قصه عراقيه واقعيه.

second part

احداث السابقه
وصلنا ساعه 10:2
نزلنه من سياره دكينه الباب
طلعونا سلمو علينه رحت لغرفه ايه دخلت الغرفه لكيت نايمه على جربايه وجهه اصفر مابيه حيل تتحرك
ايه:هلا بيكم
قمر :وبيج حياتي شلونج
ايه: والله كولش تعبانه ومالي خلك تتحرك
ام سيف :شلونج بنتي
ايه: الحمدلله ماما انتي شلونج
ام سيف : الحمدلله بخير
علي:هلا بيكم نورتو البيت بجيتكم
ابو سيف:بيك اكثر علاوي 
ابو سيف:ها بابا شلونج
ايه:بخير بجيتك
ابو سيف:محتاجه شي
ايه:سلامتك
علي: سلامتك حجي
راحو زلم لصاله كعدو بقينه احنا نسوان بلغرفه وحدنا
قمر :ولك حمودي تعال
حمودي:ها خاله
قمر :شلونك
حمودي:بخير
قمر :صاير تخبل يعمري
ام سيف:ها يمه محد يعتني بيج
ايه: لا ماما ماكو
ملاحظه:امه وابو ميتين عنده اخوات2مزوجات •
ام سيف: يمه جان بقيت يمج بس ماكدر تردين قمر تبقى يمج
ايه: والله ماعندي مانع اريد واحد يساعدني بشغل 
قمر :كولي ل بابا واني ابقى
ايه:مااعتقد بابا يرفض اذا كتله
ام سيف:يمه لعد انتي حاجي هوه يسمع منج
ايه:ماشي اني اكلهه
ايه:اكلج قمر طلبت اكل سفري بس حضري
قمر : اوكي يلا نازله
نزلت وحضرت الكل وصحتلهم حته يجون يأكلون بعد ماخلصو اكل اغسلت المواعين
ابو سيف:يلا من رخصتكم احنا روح
علي:لا وين تعشو شبيكم بعد وكت
ابو سيف:لا والله ماكدر شغل عندي اعذرني غير يوم نجي
علي:براحتك عمي
ايه:بابا
ابو سيف:ها بنتي محتاجه شي
ايه:اريد قمر تبقه محتاجته
ابو سيف:يلا خليهه هيه وحسوني
حسوني:هسه اني شعليه قمر تساعد ايه اني شعندي
قمر :شبيك اسكت
ابو سيف:حسوني شلون اختك تبقه وحده ابقى يمهه ميصير
حسون:ماشي راح ابقى وهم اخلص من المدرسه
قمر :عاد هوه اخذ راحته
ابو سيف:يلا احنا نترخص
علي: مرخوص الله  وياك عمي
راحو اهلي للبيت طبعاً اني بقيت يم ايه
قمر :روحي نامي انتي
ايه: مو حمودي مانطيته اكل
قمر :هسه انطي اكل ولبسه ملابس ولعب عليه
ايه:يلا راح اروح
قمر:ماشي اكلج ايه
ايه:ها
قمر :ماجبت ملابسي ويايه معبالي ابقه
ايه:يلا عادي البسي من ملابسي
قمر :اوكي  راح البس ملابس
لبست دشداشه من اختي ورحت سويت اكل لحمودي ومن اخلص سبحته ونطيته ملابس
حمودي:خاله قمر
قمر:ها حمودي
حمودي: اريد مي
قمر:اوكي هسه اجيب
رحت جبتله مي ونطيته حسيته ينعس يريد ينام يمكن وقت نومه
قمر: ها حمودي تنام
حمودي؛اي
اخذته لغرفته ونيمته  مااعرف شسوي كلت خلي اروح ل ايه يجوز محتاجه شي رحت لغرفته ودخلت لكيته على نومته مكاعده عفته ترتاح رحت اني هم نمت بغرفه حمودي
كعدت ساعه 3:23  رحت ل ايه 
قمر: ها ايه شلون صرتي
ايه: والله راسي ماكدر اتحرك من الوجع
قمر: لا تتحركين علاوي جابلج علاج
ايه: اي تلكي ب الخانه
قمر:اوكي هذا اخذي راح اجيب مي
ايه: اوكي
رحت اجيب مي من المطبخ لكيت علي بلمطبخ
قمر:ها علاوي محتاج شي
علي : لا سلامتج بس هذا العشه جبته واليوم راح يجون اصدقائي
قمر :ماشي خليهن هنا
اخذت ال مي ورحت ل ايه نطيته ال مي وعفته تنام رحت انضف الصاله
خلصت تنضيم الصاله كلت خلي اروح اطبخ وطبخت وخلصت سمعت صوت يمكن اجوي أصدقائه دخل حمودي للمطبخ
قمر :ها حبيبي حمودي رايد شي
حمودي:لا ماريد شي
كاعده احجي ويه حمودي دخل حسوني
حسوني: قمر نطيني مي وحضرينه ضيافه
قمر :اوكي هذا ال مي وبعد عشر دقايق تعال اخذ ضيافه
حسوني:يلا ماشي
راح حسوني واخذ حمودي وياه وحضرت ضيافه شويه وجه حسوني اخذ ضيافه وصعدت لغرفه ايه اخذت العشهه الهه
قمر :ها ايه حبيبتي كاعده
ايه:اي كاعده
قمر :يلا هذا العشه
ايه:شكرا حبيبتي تعبتج وياي
قمر :لا شهل حجي اني غريبه
ايه: لعد اجوي اصدقاء علي
قمر :اي هستوهم اجوي حضرت ضيافه وجه حسوني اخذهن
ايه:اي عفيه
قمر :يلا راح انزل يجوز يحتاجون شي
ايه:ماشي يلا
نزلت من غرفه ايه ورحت للمطبخ حضرت العشه الهم شويه وجه حسوني
قمر :اي بوقتك اجيت روح صيح ل علي
حسوني :ماشي
راح حسوني يصيح ل علي اجه واخذ السفره ومده بصاله واخذو العشه
اجه علي جاب حمودي
علي :حمودي اكعد يم خالتك حته تنطيك اكل
قمر :اي تعال يمي حته تاكل
علي: اي عفيه تعبانج ويانا قموره
قمر :لا يمعود ياتعب بلعكس تونست ها صدك محتاجين شي
علي:لا تسلمين
راح علي كعد بصاله يم اصدقائه سويت اكل ل حمودي وكلته وغلسلته من خلص وصعدت لغرفه ايه اخذت المواعين اليمهه لكيته نايمه طفيت الضوه وطلعت غسلت المواعين وحطيت ال چاي شويه وجه حسوني جاب المواعين وخلصت لم المواعين وغسل اجه حسوني
حسوني: ها قمر وين چاي
قمر :يلا هذا اخذه
حسوني: يلا عفيه بشاطره
قمر :اعرف شاطره صدك هم خابرت سيف حته باجر يجي يجيب ملابس الك وليه لان ماعدنا
حسوني :لا انتي خابري احسن
قمر :اوكي هسه اخابره
راح حسوني وغسلت المواعين وخلصت رحت جبت تلفون وخابرت على سيف
قمر :الو هلا سيوفي شلونك
سيف :هلا بيج قمر بخير وانتي شلونج محتاجه شي
قمر:اي والله اريد ملابس اليه والحسوني بلكي باجر جيبنه
سيف:يلا ماشي بس ملابس
قمر :اي بس ملابس
سيف :ماشي ان شاء الله باجر اجي ايه شلونه
قمر : الحمدلله بخير
سيف:عساهه بخير يلا سلميلي عندي شغل راح اسده
قمر : الله يسلمك يوصل وانته هم سلملي
سيف:يلا باي
قمر :باي
سديت تلفون اجه حمودي
حمودي :خاله
قمر :ها حبيبي
حمودي:عادي اخذ طوبه ولعب بـ الحديقه
قمر :يلا عادي بس مو تطلع بره البيت هسه دنيه ليل
حمودي :لا مااطلع
قمر :اوكي يلا
حمودي:تعالي ويايه
قمر :لا ماكدر
حمودي : فدوه خاله تعالي
قمر :يلا حبيبي
طلعت ويه حمودي ضل يلعب بطوبه حسيت شخص ورايه باوعت عليه ستحيت اخذت حمودي ورئسن دخلت للبيت •
•
•
•
•
عمر
جنت بشغل ورجعت للبيت المغرب خابرت صديقي علي
عمر :الو علاوي شلونك
علي:هلا بيك عمر الحمدلله انته شلونك
عمر: والله الحمدلله وين انته بـ البيت اريد اجي اني ومروان نتعلل عندك شي
علي:لا والله فارغ تعالو هلا بيكم
عمر :يلا شويه وجاي الله وياك
علي: الله وياك
سديت تلفون ورحت للحمام سبحت وغيرت ملابسي شسورت شعري نزلت من الغرفه
روئيه : هلا عموري وين رايح هستوك اجيت من شغل
عمر :هلا بيج راح اروح لصديقي علي ماطول
روئيه:هاا
عمر : محتاجه شي
روئيه:لا عمري سلامتك بس فدوه ارجع من وكت
عمر : ماشي بس ليش اكو شي
روئيه : سلامتك بس اريد اروح للمول
عمر :انتي مو عندج سياره روحي انتي وامي
روئيه :لا اخذته ماما راحت لـ بيت خالتي
عمر :ها ماشي
روئيه:يلا حبيبي عطلتك
عمر :يلا باي
روئيه:باي
طلعت من البيت اخذت سياره حته اروح ل مرون لان بيتهم بعيد وصلت دكيت هورن طلع مروان
مرون :ها عمر شو تأخرت
عمر : هسه تأخرت شعليك يلا اطلع بسياره
مرون: شبيك متتحاجه هذا ويني طلعت بسيارتك
طلعنه ورحنه لبيت علي دكيت هورن حته يطلع علي طلعنه
علي :هلا بشباب
مرون :هلا بيك علاوي شلونك
علي:بخير انته شلونك
مرون : الحمدلله
علي :يلا تفضلو
دخلنا لصاله جان يمهم حسوني
حسوني:هلا بيكم
عمر :وبيك حسوني شلونك
حسوني: الحمدلله بخير وانته شلونك
عمر : الحمدلله لعد سيف وينه شو ماكو
حسوني: والله ماكدر يجي عنده شغل
عمر : ها والله مشتاقيله
جابونه ضيافه وشويه جابو العشه تعشينه وخلصنه جابو چاي دكت عليه روئيه وطلعت بره حته حاجيه براحتي
عمر :ها روئيه
روئيه:شو تأخرت
عمر :يلا شويه وجاي
روئيه:يلا باي
عمر :باي
باوعت شفت بنيه واكفه كلش حلوه عيني عليه وذاني بتلفون
باوعت عليه شويه ستحت ودخلت للبيت
عمر بنفسه:شبيك عمر يجوز هاي مرت علي شويه اخجل
دخلت الصاله
عمر :من رخصتك علاوي اني رايح
علي :ها وين شبيك
عمر : والله عندي طلعه بلعائله اريد اروح
علي :مرخوص لعد
عمر :تسلم علاوي ها مروان تجي وياي لو ترجع انته
مروان:لا شيرجعني اجي وياك
عمر :يلا لعد يلا الله وياك علاوي
علي: الله وياك
وصلنا علي للباب ودخل للبيت رحت وصلت مروان لبيته ورحت للبيت اخذت روئيه للمول خلصنه ورجعنه للبيت دخلنا البيت لكيت الكل نايم صعدت لغرفتي سبحت وخلصت لزمت تلفون ضليت احجي ويه كنان ابن خالي خلصت حجي رحت حته انام ضليت افكر بـ البنيه
عمر بنفسه :معقوله هاي مرت علي بس مرت علي جبيره واني شايفه يجوز هاي اخته كافي خلي انام باجر عندي شغل

انتهى البارت ان شاء الله يعجبكم 🚶‍♂️❤️