت لبيرو تاعها ، لاحظ اياد انو نارين راهي هادية وماجاتش ليه كيما موالفة تعيط ومقلقة ___________________ كارات تحت الشركة تاع اياد طوموبيل اقل مايقال عنها فخمة نزلت منها مرا شوية كبيرة في السن تكون في ستينات من عمرها تقريبا وكانت شابة بزاف تبان صغيرة في عمرها دخلت تمشي بكل ثقة وافتخار ، طلعت للبيرو تاع اياد ودخلت مع نارين عند اياد اياد : اهلين ماما واش راكي خديجة : الله يسلمك وليدي ، لاباس ونتايا اياد : نحمدو ربي لي رانا عايشين __________________ قعدت خديجة واياد يحكو وحكاية تدي حكاية حتى قال اياد اياد : يما حبيت نقولك حاجة خديجة : انعم اوليدي قولي راني نسمع فيك اياد : راح نتزوج خديجة : كلشي مبروك اوليدي ، ايهيه شكون هاذي اياد : السكرتيرة تاعي خديجة : راك متأكد وليدي ؟ هاذي راها سكرتيرة عندك برك اياد : وي يما هاذي في الاصل ماشي سكرتيرة تاعي خديجة : مافهمتش ؟ اياد : ( حكالها الحكاية وقالها بلي راه طايح في شباكها ) خديجة : لي فيها خير يجيبها ربي اياد : نشالله يما وشدلها يدها خديجة : ايهيه وقتاش نروحو نخطبوها اياد : هاذو اليامات خديجة : نشالله نشالله كملو خديجة واياد يحكو ويضحكو ويتفكرو في اليامات حتى صونا تيليفون خديجة خديجة : الوو ... ايه ايه جيت ... اوكي ضك شوية نجي تما ... صحا صحا ... نشالله ... صحا . وكوبات اياد : شكون يما ؟ خديجة صاحبتي ياسمين قاتلي توحشتك ارواحي نتلاقاو اياد : ايه يما روحي ليها وسلميلي عليها ناضت خديجة وقاتلو : نشالله وليدي يبلغ . وراحت كي فاتت على البيرو تاع نارين تبسمت ونارين استغربت علاش تبسمت __________________ كملت نارين شغل لي عندها وراحت للبيرو تاع اياد ودقدت اياد: ادخل دخلت نارين وقالت : ميسيو اياد ماعليش نهدر معاك في حاجة خارج الشغل ؟ اياد : وي تفضلي قولي نارين : راني قابلة اياد : مافهمتش واش لي راكي قابلة تنهدت وقالت : موافقة نتزوج بيك اياد فرح وقال في قلبو : راح نطيحك في شباكي كيما طيحتيني فيك وتبسم تبسيمة جانبية اياد : اممممم مليح ، والسي محمد علابالو ؟ نارين : لا ماعلابالوش اياد : قوليلي باش نتفاهموا الهدرة مع الكبار نارين : حاضر ميسيو اياد ، وضك نستأذن منك اياد حركلها بيدو بمعنى روحي . خرجت نارين منعندو وركبت مع الشوفير في لوطو وراحت لدارها كي وصلت عيطت لباباها نارين : الو با واش راك محمد : نحمدو ربي لي رانا عايشين ونتيا بنتي نارين : صافا الحمدلله ، عيطتلك باش نقولك بلي راني قابلة نتزوج بإياد وتاني راني خبرت اياد محمد : ربي يعطيك ماتتمناي ابنتي صحيتي لي مارديتينيش نارين : بلامزية با خسارة عليك تقول هكا مستعدة نموت وتعيش نتا با محمد : بعيد الشر عليك بنتي نارين : ايا با انا نخليك باي محمد : تهلاي في روحك بنتي _____________________ كمل اياد يخدم من بعد كي كمل راح للشركة تاع سي محمد دخل للبيرو تاعو محمد : اهلا وليدي واش راك اياد : الحمدلله سي محمد ونتا محمد : ايه وليدي غير الخير واش جابك اياد : غير الخير ، نظن انو علابالك علاه جيت محمد : ايه علابالي اياد : اممم مليح ، بالنسبة لموضوع الخطبة نهار الجمعة ( بقاو يومين يعني اليوم الاربعاء باش تفهموا مليح ) نشالله نجيب والديا ونجي نخطب محمد : مرحبا بيكم ، لي فيها خير ربي يجيبها اياد : نشالله ، ايا انا نخليك محمد : طريق السلامة خرج اياد من عند سي محمد وراح لدارو . دوش ولبس
Oops! This image does not follow our content guidelines. To continue publishing, please remove it or upload a different image.
وقعد في الجاردان يخدم بالبيسي . وصل وقت العشا تعشا وراح يتلاقا مع سيف في البار يسهرو من بعد رجع لدار رقد _____________________ خرجت نارين من عند باباها وراحت لدارها بدلت ولبست
Oops! This image does not follow our content guidelines. To continue publishing, please remove it or upload a different image.
وقعدت في الجاردان قدام لابيسين ( مسبح ) وقعدت تخمم وتهدر مع روحها وتاكل في النوتيلا واش راح يصرا و وعلاش اياد خير يتزوج بيا ولا يلغي المشروع زعما يكون يحبني؟ هههه لالا سور هبلت ماكاش منها يحبني واحد متكبر ومتعجرف وماعلاباليش واش حاسب روحو ههه لالا امبوسيبل ( ههه جات في بالي هاذيك تاع امبوسي لا مايمكنش امبوسي 😭 ) بينما كانت تحكي مع روحها قاطعها صوت مريم ( مريم الخدامة ) مريم : نارين بنتي نوضي تتعشاي وتاني راه برد الحال ضك تمرضي نارين : اوكي طاطا هاني جاية 😁 ( مريم تعيط لنارين بنتي بيسك هي كبيرة عليها في 60 ونارين تعيطلها طاطا طبعا احتراما لها ) راحت نارين تعشات من بعد دارت شوي سبور وراحت للسينيما تتفرج ( في دارها او بالمعنى الاصح القصر تاعها كاين طابقين ارضيين واحد في صالة رياضة كبيرة بزاف شابة والطابق الثاني فيه سينيما ) دارت فيلم و عيطت لمريم نارين : طاطا مريومة راني هابطة للسينيما نتفرج و قولي للخدامات يجيبولي فاكية والعصير الاخضر تاعي ( نسيت ماقلتلكمش بلي مريم هي رئيسة الخدم ) مريم : مايكون غير خاطرك ابنتي 🥰 تبسمتلها نارين وهبطت للسينيما دارت سبونج بوب وقعدت تتفرج ( تحب سبونج بوب بيسك مين كانت صغيرة ويماها كانت عايشة كان كل مايبدا تبدا تعيط وتصوطي وتغني الغنية تاع من يسكن البحر ويحبه الناس عرفتوها ياك المهم ) تفكرت الماضي تاعها وقعدت تتفرج وتبكي من بعد دوشت ولبست
Oops! This image does not follow our content guidelines. To continue publishing, please remove it or upload a different image.
وراحت لبيت تاعها عيطت لصحبتها لينا ابال فيديو وقعدت تخدم وتحكي معاها وتضحك من بعد حكاتلها على اياد . حكاو البنات من بعد كوبات نارين وراحت رقدت
احممم سلام لفتشيات واش راكم . نسيت ماقلتلكمش بلي كاين شخصيات جديدة راح يدخلو في القصة وتاني علابالي بلي الحكاية مملة وماكانش الجديد من غير اياد ونارين ... مي ماتخافوش الصح مازال باش يبدا 😉 وتاني افكاري راهي مشوشة ونفسيتي ماراهيش مليحة ومنا وملهيه صافي راح نقطع بلاك ثلثيام ولا كثر ونرجع 🥰تشااااو🕊❤🍃
