بهاي اللحضه من سد باب السياره فهمت انو اني انخطفت.... درت حوالين نفسي شفت ثلاثه رجال ملثمين يباوعولي وبس محد منهم حجه حرف واحد ....اباوع على نفسي هسه شسوي اصرخ ؟!. اشرد؟.. طلقه وحده يطشرون راسي ماكو اي رحمه بعيونهم ...عيوني غوش من الدمع والخوف سيطر عليه كلت خلي احجي بلكي احصل جواب
حجيت بصوت ناصي اشبه بالهمس
_عفيه منو انتو ؟ وشتريدون مني
بس محد جاوب نهائيا حرف واحد ماطلع منهم
عبالك آليين اي صوت ماكو بس يباوعولي
احترك كلبي من برودهم رفعت صوتي وحجيت بحركه
-انتو منووو ولييش اني هنااا؟
اني مخطوفه لو شنو احد يفهمنييي شتريدون مني
اقترب واحد منهم وضربني راشدي من قوته فقدت الوعيي تماما...بس واحد منهم ماقبل على صديقه بس ضل يباوعله بعدم رضا ..صرخ عليه
—باوع لك اذا صار شي لهاي البنيه راح تكون نهايتنا كلنا والباشا مايرحم بينه ..غبي غبيييي
رد الثاني—لتخاف واضح انو هيه قويه وراح تفيدنه بهواي امور لتخاف ...
...وصلت السياره للمقر وبديت استعيد الوعي
نور..اخخخ راسي يمه..شصاير اني وين ؟ ليش جبتوني هنااا
رد واحد منهم ..انزلي يلة وصلنا
نور—لالاعفيه عوفني ما انزل اريد امي اريد ارجع للبيت امي راح تموت من خوفهه عليه ..بصراخ ..رجعني داكولك رجعنييي
ضحكو ثلاثتهم واقترب واحد منهم لف عيني بوصله سوده علمود ما اشوف شي وجرني بقوه واني اصرخ
-عوفوني حيوانات خليني اروح سسساااعدوني حبابين فدوه ساعدوني
رد واحد منهم
-هسه ما افتهمنه احنه حبابين حيوانات هههه
اصرخ بقه بس عبث المكان خالي يصفر
دخلوني جوه وشمروني بالكاع حيل
حجه واحد منهم
-تفضل باشا جبتلكياها مثل ما طلبت
كلامه خلاني ارجف وحتل الخوف احساسي مررت ايدي على عيوني وسحب الوصله من عيني جنت بالكاع وعيني مارفعتهه من الخوف بس اشوف حذاء كدامي رفعت عيني ليفوك شفت رجال كدامي طويل وضخم داير وجهه للمكتب ..ماشفت وجهه وكل الي شفته والمريت بي بهاي اللحضات زادني خوف ورعب ......!
ESTÁS LEYENDO
الضحيه والجلاد
Aventuraفتاه تم اختطافها لتقع بيد مجموعه غريبه من الناس قائدهم زعيم كبير ليتحكم بها ويغير مستقبلها بالكامل ولكن لم يتوقع ان تلك المخطوفه ستغير حياته ..قصه باللهجه العراقيه
