السـلام علـيكم ورحمت الله وبركاته
اسعـد الله مسـاءكم احبتي المتابعين ❤️
# الكاتبه _بنت الـ شيخ
# دمـار _الريمـاس
قيصر :-
رحت للمستشـفى اشـوف حالت ام همام
الي مات بسبب طيشـه وضلمه لريماس
وابوها مات وبقت امه وحيده
ما الها احد بهاي الدنيا صحيح هيه متستاهل
تعاطف بعد الي سوته بريماس
وجنت اني الي اريد اخذ حق ريماس
منها ومن ابنها بس ربك اخذ حق ريماس
وهسه هيه مره وحيدا ما الها غير رحمت
ربك سألت ع غرفتها ورحت دخلت
للغرفه منضرها يوجع الگلب صابها شـلل
نصفي حالتها تبجي.
قيصر :-دكتور شـلون حالتها اني جيرانهم.
الدكتور :-اهلا ابني حالتها مستقرا بلوقت
الحاضر بس مثل متشـوف صابها
شـلل نصفي ولازمها كرسي متحرك
وهواي علاجات وتكاليف ولحد هسه
محد اجه وسأل عليها جابوها جيرانها
ومن شـافو التكاليف راحو وبعد مرجعوا.
قيصر :-تمام دكتور اي شـي تحتاجه
جيبوه وكل تكاليف العلاج عليه
وهسه وصيهم يجيبون كرسي متحرك
واذا احتاجت ممرضه تلازمها من تطلع
اني اتكفل بيها هذا رقمي.
الدكتور :-صار استاذ رح اكتب اسمك
بلتكاليف المريضه.
قيصر _
رجعت للبيت وصلت اجاني اتصال
من الدكتور گلي اسبوع وتطلع من المستشـفى
ورح ترافقها ممرضه نهيت االاتصال
ولتفتت ريماس واگفه وعيونها مليانه دموع
ركضت لعندي وحضنتني وتبجي
حاولت اهديها بس متسمعلي باوعتلي
و؏ـيـُونـها تدمع اني گلبي يريد يطلع
من صدري حسيت بدگات گلبها وانفاسها
الي تلوحني صار گلبي يدگ
جنه اول مره احس بگلبي بصدري
هاي غاليتي
بت گلبي بين ايدي واول مره تباوع
عليه هيج وتخلي ؏ـيـُونـها بعيني رفعت ايدها
وخلتها ؏ خدي وباستني من الخد الثاني
خدها لامس خدي وحسيت بانفاسها
وگالت بصوت خايف
ريماس :-بابا خفت عليك هواي لاتعوفني
قيصر :-اني مو ابوج ارحميني
ولج دمار اني قيصر
ضميتها ؏ صدري
تا اطفي النار الي بگلبي
وخل يصير الي يصير
ماعاد يهمني شـي
غير اطفي النار الي شـعلتها بيه
هاي دمار مو بنيه
سحبتها لعندي نزلت راسي ؏ رگبتها
وين متوصل خل توصل
بـس بلحضتها سمعت صوت علي.
وعيونه تطلع شـرار
علي :-قيصر
قيييصر
قيصر :-اا ع ل ..علي خير شـصاير.
علي :بس تعال بسرعه
ماعرف شگلك بـ ااسـ. الشرطه اتصلت گالو صار انفجار بلـ شركه.
_قيصر
انته شجاي تگول اذا صدگ رح اخسر كل شي
اسمع انته ابقه هين ولاتگول لاحد خل اتاگد
بلأول اذا صدگ هاي مصيبه.
علي _
بعد مشفت شي استاذ قيصر
توها العبه بأولهه.
_ريماس رجعت للصاله واني بعالم ثاني
من الي جان يريد يسويه
خايفه ومحتاره رحت لغرفتي وگفت يم المرايه
وتذكر انفاسه القريبه مني غمضت عيوني
ولزمت مكان قلبي بقوا حسيته رح يطلع
من مكانه بهاي الحضه سمعت صوت
احد يدگ الباب رحت فتحته
كان علي.
علي _
ريماس انته بخير وجهج احمر صاير
شي.
ريماس _
لا ااني جيت اخذ شغله من الغرفه
بس نيسيت شنو جنت اريد المهم انته محتاج
شي گول.
علي _
مو محتاج بس اكو خبر محلو لازم اكلج
بيه بس توعديني انو متگولين لاحد
اني گتلج تمام.
ريماس _خير عمو قصير بخير
خوفتي علي گلي شصاير فدوه اوسمعت
خبر ع بابا احجي لتبقه ساكت ؟
علي _لا اطمني مو ع ابوج ولا ع قيصر
الخبر يخص ابن عمتج همام
ماعرف شگلج بس همام اتوفه بحادث
بيوم عرسه.
ريماس _
شنو شجاي تحجي شلون وايمته صار الحادث
اؤ. اؤ عمتي هسه وحدها بقت فمني
شلون مات انته متاگد؟
علي _اي لأسف متاكد الحادث صار قبل ساعه
بس الحقيقه هوا انقتل وع اساس حادث
وعمتج صابها شلل نصفي.
قيصر _وصلت للـ شركه كانت عباره عن
لهيب ونار بكل مكان واتذكرت
المخطط الجديد الي كان حلمي وحلم ابويه
جان بمكتبي نزعت السترا وحاولت ادخل
بس استوقفوني الـ شرطه مسكوني
حاولت اعيط عليهم تا يتركوني بس ماكو
فايده لان يعرفون اذا دخلت مراح اطلع
عايش.
الـ شرطي _استاذ قيصر اسف مگدرنه
نوگف الحريق وللأسف الي صار بفعل فاعل
فجر قنبله بلشركه.
هند _
اووف هاي وين راحت وعافتني نست نفسها
من عرفت قيصر اجه وتگلي ميهمني ولله
جذابه تحبه بس تكابر.
امير _
هاي شبيج تحجين ويه روحج مثل الخبله
يااهوو دا احجي وياج.
هند _اسمعك مو طرشه بس ماريد ارد
ع واحد مثلك.
امير _ليش انتي وين تلگين مثلي اشگر
وعيون زرگ هاا.
هند _انگلع من وجهي انته وعيونك
كلك مو شايفتك اذا مخلوق مدري بيك.
امير _هاا هيج لعد
زين انتي وين تردين.
هند _ مادخلك.
امير _هسه غير اريد اساعدج يابه شدعوا هيج
عصبيه ع كيفج بينه يمعوده.
هند _ اريد اروح لغرفت ريماس
البيت جبير ونسيت وين الغرفه ارتاحيت هسه.
امير _ متگولين هيج من البدايه
تعالي اوديج عليها.
هند _كل علقك اني ما ثق بيك
روح من وجهي.
امير _وانتي عليش هيج خايفه مني
اذا بقيتي تفترين وحدج مراح تلگيها خليني
دليج مراح اگلج قزمه اصلآ مو من نوع البنات الي
يعجبوني انته تگلك زلمه مو بنيه.
هند _ولله احسن ما حب اتصنع تا ينعجبون بيه
شباب ماعدهم اخلاق مثلك واگدر دافع
عن نفسي واني مو خايفه منك فاهم
يلا دليني غرفت ريمااس بسرعه.
امير _افتهمنه لتصيحين
هاي صدگ ابنيه الله يعين الي يزوجها.
هند _سمعتك مشتهي جفي يطبع بوجهك
مره ثانيه.
امير _وگفت ع كلامها
وجانت تمشي وراي اصتدمت
بيه التفتت عليها
حشرتها ع حايط ولزمت اديها ورفعتهم
لفوك وقربت وجهي عليها.
اگلج هسه اذا اريد اسوي اي شي محد يگدر
يوگفني فتهمتي والكف الي ضربتيني
لانج بنت مارح ردلج ياه بس اگدر
ارد بغير طريقه تعرفين هسه احنه يم باب غرفتي
وهنا اذا تصرخين بعالي صوتج محد يسمع
هاا شرايج ارده بس ع طريقتي ؟
يتبع ……
انتضرو البارت القادم نااار
واريد اشوفكم بلتعليقات وصوتو للقصه
ESTÁS LEYENDO
دمار الريماس
Misterio / Suspensoبين ليلةً وضحاها تنقلب حياتها رأسآ على عُقب تتهم بـي ذنبً لَم تقترفه فَـہ هل سوف تُثبت برأتها أم لا؟. دمار الـريمـاس تُكتب بين انامل شِفاء.
