الفصل العاشر :
حسنا سأسهل عليك أما أن تخسر قدرتك أو تخسرين أنتِ ذكري حبيبك العزيز!!
هما الاتنين اتصدموا ومكنش حد عارف يرد ولا يقول أيه ؟ بصوا لبعض وكأنهم بيفكروا مين الي هيضحي ؟! أوكين مهما كان كاره قوته وحاسس أنها مكتفاه عن الحياة بس عمره مافكر منغيرها هيعمل ايه ؟ منغيرها هيقدر يعيش ولا لا!! منغيرها هيقدر يتأقلم مع الي حواليها ولا لا !! هيقدر يحمي كل الي بيحبوهم ؟ هيقدر يساعد نفسه دايما ويساعد توأمه المتهور؟!
ونينا كانت بتفكر زيه أزاي هتنسي حبيبها إلي خسرته! من خمس سنيين وهي فكراه عمرها مقدرت تنساها وعمر ما شافت حد قدر ينسيها ؟؟ كان في افكار وعكسها في دماغها هل هتفضل عايشة علي ذكراه ومش عايشة حياتها ولا سنها؟؟ ولا تستغل الوضع وتنساه وتدي نفسها ولقلبها فرصة يحب تاني مع أنه بدأ يدق فعلا لأول مرة من زمان!! كل واحد كان جواه كلام كتير وافكار كتير التاني ميعرفش عنها حاجة ..
بعد الصمت ده أوكين فاق من افكاره وقرر ميستسلمش ليها وقرر أن مافيش حد هيضحي والموضوع ده هيخلص حتي لو بالدم !!
عينه نورت أزرق ووجه ايده ناحيتها وقبضها بسرعة منغير ما هي تلاحظ فبدأ جسم العفريتة يتشنج ويترفع عن الأرض وأيده التانية رفعها وبدأ يقبضها براحة وكل ما كان بيقبض أيده كانت العفريتة بتتخنق أكتر والدم بيجري في شراينها بسرعة وكأنها هتنفجر!! كان خلاص هيقبض أيده وينهي حياتها لكن نينا صرخت وقالتله : لا لاااا اتركهااا لا تقتلها أرجوك.. اتصدم ووقف ايده والتفت ليها بأستغراب لكن في نفس الوقت العفريته استجمعت كل قوتها واستغلت عدم انتباها وفي ثانية نطرته بعيد واتخبط في الحيطة جامد ونزلت علي الأرض وقربت منه بغضب كبير ومسكته من رقبته ورفعته وبدأت تخنق فيه وتقول: كنت متساهلة معكم كثيرًا لكن ماذا فعلت أنت؟؟؟ كنت ستقتلني بدم بارد أنت حقا لا تستحق أن تعيش يا عزيزي!!
اوكين كان بيحاول يعمل حاجة مش عارف يستخدم قوته وميعرفش ليه كان بيتخنق وبس لغاية ما سمع صوت نينا: انتظري انتظري أنا سأضحي لكن لا تقتليه أعتذر بالنيابة عنه لكن أرجوكِ لا تقتليه..
العفريتة بصتلها بأستغراب وقالت : هل أنتِ متأكدة ؟
فردت نينا بسرعة وهي شايفة اوكين بيتخنق : نعم نعم متأكد لكن أرجوكِ اتركيه أنه يموت..
سابته فعلا ووقع علي الأرض ياخد نفسه وقربت من نينا وقالتلها وهي بتشاور : ستضحين بذكري حبيبك بسبب هذا ؟؟
نينا ردت وبدأت تعيط : لقد تعبت.. ذكراه تؤلمني.. لا أخذ منها غير الألم والعذاب والحزن وأنا أري كل يوم موته يتجسد أمام عيني قبل أن أنام.. أريد أن انسي وأن اعيش حياتي بدون عذاب أريد أن تمحي ذكراه من عقلي وأن أحب من جديد..
كانت العفريتة مش متأثرة خالص وبصتلها بأستخاف وقالت : آه مشاعر البشر الغبية حقًا أنا اشفق عليكم.. حسنا سأتغاضي عن ما فعله هذا الوسيم وسأنفذ معكم الأتفاق ذكري حبيبك مقابل مغادرتي لهذا المكان .. أول ما خلصت الكلام مدت أيدها في الهواء وظهرت ورقة كبيرة منورة مكتوب عليها بلغة غريبة كلام وطرقعت بأيدها ظهر قلم مدته ناحية نينا وقالت : حسناً أمضي علي هذا الميثاق لكي أبدأ مسح ذاكرتك واغادر هذا المكان الممل.
نينا قربت ومسكت القلم بس اوكين اتكلم وهو بيقرب منها وقال : نينا فكري جيداً هذه الخطوة ليست سهلة.
بصتله وقالت : سأفعل كل ذلك من أج... وقطعت كلامها وبصت للورقة وليه تاني وكملت : أرجو ألا تخذلني!! ومضت علي الورقة باسمها في ثانية والعفريتة سقفت فالورقة اختفت وهي ذات نفسها أختفت ونينا فقدت الوعي ووقعت لكنها قبل ما تلمس الأرض كان اوكين بينادي باسمها وبيمسكها بسرعة!!
أنت تقرأ
أساطير الرافدين Μεσοποταμία
Adventureلقد خلق الله الأنسان لكي يعمر الأرض ويكون خليفته في الارض لكن ماذا حدث ؟ّ! لم يقم الأنسان بالرسالة علي اتم وجه بل اصبح يدمر الأرض ويسفك الدماء وينشر الحروب في شتي انحاء الأرض ولكنه لا يعلم ان عقاب الله يأتي لا محال .. ماذا ستشعر عندما تجد نفسك في عا...
