"نصف أنثى"
فتحات تسنيم باب الدار لي كانت صغيرة و مكونة من طابق واحد و كراج و سطح ... دار صغيرة هزات هموم و ذكريات كبيرة ... بسبب حالتهم المادية المتوسطة مقدروش يبعيو دار ولاا يبدلو سكن... مقدراتش هي و خوها يهربو من دوك الذكريات السوداء لي كتغرقهم في بحر سوادي كيهلك عقولهم المتعبة...
في كل زاوية من هاد دار كاين ذكرى خايبة...
مثلا السداري لي كانت ماماها كتنعس فيه و كتحارب الألم الفظيع لي سببو ليها سرطان .
أو داك شرجم لي في إحدى ليالي باباها بغا يرمي منو خوها حيث كان سكران و مواعيش شنو كيدير ؛ وكان هيتسبب في موت إبنو لي في داك لوقت كان في عمرو 7 سنين ...
في زاوية أخرى لي كان الطواليط ... تما فين كانت كل مرة ماماها كتفقد الوعي...والا كيتعصرو اعضاءها لدرجة تتقيئ دم
أو مثلا البيت فاش كانت هتتعرض للإغتصاب من طرف صاحب باباها لي جابو باش يسكر معاه في دار...
ولا البيت الثاني فاش كان باباها كيضرب ماماها بوحشية حتى كينتهي بيهم القدر في سبيطار و باباها قاضي ليالي لي كتمتد لأشهر في الحبس
أو ندوزو للكوزينة لي هز باباها عليها موس و كان ناوي يذبحهاا باش توريه البلاصة فين مخبعة ماماها ذهوبتها و فلوسها...
هاد دار مكانتش مجرد دار عادية لتسنيم ... انما كان قفص لذكريات بشعة عمرها تقدر تتجاوزهم لا هي لا خوها
مشات بخطواتها البطيئة و المتعبة نفسيا لبيتها و شدات من وراها لباب ...
دخلات للبيت و فتحات الماريو لي كان من خشب و باين عليه أنه قديم .
جبدات حوايجها و فوطتها باش تدوش
و مشات متاجهة لطواليط ؛
فتحت لما و خلات ديك القب يتعمر بالما البارد؛
ماشي حباً باش تتجمد بالبرد و تمرض .. انما فقط حيث سالات بوطة ديال السخان الغازي لي عندهم في دار.
وقفات مقابلة للمراية وبدات كتحيد حوايجها ببطئ
عن جسد كرهاتو ...و كرهات تشوف فيه؛
حيدات الكاب ومن موراها التريكو ؛
و بانو يديها لي كانو فبهم زغب كثيف ؛ زغب ب سبب كثافتو تقدر تقول انها يد راجل ماشي بنت .
زادت حيدات اخر قطعة من ملابسها الفوق
و تعرى صدرها؛ لي كان هو الأخر كثيف الشعر...مكانتش لابسة حمالات الصدر. يمكن حيث اصلا معندهاش ثدي!
و بمصطلح صريح كان جزء علوي من جسدها كأنه مستنسخ من جسم راجل . ماشي أنثى!
شدات سروال الفضفاض لي لابسة و حيداتو
كان على عكس الجزء العلوي
حيث كانو رجلها بيضين و واضح انها عاطيهم عناية...حالقهم من شعر و كترطبهم؛ و شكلهم كان ممشوق و أنوثي جميل
الحاجة وحيدة لي كانت مخربة مظرها هي
ملابس داخلية ذكورية لي كانت لابسها
مدات يديها ببطئ و هبطاتو بين رجليها
باش يظهر منظر صادم لينا كقراء؛
عضو ذكري صغير خارج من بين رجليها
كيخلي سؤال غريب!
واش هي بنت أو ولد؟
واش الاسترجال ديالها مكانش مجرد ستايل لبس؟
YOU ARE READING
نصف انثى(بالدارجة)
Random🚫نصف انثى🚫 __بالدارجة المغربية__ هِيَّ لاَ تَرْتَدِي الكَعْبَ مِثْلَ جَمِيعِ الإنَاثْ. ولا تضع تلك الألوان الصاخبة على جفنيها. مغرمة بالأحدية الرياضية ولا تبالي ب بعثرة حاجبيها ملامحها عادية جدا.... ربما تكتفي بالقليل من الكحل ليضفي رونقا على بري...
