عشـಿـگي آلمـجهول ❤️

آلبـಿـآرت آل 4

عٌظّمَ أّلَلَهِ أّجِرنِأّ وِأّجِوِرګمَ بِمَنِأَّّسبِهِ حٌلَوِلَ
شٍهِر مَحٌرمَ أّلَحٌرأّمَ ... 🏴

توحش العالم سوادا فهذا محرم قد اتى..

فاطمة : طلعت ورحت للمطبخ واني ضايجه من تصرفاتة ومن الي سوا ،، كعدت وكلت لامي:  يمةة يلا خل نروح
مرت العم:  شني ضجتي منة وتردين ترحين  (سوتهة بضحكة) 
فاطمة:  لام عمه مو هيج بسس ال،، ردت احجي وقاطعني
سجاد:  شنو سمعت واحد ضايج يريد يروح 
فاطمة:  يباوعلي بنضرة غريبه ويحجي
اي اريدد اروح لان تعبانه واريد انام (اباوع واحجي ويا حسيته اتغير 180 درجه) 
سجاد:  شبيجج خاف مريضه اوديج للدكتور
فاطمة:  من كلي هيج صفننت لان ساعه يحجي بحنيه وساعه بخبث وهسة خايف عليه مفتهمت شيريد بالضبط
سجاد:  فطم احاجيج هيوو           
  فاطمة:  ءاا هاا اسمعك
سجاد: (وهو يتقرب ويكعد كبالهة)  فطومة قلقتيني بيج شي
فاطمة :  ءاا مابيه شي بس احس بدوخه وتعب ، من شفتة هيج تقرب وكعد كدامي كلش استحيت من امي وعمتي وهوة ولاكأنما
كاعد يباوع بعيوني ويحجي بحنيه ومو هامة شي
سجاد : خاف سكرج صاعد اوكفي هسة اجيكة الج
فاطمة: حبيت خوفه علية بس كلت خاف يجذب ويطلع يختبرني ،، راح شوي واجة
سجاد هوة ويكعد : انطيني ايدج
فاطمة:  لا اني اقيسه
سجاد هوة ويسحب ايدي : لتعاندين خوش
فاطمة : اخذ ايدي وبقيت ساكتة باوعت لكيت امي وعمتي يباوعون علينه اووحدة تضحك للخ
وشذى لازمة فونهة ومبتسمه
فاطمة هية وتحجي بكلبهة : لا يالحمزة ذني شبيهن
هاااا خاف لان لازم ايدي عززة بعيني والله فشله
سجاد:  فاطمة سكرج صاعد 220
امل: عززة بعينج اني كم مرة كايلتج لا تتحركين هواي حته لا اتعبين وسكرج يصعد ويجلب وياج
طبعاا ( فاطمة مابيهة سكر بس يصعد من تتعب واذا بقة عالهلشكل يبقه دائمي )
فاطمة:  يمة ماتحركت عالكد من حطينه الاكل
مرت العم:  يلا مابيهة شي ان شاء الله.
بقن يسولفن امي ومرت عمي وسجاد بعدة عل كعدته ومبتسم سئلته بأنزعاج:  شبييك مضيع شي بجهرتي
سجاد هوة ويتقرب يم اذنهة :  ههههههه خاف من البوسه صعد تعاي احضنج حتة ينزل من الهبطة ههههههه
فاطمة هية وتباوع بعيونة : انته صدگ ماتستحي وماعندك ذرة خجل وخرر من وجهي
بقه صافن عليه وماحجة شي بس يباوع بنضرة خبث
خفت منة خاف يحجي شي ،، انوب اجتي اختي رزان ام لسان ضلت تباوع علينة وحجت: سجودي انته ليش متخطب فطيمه وتتزوجون
فاطمة:  ضليت مثوله من حجيهة خزرتهة وكلت:  ولج ادبسزز صايرة كلش متستحين شنو هالحجي
مرت العم: ياا شمالج وياهة ماحجت شي غلط
وبعدين مابيهة شي تصيرين جنتنه،  وغمزت لامي
مو صح ام شذى،
امل:  اي خية مابيهة شي وين نلكه احسن من سجاد الله يخلي الكم
يحجن واني صافنه شديحجون معقوله يخطبوني الة
باوعتله يضحك ويباوعلي
كلشش تنرفزت منة صح اني احبه ومن زمان بس من سوة هيج حسيتة نزل من عيني

فاطمة:  يممةة يلا ترة والله كلشش تعبانه وباجر الخطبه لازم نكعد من وكت
امل:  ايي صدگ ذكرتيني اكلج ام سجاد
مرت العم:  كولي عيوني ام شذى
امل:  ترحين للخطبه باجر
مرت العم:  ي چا شلون ماروح غير عازمينه
امل:  هاا خوش زين شتاخذيلهم
مرت العم:  والله مادري خيه
فاطمة:  هسة اني اتورطت و ذكرتجن كومي يمة يلا
امل:  يي يي كايمه امشي كلي لابوج
فاطمة: اوك ، رحت لبابه وكتله. بابه يلا ماضل وكت
مروان:  يي بابه يلا صيحي لامج
فاطمة:  رحت لكيتهن يلبسن بالاحذيه رحت جبت جنطتي بغرفت عمتي دامشي ولزم ايدي اندارييت
والتقن عيونه سوة وضل صافن
فاطمة: عوفني شكو لازم ايدي
سجاد:  لا تنسين الحجيته علة لبسج
فاطمة:  انته معليكك اوكك ، دفعت ايدة اريد امشي وكال:  ترة ماعندي مانع اكللهم
فاطمة:  خليت ومشيت بدون مارد صعدت بالسيارة وهوة واكف بالباب من مشت السيارة اشرلي بايدة بمعني باي خزرته وضحك تك خد
وصلنه للبيت اول مادخلت غسلت وجهي مسحت الميك اب وبدلت ورحت لغرفتي نمت عل جربايه
لزمت شفتي  واتذكرت من باسني وشلون جان شعور غريب وحلو بنفس الوكت ، وضحكته وشلون خاف عليه ابتسمت لا اراديا انوب كلت،  هسة اني عل شنو افكر بي وليش حاطتة ابالي ومنو يكول يحبني
بقيت سارحه بافكاري ونمت