السلام عليكم حبايب
اولاً اشكر كل شخص اندعاله ان شاء الله بميزان حسناتكم يارب وماقصرتو كلكم واعتذر منكم عالقفلة
وثانياً تفاعلكم ليش هيج صاير💔 انشر بارت اجي اريد اقرأ التعليقات متحمسة اشوف التعليقات قليلة عالفقرات اتهبط والله حتى مالي واهس اكتب البارت الجاي
وثالثاً ليش الحجي عالسيد خياتي شلون يعقد عليها وغصب عن اهلها وين كاعدين غير يعتبرونه ناهبها وراح تصير عشاير والشيخ اخلاقه مو هيج
وشغلة الخ هي استنجدت بيهم صح ومايصير بالأعراف والقوانين العشائرية يعوفوها وشفتو السيد محمد متمسك بموقفه وماكدر يتركها ولا رضه يتركها...
بس الي ماتعرفونه اكو اشياء ماتنكتب..ماشفتو الاختصارات بالبارت حفاظاً على اصحابها لأن بهذيج الفترة الكل عرف هاي الفقرة الذكرتها مال هبة من راحت بيت السيد
وهاي كله حكم ابوهم السيد عبد الحسين هو الي كلهم عوفوها..همه ابد ما مشددين بالقوانين والاعراف العشائرية لان اكو شي اسمه دين وشرع وقبل لا تجي هالقوانين اجه قانون الله
يعني السادة نحجيها بالواقع مالهم حق يدخلون بحياة هبة لا خير ولا بشر لأن لو همه هيج وبناتهم بنفس الموقف اكيد ماراح يقبلون يدخل احد ويكولهم غلط
تبقه كل عائلة الها احترامها وخصوصيتها ومايحق لأي مخلوق يدخل حتى لو يزوجون بناتهم غصب منو اله حق يدخل
لحد يكول ماكو ناس شيوخ مايتشددون بالقوانين احنه ماعدنه هيج وهمين عشاير..يبقه كل عشيرة الها اعرافها وتقاليدها...
اتمنه فهمتو عليه الي كلته وفدوة لحد يكول شلعتي كلبنه بالنشر ترا والله حالتي بس الله يعلم بيها لو اكعد اشرح ماخلص..بس باختصار المبايل الزمه شوي ايدي تخدر وصداع يكتل يلزمني بسبب ارتفاع الضغط وماكدر اكعد واكتب بلابتوب الكعدة تكسرني تكسر
هاي مقطع اقروه😘
هبة.....
دخلني للبيت غصب وهو ساد حلكي قوي حتى ماصرخ..لا جيران لا احد طلع شنو القصة..متت رعب..انه انتهيت اذا ناوي عليه صالح نية مو زينة...
اصرخ ويرجع يسد حلكي..جرني للهول..اريد اخلص نفسي ماكدرت..احاول بكل جهدي ما استسلم...ردت اشرد ماكدرت...
لزمني قوي كلما اريد اشرد يتمسك بيه اقوى..فلتت ايده سرخت بعلو صوتي..رجع كتم صوتي..شعوري بهاللحظة ماينوصف موقف صعب جزء كلبي...
قفل الباب...اريد اعرف افكر ماكدر..نزعني العباية ارافس واقاوم..طحت من مقاومتي وطاح فوكي..ايدي تأذت...ماهماني وماحسيت بألمها ابداً يم ألم كلبي وخوفه...
![](https://img.wattpad.com/cover/276100312-288-k42436.jpg)
YOU ARE READING
ابناء السادة(هبةُ السيد)
Romanceقصتنه مختلفة نوعاً ما وحالة عشك غريبة عشك ناس مؤمنين... يقول الامام علي عليه السلام العشق بلاء لا أجر فيه ولا عوض