ညစာစားဖို့အချိန်ရောက်နေပြီမလို့ မစ္စလော့ကနေပြီး အိမ်စေတွေကို ထမင်းဝိုင်းပြင်ခိုင်းနေသည်။
သိပ်မကြာဘူး စားပွဲပေါ်မှာ အရသာရှိတဲ့အစားအစာအနံ့တွေနဲ့ ပြည့်လျှံသွားသည်။
အဲ့အချိန်မှာပဲ အိမ်ကြီးရှင်သခင်ကို နှုတ်ဆက်နေတဲ့ အိမ်စေတစ်ယောက်ရဲ့အသံထွက်လာသည် "ပြန်လာတာ ကြိုဆိုပါတယ် မစ္စတာလော့"
"ဟုတ်ပြီ...." မစ္စတာလော့က သူ့ဖိနပ်ကိုချွတ်လိုက်ပြီး အိမ်စီး slippers လေးကို လဲစီးလိုက်သည်။ ဘေးကိုငုံ့ကြည့်လိုက်တော့ အမွှေးလုံးလေးက သူ့နောက်နားမှာပဲရှိနေသေးသည်။ အိမ်တော်မှာ ကလေးသေးသေးလေးမရှိတာမလို့ သူမအတွက်လဲစီးစရာဖိနပ်မရှိဘူးဖြစ်နေ၏။
"မီးမီးဖိနပ်ကို ချွတ်လိုက်ပါ့မယ်.... slippers စီးဖို့မလိုပါဘူး" လူတွေရဲ့စိတ်ကို နားလည်နိုင်စွမ်းမြင့်မားတဲ့ ယင်ယင်သေးသေးလေးက ဝင်ပြောလာသည်။
ဧည့်ခန်းကြီးတစ်ခုလုံးက ကော်ဇောတွေအပြည့်ခင်းထားတာမလို့ သူမဖိနပ်မစီးရင်တောင် ဘာပြဿနာမှမရှိပေ။ မစ္စတာလော့က ခေါင်းငြိမ့်လိုက်ပြီး သူမလေးရဲ့ဖိနပ်ကို ကူချွတ်ပေးဖို့ လုပ်လိုက်သည်။
သူမလေးက ပြတ်ပြတ်သားသားငြင်းလိုက်ပြီးမှ သူမဘာသာ ဖိနပ်ချွတ်နေလိုက်သည်။
ယင်ယင့်တုံ့ပြန်ပုံက အန်ကယ်ကြီးကို ကြောင်အသွားစေချိန်မှာပဲ သူမကတော့ မျက်လှည့်ပြသလိုအလျှင်နဲ့ ဖိနပ်တွေကို ချွတ်ပြီးနေပြီ။ သူမက သူမရဲ့ပန်းရောင် မင်းသမီးဖိနပ်လေးကို မစ္စတာလော့ရဲ့ဖိနပ်ကြီးဘေးမှာ ချထားလိုက်ပြီး အနားမှာလည်း အပြာရောင် slippers တစ်ရံကိုတွေ့လိုက်ရသည်။ ပန်းရောင်ဖိနပ်လေးက ဖိနပ်အကြီးနှစ်ရံနားမှာ လှဲနေပုံက မထင်မှတ်ထားစဖွယ် လိုက်ဖက်ညီနေလေသည်။
ယင်ယင်လေးက ခိုးချောင်ခိုးဝှက်ကြည့်လိုက်ပြီးမှ သူမနှုတ်ခမ်းလေးတွေက တွန့်ကွေးသွားသည်။ သူမနားရွက်လေးတွေကတော့ သူမလုပ်နေပုံကို တွေ့သွားမှာစိုးသည့်အလား နီရဲနေလေသည်။ သူမရဲ့ဖိနပ်သေးသေးလေးတွေက သူမဖေဖေရဲ့ slippers ဘေးမှာရှိနေတယ်!!
YOU ARE READING
ဖေဖေဖြစ်ရတာပျော်နေတဲ့ ဗီလိန်ကြီး
Random'A' မြို့မှာရှိတဲ့ ပိုင်group ရဲ့ဥက္ကဠနှင့်ဇနီးက လေယာဉ်ပျက်ကျမှုမှာ သေသွားပြီး 3နှစ်အရွယ် ကလေးလေးကို အမွေတွေ တစ်ပုံတစ်ပင်နဲ့ချန်ထားခဲ့တယ်။ ဆွေမျိုးတွေကလည်း ကလေးလေးကိုလှည့်စားပြီး အမွေထိန်းချုပ်ခွင့်ရဖို့ကြိုးစားကြနေကြတယ်။ ဘယ်သူထင်မှာလဲ!! 10 billion...
