အသွားသာရှိ၍ အပြန်မရှိသောချစ်ခြင်းအားမလိုချင်လှပါ။ကိလေသာအာသဝေါကုန်ခမ်းသော အရိယာမဟုတ်သည့် ပုထုဇဉ်တစ်ယောက်သည် ချစ်ရသူထံမှ တစ်ပိုင်းတစ်စမျှသော ချစ်ခြင်းကိုအလိုရှိပေလိမ့်မည်။ပြောရင်း ပြောနေမည့် ချစ်ခြင်းမေတ္တာဆိုသကဲ့သို့ မြတ်နိုးနေရင်းနှင့်ပဲ မြတ်နိုးကြောင်းထပ်ခါထပ်ခါ ပြောမိနေလိမ့်မည်။အကြင်သူသည် ပုထုဇဉ်မျှသာ..။အထူးအားဖြင့် တစ်စုံတစ်ယောက်အားမြတ်နိုးမိသော ပုထုဇဉ်ယောက်ျားမျှသာ...။
"ခင်ဗျား အမောင့်ကိုချစ်နေတာလား"
သူ့ရှေ့မှ ကောင်လေး၏အမေးစကားကြောင့် ကြပ်ထုပ်ထိုးပေးနေသောလက်များကရပ်တန့်သွားသည်။သူပြန်တွေးကြည့်သည်။အမောင့်အားချစ်သည်လား သို့တည်းမဟုတ် အမောင့်၏ချစ်ဖို့ကောင်းမှုကြောင့် ခေတ္တမျှစွဲလမ်းမိသည်လား။သူ အဖြေရှာမရသေးပါ။
"ကိုယ် မဖြေတတ်ဘူး"
"........"
"ကိုယ် အမောင့်ကိုချစ်တာလား ကြိုက်တာလား မြတ်နိုးမိတာလား မေတ္တာရှိတာလား....ကိုယ် အခုထိမသိသေးဘူး"
"ခင်ဗျားစကားကဘာစကားကြီးလဲ အဓိပ္ပာယ်ကအတူတူပဲဟာကို"
သူ့ထက်နှစ်နှစ်မျှသာငယ်သော သူ့ရှေ့မှအဆိုးလေးသည် ချစ်ခြင်းမေတ္တာအကြောင်းမေးမြန်းနေခြင်းသည် မချစ်ဖူး၍လား။ဘာပဲဖြစ်ဖြစ် သူရှင်းပြရပေမည်။
"မတူဘူး ပေါက်စရဲ့။ချစ်တယ်ဆိုတာက ရင်ထဲကနက်နက်ရှိုင်းရှိုင်းချစ်တာ။ ဒါပေမယ့် ကြိုက်တာကကျတော့ လူတစ်ယောက်ရဲ့အပေါ်ယံကိုပဲကြည့်ပြီး သဘောကျတာ ဥပမာ-ချောတာလှတာတို့ပေါ့"
"......"
"မြတ်နိုးတာက သူ့ရဲ့ဖြစ်တည်မှုကအစမြတ်နိုးသွားတာ။ဘာပဲလုပ်လုပ်အပြစ်မမြင်တော့ဘူး။သူ့ပါးက၀က်ခြံဖုတွေကအစ အမာရွတ်လေးတွေအဆုံး သဘောကျသွားတာ။မေတ္တာကပိုပြီးနက်ရှိုင်းသွားပြန်ရော"
"ဆက်ပြောပါဦး.."
"မေတ္တာဆိုတာ အပေးပဲရှိတယ် အယူမရှိဘူး။ကိုယ်ကသူ့ဆီကဘာမှမမျှော်လင့်ဘဲ ကိုယ်ကပဲချစ်ပေးပြီးဂရုစိုက်ပေးချင်တာ။အအေးချမ်းဆုံးကတော့ မေတ္တာပဲ။ဘာကိုမှမမျှော်လင့်ဘဲ အတ္တကင်းကင်းနဲ့ ချစ်ပေးတာကမေတ္တာပဲ"
YOU ARE READING
ချစ်ခြင်းတည်စေ
RomanceSeme~အဂ္ဂခွန်းပိုင် Uke~ခန့်ညားလွန်းမောင် မိဘမဲ့တစ်ယောက်ဖြစ်တဲ့ ခန့်ညားလွန်းမောင်။အဒေါ်မိသားစုရဲ့နှိပ်စက်မှုဒဏ်ကိုအမြဲခံနေရပြီး မြေအိုးထမင်းဆိုင်လေးမှာအလုပ်လုပ်ရင်းဘုရားသမိုင်းတွေကိုရှင်းပြရတဲ့ကောင်လေးတစ်ယောက်။သူ့ဘ၀ရဲ့အမှောင်မိုက်ဆုံးအချိန်တွေမှာ ခရ...
