عشق ورة ما نزلت وكعدت يم بابا وكلي
حسن: بوية عشق جهزي نفسج
عشق: ليش بابا
حسن: لان اليوم العقد مالتج انتي وهمام
جهزي نفسج حتة نروح بنتي واريد منج تكونين قوية وان شاء الله يطلعون ناس زينين وما يأذوج بشي
عشق: من كال بابا هيج مثل الغصة وصارت بلعومي وكلت بكلبي يارب انطيني القوة انة لازم اسوي هيج علمود اخوي اباوع ع حمزة مدنك راسة ومايحجي شي وماما كذالك والدمعة بطرف عينهة وبابا هم حاولت ابينلهم انو ماكو شي
يلا شبيكم صافنين انة جوعانة يلا اكلو الكل جانو يباوعولي بأستغراب وصفنو علي
يلا باباتي اكل يلا ماما اكلي وحمزة انتة هم
اكلنة وكملنة بابا بيش الساعة نروح
حسن: ب 4 العصر
عشق : تمام بابا
يلا ماما كومي خل نجهز غراضي انة وياج مثل ماتعرفون انة عروس كلتهة وابتسمت بوجهم
وداد: يلا امشي
عشق: صعدنة أنة وماما طبعا عندي ملابس هواي وغراض كلت المن مشترية اصلا ماراح نسوي لا عرس وحفلة ولا شي رايحة فصلية الهم حضرنة غراضي أنة وماما
وداد: ماما عشق نروح للسوك نتسوك الج غراض
عشق: لا ماما عندي مامحتاجة
وداد: تمام براحتج
حضرت غراضي وكملت وكعدت اخابر نورس
عشق: الو نورس
نورس: هلا ولج وينج
عشق: ولج اليوم اروح
نورس: وين ترحين
عشق: اليوم العقد مالتي أنة وهمام اخو الولد الدعمة اخوي
نورس: ولج شبسرعة شنو مستعجلين
عشق: بعد شسوي
نورس: حبيبتي راح اشتاقلج
عشق: وانة هم والله
نورس: خلينة ع تواصل مو تنسيني
عشق: ولج شلون انساج
نورس: يكلبي وبجيت
عشق: لا تبجين نورس عفية راح تخليني ابجي وبجيت
نورس: يلا ماشي سكتت وانتي هم سكتي
عشق: اي عفية أنة اريد اصير قوية واتحمل كلشي الخاطر اهلي
نورس: عفية عشوقة حبيبتي
شوكت ترحين
عشق: ب 4 العصر بابا ياخذني
نورس: ماترحين إذا ماتجين يمي هنا نسولف شوي
عشق: تمام راح احاجي حمزة يجيبني الج يلا سدي خل ابدل واجيج
نورس: تمام عمري باي
عشق: بايات
سديتة من نورس وبدلت ونزلت احاجي حمزة يوصلني نزلت ماشفتة رحت دكيت بابا الغرفة مالتة
حمزةة وينك
ESTÁ A LER
فصلية الضابط همام
Ficção geralتتحدث هذه القصة عن فتاة مدللة تعيش في جنوب العراق ولكن يفر بها الزمن لتصبح فصلية فهل ياترى ما هي الأحداث التي سوف تمر بها هذه الفتاة ملاحظة* القصة من نسج الخيال ولكن احداثهة واقعية في عالمنا قراءة ممتعة 💚 الكاتبة نوناية 💞 قناتي تليكرام no_na342
