جنة عابد

٤

#جنه_عابد

بقلمي ..#wared_wa

قرائة ممتعة ..💗

تاهت عيوني في بحورِ عيونها
‏واختار قلبي أن يغوصَ فيغرقَ
‏أواهُ من رمشٍ أحاطَ بعينها
‏سهمٌ توغلَ في الوريدِ فمزق
‏العينُ بحرّ والهيامُ قواربٌ
‏والشرع واجبها بأن تتمزق
‏حتى اذا ركب الفؤادُ هيامهُ
‏شاء الإلهُ بأن نغوصَ فنغرقَ
.
.
.

بقى طول ليله يتقلب عيونه مازارها النوم مايدري وش نوع هالمشاعر لاول مره يحس فيها
عيونها انطبعت براسه وشكلها وعطرها اللي سكن بأنفاسه
التفت وهو يشوف زينب نايمه بعمق وماكآنه زوجها تزوج عليها

ويتسائل
مافيه يوم حس بهالمشاعر معها رغم طول عشرتهم وبينهم عيال بس ماتواجد بيوم بينهم الحب
حاوط خصرها يقربها منه
فزت من نومها وفتحت نص عينها المليئة بالنوم
وهي تمسك يده وتبعده
- عابد وش فيك بسم الله حلمان فيني
شالت يده وعطته ظهرها
- زينب ، انتي تحبيني؟

- وش اللي مخليك تسأل هالسؤال مثل هالوقت يرحم والديك خل انام
- جاوبي
- اي احبك ماهو انت ابو عيالي
ناظر بعيونها وهو يشوف العكس عيونها خاليه من المشاعر
حاول يقترب منها اكثر لكنها دفعته بعصبيه

- لاتنسى اتفاقنا يا عابد انت تزوجت مابيننا حقوق انا وياك كل اللي بيننا عيالنا
تنهد ومسح وجهه بعصبيه يحاول يهدي نفسه ويعدي هالليلة على خير بدون ما يهبط امه وابوه
خذا جواله ودخانه قام لبس ثوبه وخرج يمشي بهالليل ومعه طيف عيونها
.
.
.
طول ليلها مانامت مقهوره
فرزتها بنت عمتها وهي تنادي
- جنه صاحيه ؟
- ايه امري
- قومي نجلس بالصالة نسولف شوي ماجاني النوم
- طيب

جلسو بالصالة وجنه سارحة
- وش فيك من بعد مادخل وتخربط احوالك صاير شي؟
- شفتي شلون كان لابس دبلته لو لهالدرجة يحب زوجته ليش تزوج
- يمكنه نسيها لا تحكمين من عندك وماشفتيه من لاحظ على طول شالها

تنهدت جنه
- احس اني بتعب معه ، شلون بتحمل واحدٍ يوم عندي يوم عند زوجته يغازلها ويجي عندي يقول نفس الغزل يقولها احبك ويجي عندي بنفس الكلام
- ماسمعتي امه وش قالت قالت زوجته ماتبي منه شي الا عيالها وتعتبرين انتي زوجته الاولى
- وش اللي يضمني مايرجع لها بالنهاية رجال ماهو ملاك يشوفها قدامه ويجلس ساكت وهي زوجته وحلال عليه لاتقنعني للابد راح يبقى معي

- الله يعينك ياجنة ماضنتي بعد ماشافك يروح لزوجته الرجال من يوم مادخل مانزل عيونه منك
- سكتي فترة ويمل مني ويرجع افكر ارفضه لكن اخاف افشل ابوي قدام الرجال
- ليه وش سببك انسه جنه امس ملك عليك واليوم ماتبينه الرجال عنده مشاعر وهالشي اهانه له وبنفس الوقت اهانه لك الحريم مايسكتون يحسبون العيب منك لجل كذيه طلقك بعد عقدكم بيوم
تأففت بقهر
- الله يكتب اللي فيه الخير
.
.
.
عائشة : يمه جنه اجهزتي زوجك جاي يشوفك
جنه : يمه ماعندي شي البسه
وحده من عماتها
- اخذي من البنيات جايبين خير من الله
عائشة : تسلمين ياام مازن بس جنه تتدلع دولابها كله ملابس ومن اقولها البسي تقول ماعندي