"ဘေဘီ တံခါးဖွင့်ပါအုံးကွာ ကိုယ်ဘာမှားလို့လဲ အဲလိုကြီးမနေပါနဲ့ နော်....ဘေဘီ"
ယွမ်ကျားရှင်းကိစ္စပြီးကတည်းက ရိပေါ်က အပြင်ကိုထွက်မလာတော့ပဲ အခန်းပဲအောင်းနေခဲ့တယ်....ရှောင်းကျန့်ကိုရော ရှောင်းတစ်အိမ်လုံးကိုရော ပေးမဝင်ပဲ ထမင်းစားချိန်တောင် အခန်းရှေ့ကိုလာပို့ခိုင်းနေတာမို့ ရှောင်းကျန့်တို့စိုးရိမ်ရေအမှတ် တိုးလာခဲ့သည်...၊
အစပိုင်းကတော့ ၁ရက် ၂ရက် နေပါစေဆိုပြီးထားခဲ့ပေမဲ့ တစ်ပတ်လောက်ကြာတဲ့အထိဆိုတော့ ရှောင်းကျန့်ခေါ်မထုတ်လို့ပင်မရတော့ချေ....၊
အခုဆို ယွမ်ကျားရှင်းကို သက်ဆိုင်ရာက တရားဥပဒေအတိုင်းအရေးယူပြီးလို့ ယွမ်လဲ့လဲ့လဲ အမှုကနေ တရားသေလွတ်သွားခဲ့ပြီ။
ယွမ်လဲ့လဲ့ရော ချူးလန်ရော ရိပေါ်ကိုတောင်းပန်ချင်တာတောင် ရိပေါ်ကထွက်မတွေ့တာမို့ ရှောင်းကျန့်ကနေပဲ ပြေလည်ရာပြေလည်ကြောင်းပြန်ပြောလိုက်ရသေးသည်...၊
"သား ကလေးကစိတ်ထိခိုက်နေတာနေမှာပါကွယ် အရမ်းကြီးမစိုးရိမ်ပါနဲ့ မားလဲခေါ်ကြည့်ထားမယ် သားအလုပ်သွားမယ်မလား စိတ်ဖြောင့်ဖြောင့်နဲ့သွား"
"ရိပေါ်ကို ဒီလိုအခြေအနေကြီးနဲ့ မထားခဲ့ချင်ဘူးမား ဒီနေ့တော့ မရရအောင်ခေါ်ထုတ်မယ် ဘေဘီ! ဘေဘီ တံခါးဖွင့်လို့ ကိုယ်ပြောနေတယ်နော်"
"ရှောင်းကျန့်!"
ရှောင်းကျန့်နဲ့ရှောင်းမားတို့ ရိပေါ်အခန်းရှေ့မှာ တံခါးထုနေတုန်း ရှောင်းကျန့်နာမည်ခေါ်သံကြားတာမို့ လှည့်ကြည့်တော့....
"ဝမ်လီ အတော်ပဲ ဒီမှာ ရိပေါ်ကိုခေါ်ပေးပါအုံး အခန်းထဲကထွက်မလာတာကြာနေပြီ"
"ငါလဲသတင်းတွေတွေ့တာနဲ့ လာလိုက်တာ ဒီကောင်လေးဟာလေ အခုထိမရင့်ကျက်သေးဘူး"
"ဝမ်လီ ဘေဘီ့ကိုမဆူနဲ့ နင် သူ့ကိုအပြင်ရအောင်ပဲခေါ်ထုတ်ပေး"
"အေးပါ အထိကလဲမခံဘူး တကတည်း နင်ခပ်ဝေးဝေးသွားနေ ငါခေါ်ကြည့်မယ်"
"ဟုတ်တယ် သား လာ မားတို့အောက်မှာပဲအခြေအနေစောင့်ကြည့်ရအောင်"
YOU ARE READING
ချစ်သော...💚
Fanfictionအရိပ်လေးမြင်ရုံ၊ အသံလေးကြားရုံနဲ့ ဒီလူရင်ခုန်သံမြန်လာရတာမျိုးပါ 💚💚💚 အရိပ္ေလးျမင္႐ုံ၊ အသံေလးၾကား႐ုံနဲ႔ ဒီလူရင္ခုန္သံျမန္လာရတာမ်ိဳးပါ 💚💚💚
